ဝမရှိပဲ ၀ိလုပ်ချင်တဲ့ အထဲမှာ ပင့်ဂိုလ်းတို့ ထိပ်ဆုံးက ပါပါတယ်။ ဘာကြောင့်လဲ ဆိုတော့ ခုတစ်လော နာဂစ် မိဘမဲ့ ကလေးတွေကို ဂေဟာ အကြီးကြီး ဆောက်ပေးချင်တဲ့ စိတ်က တစ်ဖွားဖွားပေါ်နေလို့ပါပဲ။ ဘယ်က ပိုက်ဆံရမလဲတော့ မသိဘူးလေ။ စိတ်ကရှိနေတာကို ပြောပြတာပါ။ ကျွန်မနဲ့ ဂျီတော့မှာ တွေ့ကြတဲ့ သူတိုင်း ကျွန်မရဲ့ Status ကို သတိထားမိကြမယ်ထင်ပါတယ်။ “နာဂစ် မိဘမဲ့ ကလေးတွေအတွက် ဂေဟာဆောက်ပေးချင်တယ် အို သိန်းတစ်ထောင်လောက် လိုချင်လိုက်တာ.. ဘယ်ကရှာရမတုန်း” ဆိုပြီး တင်ထားလိုက်သေးတယ်လေ။ လေနဲ့ ပိုက်ဆံချေးတဲ့ သူတွေကလည်း ပေါပါဘိသနဲ့။ ဒါပေမယ့် မနေ့က ထုတ်တဲ့ 7 Days News Journal မှာတော့ အခုလို သတင်းတစ်ပုဒ် ရေးထားလေရဲ့ရှင်။
မုန်တိုင်းသင့် ကလေးများအား မည်သူ့ကိုမျှ မွေးစားခွင့် ပေးမည်မဟုတ်
ဧရာဝတီတိုင်း၊ ရန်ကုန်တိုင်းတို့တွင် နာဂစ် မုန်တိုင်းကြောင့် မိဘမဲ့ဖြစ်ခဲ့ရသော ကလေးများငယ်များကို နိုင်ငံတော်အစိုးရနှင့် ပြည်တွင်းရှိ အစိုးရမဟုတ်သော နိုင်ငံတကာ အဖွဲ့အစည်းများ၊ ကမ္ဘာ့ကုလ သမဂ္ဂအဖွဲ့အစည်းများ ပူးပေါင်း၍ လုံလောက်သော ပမာဏနှင့် ထိန်းသိမ်းစောင့်ရှောက်မည် ဖြစ်သည့်အတွက် မည်သည့်အဖွဲ့အစည်း၊ မည်သည့်ပုဂ္ဂိုလ်ကိုမျှ ကလေးမွေးစားခွင့် ပေးမည် မဟုတ်ကြောင်း လူမှုဝန်ထမ်း (ခတ္တ) ဦးစီးဌာနမှ ညွှန်ကြားရေးမှူးချုပ် ဦးအောင်ထွန်းလှိုင် 7 Days News သို့ပြောကြားခဲ့သည်။
အဆိုပါ မိဘမဲ့ ကလေးငယ်များအား သက်ဆိုင်ရာနေရာ ဒေသများတွင် မိမိဆွေမျိုးသားချင်းများနှင့် ဆုံဆည်းရန် ပြည်တွင်းရှိ အစိုးရ မဟုတ်သော အဖွဲ့အစည်း (NGO) များနှင့် လက်ရှိအခြေအနေတွင် ဆောင်ရွက်နေကြောင်း၊ မိဘမဲ့၊ မိဘဆွေမျိုးများ မရှိသော ကလေးငယ်များအား နိုင်ငံတော်မှ ဥပဒေဖြင့် မွေးစားပြီး အသက်အရွယ် အပိုင်းအခြားကို လိုက်၍ အခြေခံပညာမှ တက္ကသိုလ်ပညာအထိ သင်ကြားမည် ဖြစ်ကြောင်းနှင့် ဥာဏ်ရည်မမီသော မိဘမဲ့ကလေးများအား အသက်မွေးဝမ်းကြောင်း ပညာရပ်များ သင်ကြားပေးမည် ဖြစ်ကြောင်း အထက်ပါ ပုဂ္ဂိုလ်က ထပ်မံပြောသည်။
“ဘယ်အဖွဲ့အစည်း၊ ပုဂ္ဂိုလ်ကိုမှ မွေးစားခွင့် မပေးပါဘူး။ ဒီကလေးတွေကို နိုင်ငံတော်က တာဝန်ယူ စောင့်ရှောက်ပေးမှာပါ။ အခု လောလောဆယ်တော့ ဒီကလေးတွေကို မိမိရပ်ရွာက ဆွေမျိုးတွေ အသက်ရှင် ကျန်သေးလား လိုက်ရှာပေးပြီး၊ မိဘဆွေမျိုးတွေနဲ့ ပေါင်းစည်းဖို့ NGO အဖွဲ့အစည်းတွေနဲ့ ဆောင်ရွက်နေပါတယ်။ ကိုယ့်သဘောနဲ့ကိုယ် မွေးစားခွင့် မပေးခြင်းဟာ မလိုလားအပ်တဲ့ ပြသနာတွေဖြစ်မှာ စိုးရိမ်လို့ပါ” ဟု အထက်ပါ ပုဂ္ဂိုလ်က ထပ်မံပြောသည်။
အဆိုပါ မိဘမဲ့ ကလေးများအတွက် မအူပင်မြို့နှင့် မြောင်းမြမြို့တို့တွင် ယာယီစောင့်ရှောက်မှုများ ထားရှိထားလေသည်။ မိဘမဲ့ ကလေးများအတွက် ဖျာပုံနှင့် လပွတ္တာမြို့တို့တွင် တစ်ကျောင်းလျှင် လူ ၃၀၀ ဆန့် မိဘမဲ့ကျောင်း ၂ ကျောင်း ဆောက်လုပ်နေကြောင်း သိရသည်။ ယခု စောင့်ရှောက်မှု ဂေဟာတွင် မိဘမဲ့ကလေးငယ် ၁၃၀ ယောက်ရှိကြောင်း အထက်ပါ ပုဂ္ဂိုလ်က ပြောသည်။
နာဂစ် မုန်တိုင်းကြောင့် ဧရာဝတီတိုင်း မြစ်ဝကျွန်းပေါ် ဒေသတွင် လူအသေအပျောက်များခဲ့ပြီး မိဘမဲ့ကလေး အများအပြားရှိနိုင်ကြောင်း မုန်တိုင်းသင့် ဒေသများမှ ဒေသခံ များက ပြောကြားသည်။ တရားဝင်မဟုတ်သော စာရင်းများအရ မိဘမဲ့ကလေး ၅၀၀ အထက်တွင် ရှိနိုင်ကြောင်း ဒေသခံများ ထံမှ သိရသည်။
“မိဘမဲ့ ကလေးတွေ အများကြီး ရှိတယ်၊ ဦးတို့ ရွာမှာတောင် မိဘမဲ့ကလေး ၁၅ ယောက်ထက် မနည်းရှိတယ်။ ရွာနီးနားက ရွာတွေတော့ အကုန်လုံးပါတဲ့ ရွာကပါနဲ့ လူအသေအပျောက် များခဲ့တယ်” ဟု ဖျာပုံမြို့နယ် ကျုံဖယ်ကျေးရွာမှ ဒေသခံ တစ်ဦးက ပြောသည်။
အဆိုပါ မိဘမဲ့ကလေးများ ပြန်လည်ထိမ်းသိမ်း စောင့်ရှောက်ရေးအတွက် နိုင်ငံတော် အစိုးရနဲ့ Unicef, World Vision, Save the Children, CARE Myanmar စသည့် NGO အဖွဲ့အစည်းများနှင့် ပူးပေါင်း ဆောင်ရွက်နေကြောင်း သိရသည်။
ကလေးငယ်များ ကံကောင်းနိုင်ကြပါစေလို့ ကျွန်မ ရင်ထဲက လှိုက်လှိုက်လှဲလှဲ ဆုတောင်း မိနေပါတယ်ရှင်။
The World of Pinkgold 
ဟယ်..
ဒေါ်ပင့် .. စံပြငါးဈေးအလယ်ခေါ်တောင် ပဲဟင်းကျွေးချင်လွန်း လို့ ကလေးတွေကို လိုက်ဆွဲနေတာ.. နောက်ဆို .. နာဂစ်အရောင် နာဂစ်အနံ့ ပြီးရင် နာဂစ်ကလေးစစ်သားလေးတွေပေါ်လာတော့မှာပေါ့ .. ငါလည်း တတ်နိုင်သမျှတော့ တွေ့ တဲ့သူပြောတာပဲ … ဘယ်သူမှလည်းအရေးမလုပ် ..