Monthly Archives: July 2008

The Life of A Forsaken Girl!

Standard
“ ကဲ.. မင်းဘာလုပ်မှာလဲ”

“ ကျွန်မက ဘာလုပ်ရမှာလဲ”

“ ဟ.. မင်းတစ်ခုခု ဆုံးဖြတ်ရမယ်လေ.. ငါတို့ နှစ်ယောက်က ဒီအတိုင်းဆက် စခန်းသွားနေတော့မှာလား”

ကျွန်မ သူ့မျက်လုံးတွေကို ခပ်ရဲရဲကြည့်မိသည်။ ကျွန်မကို စူးစိုက်ကြည့်နေသော ဒေါသအကြည့်တွေကို ကျွန်မရင်ဆိုင်ရသည်။ သူ့မျက်ဝန်းတွေက ဒေါသကြောင့် လင်းလက်နေသည်။ အမြဲပြုံးနေတတ်သော မျက်နှာတွင် တင်းမာမှု အရိပ်အယောင်များကို တွေ့နေရသည်။

ပတ်ဝန်းကျင်ကို အမှောင်ထုက စိုးမိုးလာသည်။ ကျွန်မတို့ နှစ်ယောက်ကြား တင်းမာမှုတွေလည်း တစ်ဖြည်းဖြည်းကြီးထွားလာသည်။ ကျွန်မတို့ဘာကြောင့် ဒီလိုဖြစ်သွားရတာလဲ။ သူနဲ့ကျွန်မကြား ပြန်လည်စေ့စပ်ညှိနှိုင်းလို့ မရနိုင်တော့ဘူးတဲ့လား။ တစ်ကယ်တော့ ဒီလိုအခြေအနေကို သူမ မရောက်ချင်ပါ။ ဒီလိုဖြစ်လာလိမ့်မယ်လို့လည်း ဘယ်တော့မှ မမျှော်လင့်ခဲ့ပါ။ သို့သော်.. လက်ရှိအခြေအနေမှာတော့ သူမ အချစ်နဲ့ ယုံကြည်ချက်အတွက် တစ်ခုခုကို ဆုံးဖြတ်ရတော့မည်။ ချစ်သူကို စွန့်ရမလား၊ ယုံကြည်ချက်ကို ဆက်ပြီး လက်ကိုင်ထားမလား။ စဉ်းစားရသည်မှာ ရင်မောလှပါသည်။ ဖျောင်းဖျ၍ မရတော့သောချစ်သူကို အဖြေတစ်ခုခုတော့ ပြန်ပေးရပေတော့မည်။

“ ရှင်က ကျွန်မကို လုံးဝ စွန့်လွှတ်တော့မယ်ပေါ့.. ဟုတ်လား”

“ မင်း ဒီအတိုင်းဆက်သွားနေရင်တော့ ငါတို့ ရှေ့ဆက်ဖို့ ခက်ခဲလိမ့်မယ် ထင်တယ်”

“ကောင်းပြီလေ.. ရှင်ကလည်း ရှင်ဖြစ်ချင်နေတာကို ပြောနေသလို ကျွန်မကလည်း ကျွန်မ ဖြစ်ချင်တာကို လုံးဝ လက်မလွှတ်ဘူး”

“ မင်းက ငါနဲ့ လမ်းခွဲမယ်ပေါ့ ဟုတ်လား… တောက်”

သူ တောက် တစ်ချက် ခပ်ပြင်းပြင်းခေါက်လိုက်သံကို ကြားလိုက် မိသလိုလိုတော့ရှိသည်။ ကျွန်မရင်ထဲ မွန်းကျပ်လာသည်။ ပြောမထွက်သော စကားတစ်ခွန်းကို ကျွန်မပြောရတော့မည်။ ၀မ်းနည်းမှုကြောင့် ကျွန်မရင်ဘတ်တွေ လှိုက်ဖိုလာသည်။ နှလုံးခုံသံပြင်းပြင်းကို သူကြားချင်လည်း ကြားပေလိမ့်မည်။ စကားတစ်ခွန်းပြောဖို့အရေး ကျွန်မ ဘယ်သောအခါမှ ဒီလောက်အချိန်မယူဖူးပါ။ ဒီလောက်လည်း မတုန်လှုပ်ဖူးပါ။ ကျွန်မ စိတ်တွေကို အတတ်နိုင်ဆုံး တည်ငြိမ်အောင်ထိမ်းလိုက်မိသည်။ စကားသံကို အတတ်နိုင်ဆုံး ပြတ်သားဖို့ ကြိုးစားသည်။ ကျွန်မ မျက်ဝန်းကတွဲကျလုလုမျက်ရည်တွေကို အတတ်နိုင်ဆုံး အရှိန်လျှော့လိုက်သည်။

“ ညှိမရတဲ့အဆုံးတော့ ဒီလိုပဲ လုပ်ရတော့မှာပေါ့”

“အေးပေါ့လေ ငါက အစကတည်းက မင်းအတွက် ဘာမှ မှ မဟုတ်ခဲ့တာ.. ငါ မင်းကိုချစ်မိတာ သိပ်မှားတယ်. သိပ်နောင်တရတယ်… ရပါတယ်. မင်းလမ်းကို မင်းလျှောက်ပါ.. ငါ မင်းကို မတွေ့ခဲ့ဘူးလို့ပဲ သဘောထားလိုက်ပါ့မယ်’

ချာခနဲ လှည့်ထွက်သွားသော သူ့ကို ကျွန်မ စူးစိုက်ကြည့်မိသည်။ ကျွန်မ မျက်ဝန်းကမျက်ရည်တွေ အတိုင်းအဆမရှိ ကျဆင်းလာသည်။ ကျွန်မ တင်းထားခဲ့သမျှကို လျှော့ချပြီး ငိုချလိုက်မိတော့သည်။ ပတ်ဝန်းကျင်ကိုလည်း ဂရုမစိုက်အားတော့။ ခေါင်းတစ်ချက် မော့ကြည့်လိုက်တော့ သူ့ကျောပြင်ကို ခပ်လှမ်းလှမ်းတွေ့မြင်ရသည်။ ကျွန်မ တစ်ချိန်တုန်းက မှီခဲ့ဖူးသော သူ့ကျောပြင်ကို လွမ်းဆွတ်စွာ ကြည့်မိသည်။ ရင်မှာ နာကျင်မှုဝေဒနာကို စတင်ခံစားရသည်။ အလွန်တန်ဘိုးထားရသော ပစ္စည်းလေးတစ်ခုကို ဆုံးရှုံးရသလို ၀မ်းနည်းမိသည်။ နောက်ဆုံးတော့ သူ စတင်လမ်းခွဲခဲ့သော ဒီနေရာလေးကို ကျွန်မ အမှတ်တရ အနေနဲ့ကြည့်မိသည်။ ထိုနေရာကို နာကြည်းစွာကြည့်ရင်း ကျွန်မ ချာခနဲ လှည့်ထွက်မိသည်။

Photobucket

တစ်ကယ်တော့ ကျွန်မတို့နှစ်ယောက်ကို သိပ်ချစ်ကြသော ချစ်သူတွေအဖြစ် သူငယ်ချင်းတွေက အသိအမှတ်ပြုထားခဲ့ခြင်းဖြစ်သည်။ ပညာတတ်၍ အသိုင်းအ၀ိုင်းကြီးမှ ပေါက်ဖွားလာသောသူနှင့် ကိုယ့်ဘ၀ကိုယ် ရုန်းကန်နေရသော ကျွန်မတွေ့ဆုံခဲ့ခြင်းက အံ့သြစရာလည်း ကောင်းနေသည်။ တစ်ချိန်တုန်းက ပျော်ရွှင်ကြည်နူးခဲ့ရသော နေ့ရက်များသည် ကျွန်မ ကျောင်းပြီးလို့ အလုပ်ဝင်ပြီးနောက်ပိုင်းမှာ တစ်ဖြည်းဖြည်း ပြောင်းလဲလာခဲ့သည်။

“ သဲ ကိုကြည့်ရတာ ပင်ပန်းလိုက်တာကွာ.. ဒီ အလုပ်တွေ မလုပ်ပါနဲ့လား”

“ ကို ကလည်း.. ကျွန်မတို့က ကို့လောက်မှ မချမ်းသာတာ… စားဖို့ သောက်ဖို့တော့ အလုပ် လုပ်ရမှာပေါ့ ကိုရဲ့”

“ ဟုတ်ပါတယ် သဲ အလုပ်လုပ်တာ ကိုယ်အပြစ် မပြောပါဘူး.. ခုတော့ သဲ ပင်ပန်းတာ ကို မကြည့်ရက်လို့ပါ”

ကျွန်မပင်ပန်းလာတိုင်း ကျွန်မကို ဖေးမပေးတတ်သည်။ ကျွန်မ အမောပြေအောင်၊ အားရှိအောင် အစားတွေ တစ်မျိုးပြီး တစ်မျိုးကျွေးမွေးတတ်သည်မှာလည်း သူပင်ဖြစ်တော့သည်။ မိဘလုပ်ငန်းတွေကို ဦးစီးဖို့ ပညာတွေ ဆက်လက်သင်ကြားနေသော သူ့က ကျွန်မလောက် မပင်ပန်းတော့ ကျွန်မပင်ပန်းတာတွေ၊ အလုပ်များတာတွေကို မကြည့်ရက်ရှာပေ။ သူ့မိဘတွေ လုပ်ငန်းမှာ ကျွန်မကို လုပ်စေချင်ခဲ့သော်လည်း ကျွန်မ၏ မွေးရာပါ မာနကြောင့် အကြောင်းအမျိုးမျိုးပြကာ မလုပ်ပဲ နေခဲ့ခြင်းဖြစ်သည်။

“ သဲ သာ ကိုယ့်ဖေဖေရဲ့ ကုမ္ပဏီမှာ လုပ်ရင် ဒီလောက် ပင်ပန်းမှာ မဟုတ်ဘူး”

“ ဒါတော့ သိတာပေါ့ ကိုရဲ့.. ကျွန်မက ကိုယ့်အစွမ်းအစနဲ့ကိုယ် တိုးတက်ချင်တာ ကို လည်းသိသားနဲ့… သူများ အကူအညီ မယူချင်ပါဘူး”

“သူများ မဟုတ်ပါဘူးကွာ.. တစ်ချိန်ကျလည်း မိသားစုတွေ ဖြစ်မှာပဲဟာ… ပြီးတော့ သဲကလည်း အလုပ်တွေ ပိုပိုများလာတော့ ကိုယ်တို့ တွေ့ရချိန်နည်းတယ်ကွ… မင်းကလည်း မအားတာပဲ များများလာတယ်”

“ ရုံးမှာ လုပ်ငန်းတွေ ပိုချဲ့ပြီး လုပ်လို့ပါ ကို ရာ… သိတယ် မလား.. ကို့ရဲ့ သဲ က ငတော်လေးဆိုတော့ ခိုင်းချင်ကြတာပေါ့ ဟဲဟဲ’

“ခိုင်းစရာကလည်း ဒီလောက်တောင် ရှားရသလားကွာ… တစ်ယောက်ထဲကိုပဲ ဖိခိုင်းရသလား.. ကိုယ်တော့ သဲ ကို အလုပ်ထွက်စေချင်ပြီ”
“ကို နော် ကျွန်မကို အလုပ်မထွက်ခိုင်းနဲ့.. ကျွန်မ အစွမ်း အစနဲ့ ကြိုးစားပြီး ခုမှ နေရာလေး တစ်နေရာ ရလာတာ.. ကျွန်မကတော့ ကိုယ် အစွမ်းရှိသလောက် ဒီထက် မကကြိုးစားချင်သေးတာ.. ပြီးတော့ ကို့ဖေဖေရဲ့ အလုပ်တွေက ကျွန်မ စိတ်မ၀င်စားတာကြီးတွေ”

****************************************************************************************

နောက်ပိုင်းတွင် ကျွန်မ အလုပ်တွေ ပိုပိုများလာသည်။ လုပ်ငန်း၏သဘောတရားနှင့် ခေတ်ကာလ၏ လိုအပ်ချက်အရ ပညာတွေပိုတတ်ဖို့ ကြိုးစားရသည်။ ရုံးတွင်း မီတင်တွေ၊ အပြင် customer များရဲ့ လိုအပ်ချက်တွေ၊ Plan Ahead တွေ၊ ကျောင်းတက်ရတာတွေနဲ့ ကျွန်မရဲ့ အချိန်တွေက သူ့အတွက် ရှားသည်ထက်ရှားလာခဲ့သည်။ သူ တွေ့ချင်တိုင်း၊ သူ ကျွန်မကို တွေ့ဖို့ ချိန်းတိုင်း အမြဲတမ်းကျွန်မ မသွားနိုင် မတွေ့နိုင်တော့ပေ။ သူ့ကို ဂရုစိုက်ဖို့ အားနည်းလာသော ကျွန်မကို သူ ပြသနာတွေ ရှာရှာတတ်လာသည်။ ကျွန်မ အလုပ်တွေလောက် သူ့ကို နေရာမပေးတော့ဟု စောင်းမြောင်းကာ ပြောဆိုတတ်သည်များလည်း ရှိသေးသည်။ ကျွန်မ အလုပ်လုပ်သော ရုံးထိလိုက်လာပြီး လူကိုယ်တိုင် ပြသနာ လာရှာတတ်သည်က ရှိသေးသည်။ ကျွန်မ ရင်မောရပါတယ်။ ကျွန်မ အနေဖြင့် အလုပ်တွေ ပညာရေးတွေကို ပစ်မထားချင်သလို၊ ချစ်သူနဲ့လည်း အဆင်ပြေချင်ပါသည်။ အစွန်းနှစ်ဖက်ကို ညီအောင်ညှိဖို့ ကြိုးစားရင်း ချစ်သူ၏ အထင်လွဲမှုတွေကို ကျွန်မ မီအောင်မဖြေရှင်းနိုင်တော့ပါ။ ကျွန်မရှင်းပြဖို့ ကြိုးစားတိုင်းလည်း သူ လက်မခံနိုင်သည့် အကြောင်းရင်းတွေက များလာသောကြောင့် အချစ်အတွက် အချိန်အများကြီး မပေးနိုင်တော့သော ကျွန်မအဖို့ ကျွန်မတို့ နှစ်ယောက်ကြား ပဋိပက္ခများသည် ပိုမိုကြီးထွား လာလေတော့သည်။

“ သဲ က ကိုယ့်ကို အချိန်မပေးနိုင်တာတွေ များလာပြီကွာ”

“ကိုရယ် ကျွန်မ အလုပ်များတာ ကိုလည်း သိသားနဲ့.. ကျွန်မကြိုးစားမှ တစ်ချိန်မှာ အောင်မြင်မှာပေါ့”

“သဲ ကြိုးစားတာ ကိုယ် ၀မ်းသာပါတယ်.. ဒါပေမယ့် ကိုယ့် ကိုလည်း နည်းနည်းဂရုစိုက် အုံးလေကွာ”

“ဂရုစိုက်ပါတယ်.. ကို ရဲ့.. အရင်လို နေ့တိုင်းမတွေ့နိုင်တာပဲ ရှိတာပါ… ကို့ကို လုံးဝ ပစ်ထားတာမှ မဟုတ်တာ.. ကျွန်မ ဒီလိုလုပ်နေတာ ကို့ကို ပိုလွမ်းရတယ်ရှင့် သိရဲ့လား”

“တစ်ခါ တစ်လေ မင်း ငါ့ကို မချစ်တော့ဘူးလား၊ ငါဟာ မင်းအတွက် ဘာမှအရေး မပါတော့ဘူးလား၊ မင်း တွေ့ချင်မှတွေ့ မတွေ့ချင် ပစ်ထားခြင်း ခံရတဲ့ ဘာကောင်မှ မဟုတ်တော့ဘူးလား လို့တောင် ထင်မိသေးတယ်”

“ကို ကလည်း ကျွန်မ ကို့ကို မချစ်တော့တာမှ မဟုတ်တာ… ခု ချိန်မှာ လုပ် ထားမှ နောင်တစ်ချိန် ကျွန်မတို့ အေးအေး ဆေးဆေး နေနိုင်မှာပေါ့လို့”

“မင်း တော်တော် လောဘကြီးတယ်… အတ္တလည်း သိပ်ကြီးတယ်.. နေပါအုံး မင်း သေသွားတော့ရော ဒါတွေကို သယ်သွားနိုင်မှာ မို့လို့လား”

“ကျွန်မက တိုးတက်ရာ တိုးတက်ကြောင်းအတွက် ကြိုးစားနေတာကို ကို က အတ္တကြီးတယ်လို့ စွပ်စွဲရင်လည်း မတတ်နိုင်ဘူး.. ပြီးတော့ ကျွန်မက မသေခင် ဖြစ်ကတတ်ဆန်း နေသွားရမှာလား”

ကျွန်မ သူ့ကို နားလည်အောင်ရှင်းပြဖို့ ကြိုးစားပါသည်။ ကျွန်မကို အတ္တကြီးတယ်လို့ ပြောတိုင်း၊ ကျွန်မကို လောဘကြီးတယ်လို့ပြောတိုင်း ကျွန်မ သူ့ကို နည်းနည်းတော့ ဒေါသထွက်ချင်ပါသည်။ ကျွန်မကို နားမလည်တတ်သော သူတစ်ယောက်ကို ကျွန်မ ချစ်ခဲ့မိတာလားလို့ ရူးကြောင်ကြောင်ပင် တွေးမိတတ်သေးတော့သည်။ ကျွန်မ ဘ၀မှာ ဖြစ်သလို မနေချင်ပါ။ ကျွန်မ ပတ်ဝန်းကျင်အတွက်၊ ကျွန်မ မိသားစုအတွက်၊ ကျွန်မရဲ့ နောင်ရေး အတွက် စိတ်အေးရအောင် ကျွန်မ အသက်ငယ်တုန်းကြိုးစားချင်ပါသေးသည်။ သူ့ကိုလည်း နားလည်စေချင်သည်။ သည်းခံစေချင်ပါသည်။ သို့သော်လည်း ကျွန်မ၏ ညံ့ဖျင်းမှုကြောင့် သူ့ကို ကျွန်မဘက်ပါအောင် မစည်းရုံးနိုင်သောအခါ ချစ်သူနှစ်ယောက်ကြား နားလည်မှုများ ပိုမို လွဲမှား လာခဲ့ရတော့သည်။
*****************************************************************************************

“သဲ.. မင်း ငါ့ကို လက်ထပ် အုံးမှာလား.. အလုပ် တွေလုပ်၊ ကျောင်းတွေပဲ တက်နေတော့မှာလား”

“ကျွန်မ ဒီအချိန်မှာ လင်ယူ၊ သားမွေး မလုပ်ချင်သေးဘူး၊ ကျွန်မ အသက်ငယ်တုန်းလေး တတ်နိုင်သလောက် အစွမ်းရှိသလောက်လေး ကြိုးစားသွားချင်သေးတယ်.. ကို ကလည်း အရမ်းလောတာပဲ.. ၂ နှစ်လောက်စောင့်လိုက်ရင် အရာရာဟာ အိုကေ သွားမှာပါ ကိုရာ”

“မဟုတ်ဘူး.. ဒီထက်ကြာရင် မင်း ပိုဆိုးသွားလိမ့်မယ်.. ဒီတော့ ငါ မင်းကို မေးရမယ်… မင်း ငါ့ကို လက်ထပ်မှာလား.. ဒါတွေပဲ ဆက်လုပ်နေမှာလား”

“ကို.. ကို့ကို ကျွန်မ သိပ်ချစ်တယ်.. လက်လည်းထပ်မယ်.. ဒါပေမယ့် ခုတော့ မဟုတ်သေးဘူး.. ကျွန်မ ရည်မှန်းချက်တွေ ပြည့်သွားမှ လက်ထပ်မယ်”

“ငါက အစတုန်းက မင်းကို ခပ်ရိုးရိုးလေး နေတတ်တဲ့ မိန်းမ တစ်ယောက်လို့ ထင်ပြီး ချစ်ခဲ့တာကွ.. မင်း ပြောတော့ ဘ၀မှာ အေးအေး လူလူနေချင်တယ်ဆို”

“ကျွန်မပြောတဲ့ အေးအေးလူလူဆိုတာ တောထဲသွားပြီး သစ်ပင်စိုက်စား နေတာကို ပြောတာမဟုတ်ဘူးကို.. အချိန်ရှိတုန်းလေး ကြိုးစား၊ ကြီးလာတဲ့ တစ်ချိန်ကျရင် မိသားစုနဲ့တူတူ မပူမပင်နေချင်တာကို ပြောတာ”

“မဟုတ်သေးဘူးကွာ.. ငါ မင်းကိုပြောမယ်.. မင်း အလုပ်ထွက်လိုက်တော့.. ငါမင်းကို မပူမပင် ထားနိုင်ပါတယ်ကွာ”

“ကျွန်မက ယောင်္ကျားလုပ်စာကို ထိုင်စားမယ့် သူလား… ယောင်္ကျားကို အပြင်ထွက် အလုပ်လုပ်ခိုင်း.. မိန်မက အိမ်မှာ ထမင်းချက် ကလေးထိန်း ဆိုတဲ့ ခေတ်ဟောင်းက အတွေးတွေထဲ ကျွန်မ မျောမနေချင်ဘူး.. ကျွန်မကို လက်ထပ်ဖို့ အကြောင်းချည်းပဲ ခဏ ခဏ လာမပြောနဲ့နော်.. ကျွန်မ စိတ်ဆိုးလိုက်တော့မှာ”

“ငါနဲ့ မင်း တစ်ခုခုတော့ ဆုံး ဖြတ်ရတော့မယ် ထင်တယ်”

နောက်ဆုံးတော့.. ဘယ်လိုမှ ညှိမရတော့သည့် အဆုံး သူကျွန်မကို လမ်းခွဲဖို့ စတင်စကားပြောလာပါတော့သည်။ ချစ်သူ၏ ယုယမှုကို ခံယူချင်သောသူက.. ကျွန်မ၏ အပြုအမူတွေကို ဘယ်လိုမှ သည်းမခံနိုင်ဖြစ်လာသည်။ ကိုယ့်ဘ၀အတွက် ကြိုးစားချင်သော ကျွန်မက သူ့ကို နားလည်တတ်စေချင်သည်။ ဘ၀ နှင့် နှလုံးသားရေးကြား ဆုံးဖြတ်ရသည်မှာ ကျွန်မ ရင်မောရပါသည်။ နောက်ဆုံးတော့ သူသည် ကျွန်ကို အတ္တကြီးသည်၊ လောဘကြီးသည်၊ လူတစ်ယောက်၏ ခံစားချက်ကို လျစ်လျူရှုသည်၊ သူချစ်သလောက် သူ့ကို ပြန်မချစ်ဘူးဟု ပြောကာ ကျွန်မကို စွန့်ခွာ သွားတော့သည်။ ကျွန်မသည် ဘ၀အရေးကို ဦးစားပေးမ၍ ချစ်သူ၏ စွန့်ခွာခြင်းကို ခံရသော မိန်းကလေး တစ်ယောက်သာ ဖြစ်တော့သည်။

Kissing! How good is it?

Standard

ဒီပိုစ့်လေးကိုမြင်ပြီး ပင့်ဂိုလ်းတစ်ယောက် မဟုတ်တရုပ်တော့လုပ်ပြီလို့ မထင်လိုက်ကြပါနဲ့။ ကျွန်မရဲ့ ပတ်ဝန်းကျင်မှာ၊ ရုပ်ရှင်တွေ၊ ဗွီဒီယိုတွေထဲမှာ၊ မိသားစုထဲမှာ၊ ချစ်သူတွေကြားထဲမှာ “Kiss” လုပ်ကြတယ်ဆိုတာ ရှောင်လွှဲလို့မရတဲ့ အရာတစ်ခုပဲလို့ ကျွန်မကတော့ မြင်ပါတယ်ရှင်။ Passionate Kissing လိုမျိုးဆိုရင်တော့ သမီးရည်းစားတွေကြားထဲ ဖြစ်ပျက်တာပေါ့။ ဒါပေမယ့် မောင်နှမသားချင်း၊ မိဘနဲ့ သားသမီးချင်း၊ သူငယ်ချင်း အချင်းချင်း ချစ်လို့ နမ်းကြတာလည်း ရှိတတ်ကြတယ် မဟုတ်လား။ ချစ်လို့ပဲ နမ်းကြတာလား။ နမ်းလို့ပဲ ချစ်ကြတာလား။ ဘယ်လိုပဲ ဖြစ်ဖြစ်ပါ ကျွန်မကတော့ ဒီအတိုင်း နမ်းချင်လို့ နမ်းနေကြတာထက် စာရင်၊ Kiss လုပ်ခြင်းက ဘာများကောင်းလဲ၊ ကျမ်းမာရေး၊ လူမှုရေး ကဏ္ဍတွေမှာ ဘယ်လိုအထောက်အကူပြုလဲ ဆိုတာလေးကို တစ်ချက်သိချင်လို့ Googling လုပ်ကြည့်မိပါတယ်။ အိုးးးးးးးး မမြင်စရာလေးတွေ အများကြီးကျလာသလို၊ တစ်ကယ် အသုံးဝင်တဲ့ အချက်ကလေးတွေလည်း အများကြီးပဲ တွေ့လိုက်ရပါတယ်ရှင်။ အဓိက ဖော်ပြထားတာတွေကတော့ Health benefit of Kissing တွေပါပဲ။ ကျွန်မလည်း ဖတ်ရင်း၊ မှတ်ရင်းနဲ့ပဲ ဒီနေရာလေးမှာ ဝေမျှလိုက်ရပါတယ်ရှင်။

“Kissing is passion and romance and what keeps people together,” လို့ပြောခဲ့တဲ့ သူကတော့ “The Art of Kissing” ဆိုတဲ့ စာအုပ်ကို ရေးသားခဲ့တဲ့ စာရေးဆရာ William Michael Cane ဖြစ်ပါတယ်။ နမ်းနေတဲ့အချိန်မှ၊ အထူးသဖြင့် “Oh so good” လို့ခံစားရရင်တော့ သေချာပြီ.. ဒါကြောင့် အကျိုးထူး တစ်ခုခုတော့ ခံစားရပြီပေါ့။ အဲလို ခံစားရမယ်ဆိုရင် စိတ်ဖိစီးမှုတွေကို ပြေလျော့နိုင်ပါတယ်။ ခန္ဓာကိုယ်ရဲ့ တင်းနေတဲ့ အကြောလေးတွေကို လျှော့ပေးနိုင်တဲ့အတွက် သက်တောင့် သက်သာလည်း ဖြစ်စေပါတယ်တဲ့။ နောက်တစ်ခုက kiss လုပ်နေတဲ့အချိန်မှာ ထုတ်လုပ်ပေးတဲ့ saliva တွေက သွားတွေမှာ ရှိနေတဲ့ ဘက်တီးရီးယားတွေကို သေစေနိုင်ပါတယ်။ (သွားဝေဒနာရှင်တွေအတွက် ပိုက်ဆံမကုန်တဲ့ ဆေးကုနည်းပေါ့.. ဟီးဟီး)။

Kissing လုပ်ခြင်းကြောင့် ကယ်လိုရီတွေလည်း လျော့ကျစေပါတယ်တဲ့။ နမ်းနေတဲ့အချိန်မှာ ဆိုရင် တစ်မိနစ်ကို 2 calories နှုန်းလောက်ကျတတ်ပါတယ်။ မျက်နှာပြင်ရဲ့ ကြွက်သားတွေကလည်း လေ့ကျင့်ခန်းလုပ်ပြီးသား ဖြစ်သွားစေပါတယ်။ Kiss လုပ်ခြင်းဟာ တရားထိုင်ခြင်းက ရတဲ့အကျိုးကျေးဇူးတွေလိုပဲ စိတ်ကိုတည်ငြိမ်စေပြီး စိုးရိမ်သောကတွေကိုလည်း ပြေပျောက်စေပါတယ်။ ဘာကြောင့်လဲဆိုတော့ Kiss လုပ်ခြင်းက ခန္ဓာကိုယ်ရဲ့ ဟော်မုန်းတစ်မျိုးဖြစ်တဲ့ oxytocin ကိုများများထွက်စေပြီး အဲဒီ ဟော်မုန်းက ခန္ဓာကိုယ်ကို ငြိမ်သက်စေတဲ့ အစွမ်းသတ္တိရှိလို့ပဲ ဖြစ်ပါတယ်ရှင်။

လူတွေပဲ နမ်းတတ်ကြတာ မဟုတ်ပါဘူး။ တိရစ္ဆာန်တွေလည်း ဒါမျိုးတွေ လုပ်တတ်ပါတယ်။ ကျွန်မတို့ကတော့ မသိဘူးပေါ့ရှင်။ Helen Fisher, PhD, professor of anthropology at Rutgers University in Newark ရဲ့လေ့လာချက်အရ တိရစ္ဆာန်တွေရဲ့ အနမ်းသဘာဝကို တွေ့ရှိခဲ့ပါတယ်။ အင်းဆက်ပိုးတွေက ခြေထောက်လေးတွေနဲ့ နောက်တစ်ကောင်ရဲ့ ၀မ်းဗိုက်ကို ထိတွေ့ပြီး နမ်းကြတယ်၊ လိပ်တွေ၊ ကြောင်တွေ စသော သတ္တ၀ါတွေကလည်း အချင်းချင်း နှာသီးလေးတွေ ပွတ်သပ်ကြတယ်၊ ခွေးတွေက နောက်တစ်ကောင်ရဲ့ မျက်နှာကို သူတို့ရဲ့ လျှာနဲ့လျက်ကြတယ်၊ ဆင်တွေကတော့ သူတို့ရဲ့ အစွယ်ကို နောက်တစ်ကောင်ရဲ့ ပါးစပ်ထဲ ထိုးသွင်းကြတယ်.. အစရှိတဲ့ ပုံစံမျိုးစုံနဲ့ နမ်းလေ့ရှိကြပါတယ်။

နမ်းတယ်ဆိုတာ တိရစ္ဆာန်လောကမှာရော၊ လူ့လောကမှာပါ သံယောဇဉ်ပိုတိုးစေတဲ့ လုပ်ရပ်တစ်ခုပါ။ သမီးရည်းစားတွေသာ နမ်းတတ်ကြတာ မဟုတ်ပါဘူး။ ယောင်္ကျားလေးအချင်းချင်း၊ မိန်းကလေးအချင်းချင်းလည်း ချစ်ရင် သဘောရိုးနဲ့ အာဘွားပေးတတ်ကြတယ် မဟုတ်လား။ အခုနောက်ပိုင်းမှာဆိုရင် ဒါဟာ တိုးတက်လာတဲ့ လူ့ယဉ်ကျေးမှုတစ်ခုတောင် ဖြစ်လို့လာနေပါပြီ။

အရင်တုန်းကလည်း ပွေ့ဖက်ခြင်း ကြောင့်ရလာနိုင်တဲ့ အကျိုးကျေးဇူးတွေကို ကျွန်မရေးဖူးပါတယ်။ ဒီနေရာ လေးမှာဖတ်နိုင်ပါတယ်ရှင်။

Unforgettable Martyr’s Day!

Standard

“မထက်က ဒီနေ့ ရုံးမသွားဘူးလား…”

“အဲ.. ဒီနေ့တောင် ရုံးမပိတ်ရင်လည်း အဲဒီ Company မှာ ငါမလုပ်တော့ဘူး”

“အမ် ဒီနေ့က ဘာနေ့မို့လို့လဲ အမရဲ့”

“အမလေး.. နင်တစ်ကယ်မသိလို့ မေးနေတာလား.. ဇူလိုင်လ ၁၉ ရက်နေ့လေ ဟယ်..”

“သြော ၁၉ ဇူလိုင်ဆိုတော့ အာဇာနည်နေ့ပေါ့.. ဟီး မေ့လို့နော် အမ. ဟုတ်သားပဲ”

အိမ်မှာ ကျွန်မနဲ့ အတူနေတဲ့ ညီမလေးတစ်ယောက်က ကျွန်မကို မနက်က အဲလိုမေးလာလို့ အံ့သြရပါတယ်။ ဘွဲ့ရပြီးသား တစ်ယောက်ပါ။ ငယ်ငယ်တုန်းက မြန်မာ့သမိုင်းကြေစရာ မလိုပါဘူး။ ဒီနေ့ဟာ မမေ့အပ်သော နေ့ဆိုတာ မြန်မာနိုင်ငံသားတိုင်း သိနေရမှာပါ။ ဒါပေမယ့် လတ်တလောမှာ အသက် ၂၀ နှစ်နှင့် အောက်မှာရှိကြတဲ့ လူငယ်လေးတွေ အမေ့အမေ့အလျောလျောပဲ ဖြစ်နေကြတယ်။ တစ်ချို့တွေဆို အာဇာနည်နေ့ ဘာကြောင့်ဖြစ်လာမှန်းတောင် ဂဃနဏ မသိကြတော့ဘူး။ အဆိုတော် Rဇာနည် အခွေစထုတ်တဲ့ နေ့လားလို့တောင် နောက်ပြောင်ပြီး ပြောဆိုနေကြသေးတယ်။ မေ့နေကြတဲ့ သူတွေကို အပြစ်တင်လို့လည်း မရပါဘူးရှင်။ အမှုမဲ့ အမှတ်မဲ့ နေကြရင် အချိန်ကာလ ကြာလာတာနဲ့အမျှ မေ့သွားကြမှာပါပဲ။ အရေးကြီးတဲ့ နေ့တစ်နေ့၊ မမေ့သင့်တဲ့ နေ့တစ်နေ့ကို အခုလို တစ်ချို့လူတွေ မေ့နေကြရတာဟာ မေ့အောင်လုပ်နေကြတဲ့ လူတစ်ချို့ကြောင့်ပဲလို့ ပြောချင်ရုံမှတစ်ပါး မရှိတော့ပါဘူး။

ဒီနေ့ ဘာမှ ကြီးကျယ်ခမ်းနားတဲ့ အခမ်းအနားတွေ မရှိပါဘူး။ ဒီနေ့ ဘယ်ဘစ်ကားမှာမှ အလံတွေ လွှင့်မထားကြပါဘူး (နေ့ထူး နေ့မြတ်တွေမှာ အလံလွှင့်လေ့ ရှိပါတယ်)။ ဒီနေ့ထုတ်တဲ့ ဘယ်သတင်းစာမှာမှ အာဇာနည်အကြောင်းလေးကို ၀တ်ကျေ တန်းကျေတောင် ရေးမထားကြပါဘူး။ ဒါပေမယ့် ဒီနေ့မှာ ရွှေတိဂုံ ဘုရားပတ်ဝန်းကျင်မှာတော့ လမ်းတွေ ပိတ်ထားတယ်။

လွန်ခဲ့သော ၆၁ နှစ်က ဒီနေ့မှာ ကျဆုံးခဲ့တဲ့ ဗိုလ်ချုပ်အောင်ဆန်းနဲ့ အာဇာနည်ခေါင်ဆောင်ကြီးများကို လေးစားစွာ အလေးပြုလိုက်ပါတယ်။

I was Taged by Ko Thagyan

Standard
ကိုသင်္ကြန်က ကျွန်မကို “tag” လိုက်တော့… သူ့ရဲ့ လူသားဘ၀ ခံစားမှုကို ကျွန်မလည်း ကိုယ်တိုင်ခံစားဖို့ အကြောင်းဖန်လာတာပေါ့ရှင်။ ကျွန်မ ရေးတာ ကြာနေလို့ ထင်တယ်.. ကိုသင်္ကြန်ကတောင် လှမ်းမေးနေသေးတယ်.. မပြီးသေးဘူးလား ပင့်ကူရေတဲ့။ ဟုတ်ပါ့ရှင် ကျွန်မကလည်း ရေးလိုက် ပြန်ဖျက်လိုက် လုပ်နေတာကိုး။ သူကတောင် ဆက်မေးသေးတယ် ဘာတွေများ ရေးနေလို့တုန်းတဲ့။ သြော် ကိုသင်္ကြန်ရယ် မသေချင် Obama နဲ့ လက်ထပ်သွားချင်တဲ့ အကြောင်းလေး ရေးနေတာပါလို့ ဟဲဟဲ…. နည်းနည်း လျှော့ပါအုံး ပင့်ကူရယ် တွမ်ခရုစ် လောက်ဆို တော်ရောပေါ့တဲ့။ အို မင်းသားတွေ ကျွန်မ မကြိုက်ပါဘူးရှင်။ ခုယူလိုက် ခဏနေကွဲလိုက်နဲ့… တော်ကြာ ကျွန်မ သတင်းက မီဒီယာတွေထဲ ဟိုးဟိုးကျော်နေရင် ရှက်စရာ ကောင်းသားနော်.. :D

အင်း ပေါတာလေး ခဏလျှော့ပြီး လူသားဘ၀ အကြောင်းလေးကို ဆက်ရေးလိုက်ပါအုံးမယ်။ လူရယ်လို့ ဖြစ်လာရင် စားတာ၊ သောက်တာ၊ နေတာ၊ ထိုင်တာ၊ အလုပ်လုပ်တာ၊ ပညာသင်တာနဲ့ပဲ ဘ၀ကြီးက ပြီးဆုံးရတော့မှာလားရှင်။ အချစ် ဆိုတာဘာလဲ ဆိုတာကို ဖွင့်ဆိုရ ခက်သလိုပါပဲ.. လူ့ဘ၀ ဆိုတာ ဘာလဲ ဆိုတာကို ပညာရှင်တွေက အမျိုးမျိုးဖွင့်ဆိုကြလိမ့်မယ် ထင်ပါတယ်။ နောက်တစ်ခုက လူ ရယ်လို့ ဖြစ်လာမှတော့ လူနဲ့တူတဲ့ အလုပ်တွေ၊ လူသားဆန်တဲ့ အပြုအမူတွေ၊ လူပီသတဲ့ နေထိုင်မှုတွေနဲ့ ဘ၀ကို ဖြတ်သန်းမှ တော်ကာကျမှာပေါ့။ အဲတော့ ဒါတွေဟာ ဘယ်လိုနေထိုင်မှုတွေလည်း၊ လူသားဆန်တယ်ဆိုတာ ဘာလဲ၊ လူပီသတယ်ဆိုတာ ဘာလဲ ဆိုတာတွေ မေးလာနိုင်ပါတယ်။ ကျွန်မ မဖြေလိုပါ။ ဘာကြောင့်လဲဆိုတော့ ကိုယ့်အတွေးနဲ့ သူများအတွေး မတူညီခဲ့လျင် အငြင်းပွားစရာလေးများ ဖြစ်လာမှာ စိုးလို့ပါ။

ကျွန်မရော မသေခင်လေးမှာ လူ တစ်ယောက်အနေနဲ့ ဘာတွေ လုပ်ချင်လဲ။ ကျွန်မ ဘာတွေလုပ်မှာလဲ ကိုယ့်ကိုကိုယ့် ပြန်မေးပြီး ကိုသင်္ကြန်လိုပဲ အဖြစ်ချင်ဆုံး၊ အလုပ်ချင်ဆုံး အချက်ကလေးတွေ ရေးပါ့မယ်။

နံပတ် (၁) က ကျွန်မနဲ့ personally ပတ်သက်ပါတယ်။ ကျွန်မ ပျော်ရွှင်စရာ ကောင်းတဲ့ မိသားစုလေး တစ်ခုကို ဖန်တီးချင်ပါတယ်။ Obama တွေ ဘာတွေနဲ့ လက်မထပ်ရချင်လည်း နေပါစေလေ။ ကျွန်မ မိဘတွေက ကျွန်မကို ပြုစုပျိုးထောင်သလိုပဲ ကျွန်မရဲ့ မျိုးဆက်သစ်ကလေးတွေကို လောကကို အလှဆင်နိုင်တဲ့ လူသားကလေးတွေ ဖြစ်အောင် သွန်သင်ပေးချင်ပါတယ်။ ကျွန်မ မလုပ်နိုင်ခဲ့ သမျှကို လုပ်ဖို့ သူတို့ကို တာဝန်တွေ ပေးခဲ့ချင်တယ်။

နံပတ် (2) ကျွန်မ ပတ်ဝန်းကျင်နဲ့ လူ့လောက အတွက် တတ်နိုင်သလောက်လေး ကောင်းတာလေးတွေနဲ့ ဖြည့်ဆည်းပေးချင်ပါတယ်။ ကောင်းတာလေးတွေ ဆိုတဲ့အထဲမှာ မရှိဆင်းရဲတွေကို ထောက်ပံ့ပေးတာ၊ ထောက်ပံ့ပေးရုံတင်မက ကိုယ်တိုင် ဘ၀ တစ်ခုကို ထူထောင်နိုင်ဖို့ သင်ကြားပေးတာ၊ ငွေကြေးမတတ်နိုင်တဲ့ ကလေးတွေအတွက် ပညာရေးလိုအပ်ချက်တွေ ဖြည့်ဆည်းပေးတာ၊ စိတ်ကို အတတ်နိုင်ဆုံး ရှင်းအောင်ထားဖို့ အားပေးတာတွေ၊ အိုမင်းမစွမ်းတွေအတွက် အချိန်တစ်ခုပေးပြီး စောင့်ရှောက်တာတွေ၊ ပရဟိတ လုပ်ငန်းတွေမှာ တက်တက်ကြွကြွ ပါဝင် လုပ်ကိုင်ပေးတာ စတာတွေပါ ၀င်ပါတယ်။

နံပတ် (3) ကျွန်မအတွက် ကျွန်မတို့ နောက်မှာ လာမယ့် ကလေးတွေအတွက် နိုင်ငံတော် ကောင်းစားတာကို မြင်သွားချင်တယ်။ အုတ်တစ်ချပ် သဲတစ်ပွင့် ပါဝင်ကူညီချင်တယ်။ နိုင်ငံရေး၊ စီးပွားရေး၊ စာပေ ပညာရေး၊ လူမှုရေး၊ ကျန်းမာရေး အဘက်ဘက်က တိ်ုးတက်ပြီး ပြည်သူပြည်သားတွေကို ရင်ဝယ်သားတွေလို အုပ်ချုပ်တဲ့ အစိုးရ ပေါ်ထွန်းတာကို တွေ့သွားချင်တယ်။

နံပတ် (4) သေသွားပြီးတဲ့ နောက်ဘ၀အတွက် အလုပ်ကလေးတွေ ဆက်လုပ်သွားမယ်။ တရား ဘာဝနာ ကိုတတ်နိုင်သလောက်လေး ပွားများပြီး ဘ၀ကူကောင်းအောင် လုပ်သွားချင်တယ်။ ဗုဒ္ဓဘာသာဝင် တစ်ယောက်ပီပီ၊ သံသရာကို ယုံကြည်တဲ့ သူတစ်ယောက်ပီပီ သံသရာရဲ့ ကောင်းရာ သူဂတိမှာ ကျင်လည်နိုင်စေဖို့ ကြိုးစားသွားချင်တယ်။

နံပတ် (5) ကျွန်မရဲ့ မိဘ နှစ်ပါးကို ကျေးဇူးဆပ်ချင်တယ်။ စိတ်ချမ်းသာအောင် ထားချင်တယ်။ အိုကံ ကောင်းစေချင်တယ်။ အိုကံ ကောင်းဖို့က သမီးလုပ်တဲ့ ကျွန်မအပေါ် အများကြီး မူတည်နေပါတယ်။ မိဘကို ပြည့်စုံအောင် ထားပေးချင်တယ်။ မိဘတွေ မသေခင်မှာ ကျွန်မကို သူတို့ စိတ်ချရလောက်တဲ့ အခြေအနေမှာ ရှိနေတာကို မြင်သွားစေချင်တယ်။

နံပတ် (6) အပေါ်က (5) ချက်စလုံးကို ကျွန်မ အတတ်နိုင်ဆုံး လုပ်ဖြစ်အောင် လုပ်သွားမယ်။

ကိုသင်္ကြန်ရေ ကျေနပ်တော့နော်။

2010 ကိုမျှော်လေသော်…

Standard
2010…..

ခုတစ်လော ၂၀၁၀ ဆိုတဲ့ ဂဏန်းလေး အကြောင်း ကျွန်မ ခဏ ခဏ တွေးနေမိတယ်။ ၂၀၁၀ ကျရင် ကျွန်မ ဘယ်ဆီ ရောက်နေမလဲ၊ ဘာတွေလုပ်နေမလဲ။ ၂၀၁၀ မှာ လူတွေ ဘာဖြစ်နေမလဲ၊ ဘယ်အရာ နောက်ကို တစ်ကောက်ကောက် လိုက်နေကြမလဲ။ ၂၀၁၀ မှာ နိုင်ငံရေး၊ စီးပွားရေး ပြောင်းလဲမှုတွေ ဘာများ ဖြစ်လာမှာလဲ။ မြန်မာနိုင်ငံကြီးရော ၂၀၁၀ မှာ ဘာဖြစ်နေလိမ့်မလဲ။

သေချာတာကတော့ ၂၀၁၀ ရောက်ရင် ကျွန်မ အသက် (၂) နှစ်လောက် ထပ်ကြီး လာမှာပေါ့။ ဒါကတော့ ပြေးမလွတ်တဲ့ ပြောင်းလဲမှုပဲလေ။ နောက်ပြီး ၂၀၁၀ မှာ နိုင်ငံကြီးမှာ ရွေးကောက်ပွဲ စမယ်ဆိုပဲ။ “အေးချမ်း သာယာ၍ ခေတ်မီ ဖွံ့ဖြိုးပြီး စည်းကမ်းပြည့်ဝသော ဒီမိုကရေစီ နိုင်ငံတော် သစ်ကြီးကို စတင်မယ်ဆိုပဲ” (ရှည်လိုက်တာနော်)။ နိုင်ငံရေးတွေ ဘာတွေ ကျွန်မသိပ်တော့ စိတ်မ၀င်စားပါဘူး။ ဘယ်အစိုးရပဲ တက်တက်၊ ဘယ်သူပဲ အုပ်ချုပ် အုပ်ချုပ် ၂၀၁၀ မှာတော့ မူဝါဒတွေ ပြောင်းလဲရတော့မှာပေါ့။ ကျွန်မ စိတ်ဝင်စားတာက မြန်မာနိုင်ငံနဲ့လည်းဆိုင် အာဆီယံနဲ့လည်း ဆိုင်တဲ့ စီးပွားရေး စာချုပ်လေး တစ်ခုဖြစ်တဲ့ AFTA (Asian Free Trade Area) အကြောင်းလေးကိုပါ။

ပြောတာကို ကြားရသလောက် ဆိုရင်တော့ ၂၀၁၀ ကစပြီး အာဆီယံ နိုင်ငံတွင်း အလကား ကုန်သွယ်လို့ရတော့မယ်။ ကုန်စည် စီးဆင်းမှုတွေ လျင်မြန်လာတော့မယ်။ AFTA အရ အကောက်ခွန်နှုန်းထားတွေလည်း ကျဆင်းပြီး နိုင်ငံခြားဖြစ် ပစ္စည်းတွေကို ဈေးနှုန်း သက်သက်သာသာနဲ့ ၀ယ်ယူတင်သွင်းနိုင်တော့မယ် ဆိုတော့ ကျွန်မစိတ်မ၀င်စားပဲ မနေနိုင်ဘူးရှင့်။ ကိုယ့်အတွက် မဟုတ်ပေမယ့် ကိုယ်လုပ်နေတဲ့ ကုမ္ပဏီအတွက်လောက် စဉ်းစားကြည့်ရင်လည်း မဆိုးဘူး မဟုတ်လား။ ပြီးတော့ မြန်မာနိုင်ငံ အနေနဲ့လည်း International Business ထဲကို အစလှမ်းနိုင်မယ့် အခွင့်အလမ်းကောင်း တစ်ခုစတင်လို့ ရလာတော့မှာပေါ့။

ဒီတော့ ကျွန်မ ဥာဏ်မီသလောက်လေး တစ်ချက် တွေးမိတယ်ရှင့်။ Custom Duty “0” ဖြစ်တဲ့ အချိန်မှာ ကျွန်မတို့ နိုင်ငံရဲ့ အဓိက ပို့ကုန်က ဘာတွေ ဖြစ်မလဲ။ နိုင်ငံတစ်ကာကတော့ လာတော့မယ်လေ။ စီးပွားရေး ချဲ့ထွင်ဖို့၊ သူများနိုင်ငံမှာ Investment များများ လုပ်ဖို့၊ ကိုယ့်နိုင်ငံက ထုတ်ကုန်တွေကို နိုင်ငံခြားကို ပေါပေါများများ တင်သွင်းပြီး စီးပွားရှာဖို့။ စီးပွားရေး လမ်းကြောင်းတွေ တော်တော်ပွင့်သွားမယ့် အခြေအနေပါ။ ဒီလို အခြေအနေမှာ မြန်မာနိုင်ငံ အနေနဲ့ ကိုယ်က ဘာမှမသွင်းနိုင်ပဲ၊ သူများ export လုပ်လာတာကိုပဲ ခံပြီး အိတ်ထဲကပဲ ထုတ်နေမလား၊ နိုင်ငံရဲ့ Export အခြေအနေကကော ဘယ်လိုဖြစ်လာမလဲ၊ မြန်မာနိုင်ငံ အနေနဲ့ ဘယ်လို ထုတ်ကုန်မျိုးကို များများ တင်ပို့ကြမှာလဲ။ ဆန်စပါးလား၊ ကျွန်းသစ်လား၊ ကျောက်မျက်လား၊ ကောက်ပဲသီးနှံလား ပြောရအောင် လက်ရှိ အခြေအနေကလည်း တော်တော် အားရစရာ ကောင်းလှတာကို။

ပြီးတော့ International Business ထဲကို ၀င်ရတော့မယ်ဆိုရင် နိုင်ငံအချင်းချင်း နားလည်မှုတွေ၊ ယုံကြည်မှုတွေ စည်းလုံးမှုတွေ ရှိနေရမယ်ထင်တယ်။ ကျွန်မတို့ Business လုပ်တဲ့ နေရာမှာတောင် လန်ဒန် ကုမ္ပဏီတစ်ခုကက လူလည်း မမြင်ဖူး၊ တွေ့လည်း မတွေ့ဖူး ပဲနဲ့ ဒီအတိုင်း email နဲ့ပဲ စာချုပ်တွေချုပ်၊ Bank Account နဲ့ ပိုက်ဆံတွေချေ လုပ်နေကြတာဟာ နားလည်စည်းလုံးလို့ပေါ့။ မြန်မာနိုင်ငံ အနေနဲ့ကော ဘာတွေ ပြင်ဆင်ပြီးပြီလဲ။ နိုင်ငံတွင်းမှာ ထိုးထွင်းကောင်းစားနေတဲ့ Company တစ်ခု နှစ်ကို ခဏဘေးဖယ်ထားပြီး နိုင်ငံလိုက်ကြီးက ဘာတွေလုပ်နေလဲ ဆိုတာကို ကျွန်မစဉ်းစား ကြည့်မိတာပါ။ အင်္ဂလိပ် လက်အောက်က လွတ်လာတာ နှစ် ၆၀ လောက်ရှိပြီ။ ခုချိန်ထိ “ပြည်ထောင်စု မပြိုကွဲရေ” ၊ ” တိုင်းရင်းသား စည်းလုံးညီညွတ်မှု မပြိုကွဲရေး” တွေ အော်နေရသေးတဲ့ နိုင်ငံက International ကို ဘယ်လိုများ ၀င်မှာပါလိမ့်။

နောက် တစ် ချက်က ပညာရေးပါ။ ၂၀၁၀ ရောက်လာတဲ့ အချိန်မှာ ASEAN ဒေသတွင်း Vacancy တစ်ခုပေါ်ရင် ဒေသတွင်း နိုင်ငံအချင်းချင်း လှမ်းလျှောက်လို့ရတယ်လို့ ပြောသံလည်း ကြားမိပါတယ်။ စင်ကာပူက Vacancy ကို မြန်မာနိုင်ငံက လှမ်းလျှောက်၊ အင်တာဗျူး၊ ကြိုက်ရင် ခန့်၊ နိုင်ငံခြားသားက အခန့်သားလေး လာလုပ်ပေါ့။ ခု လူတွေ နိုင်ငံခြား ထွက်ကြသလို အမောတကော အလုပ်ရှာစရာ မလိုတော့ဘူးပေါ့။ ဒီတော့ အလုပ်အကိုင် အခွင့်အလမ်းကလည်း တော်တော်လေးကို ကောင်းလာတော့မယ်ထင်တယ်။ အလုပ်အကိုင် အခွင့်အလမ်း ကောင်းလာတဲ့ အချိန်မှာ competition လည်းပိုများလာမယ်။ သူ့ထက်ငါ တော်သူတွေကို လုပ်ငန်းရှင်တွေက ပိုမျှော်လာကြတော့မယ်။ ဘယ်ကျောင်းက ထွက်တဲ့ သူကိုမှ ခေါ်မယ်၊ အလုပ်ခန့်မယ်၊ ဘယ်နိုင်ငံက လူကို ဦးစားပေးမယ်၊ အဲလိုတောင် ဖြစ်လာမလား မသိဘူး။ မြန်မာနိုင်ငံမှာ နေရာကောင်း တစ်ခု လစ်လပ်ရင်လည်း ဖိလစ်ပိုင်လို နိုင်ငံကနေ လှမ်းလျှောက်ရင် လျှောက်နေမှာ။ ပြောလို့တော့ မရဘူး။ စီးပွားရေး လုပ်ငန်းရှင်တွေကလည်း ဒီအချိန်မှာ သူ့နိုင်ငံသား ငါ့နိုင်ငံသား ကြည့်နေတော့မယ် မထင်ဘူး။ တော်ရင် ဘယ်သူ့ကို ဖြစ်ဖြစ် ခန့်လိုက်တော့မှာပဲ ထင်တယ်။

အဲဒီတော့ ကျွန်မတို့တွေ ဒီအခွင့်ကောင်းလို့ လက်မလွတ်ဖို့ ခုကတည်းက ကြိုးစားရတော့မှာပေါ့။ အရည်အသွေးတွေကို တတ်နိုင်သလောက် ဖြည့်ထားရတော့မှာပေါ့။ ဘွဲ့လက်မှတ်တွေ တစ်သီကြီး ရနေနိုင်အောင် ကြိုးစားရတော့မှာပေါ့။ တွေးကြည့်မိတယ်ရှင့်။ မြန်မာနိုင်ငံမှာ နိုင်ငံတကာ အဆင့်မီ ကျောင်းတွေ၊ တက္ကသိုလ်တွေ ဘာတစ်ခုမှ မရှိဘူး။ ပညာရေး စနစ်ဆိုတာလည်း နာတာရှည် ရောဂါ ဖြစ်နေပြီလေ။ ဒီအတိုင်းသာ ဆက်သွားလို့ကတော့ မြန်မာနိုင်ငံသားတွေ အနေနဲ့ အခွင့်အလမ်းတွေ ဆုံးရှုံးရတော့မှာလား။ ဒါမှ မဟုတ် နိုင်ငံခြားက ABE, ACCA, LCCI စတဲ့ စာမေးပွဲတွေကိုပဲ ပိုက်ဆံ အကုန်ခံပြီး ဖြေကြမလား။

နောက်တစ်ခုက Greater Mekong Subregion (GMS) ဆိုတာကလည်း စလာတော့မယ် ဆိုတော့ နိုင်ငံကို Tourism ကနေ ပိုက်ဆံရှာဖို့ အခွင့်အလမ်းကောင်းပေါ့။ ခုတော့ ဒီအခွင့်အလမ်းကောင်းကနေ ပိုက်ဆံရှာဖို့ မဆိုထားနဲ့ နိုင်ငံတကာက လုပ်တဲ့ Travel and Tourism Meeting တွေကို တက်တဲ့ လုပ်ငန်းရှင်တွေကတော့ အင်မတန်မှ မျက်နှာငယ်ရတယ်တဲ့လေ။ မင်တို့ရဲ့ လက်ရှိ အခြေအနေကိုပဲ ကောင်းအောင် လုပ်ကြပါအုံးး.. ရှေ့ဆက်ဖို့ အစဉ်းစားပါနဲ့အုံး ဆိုတဲ့ စကားလုံးမျိုးတွေကို ခဏ ခဏ အပြောခံရလေ့ ရှိတယ်ဆိုပဲရှင့်။

ဘာပဲ ပြောပြော ၂၀၁၀ ကတော့ မကြာခင်မှာ လှလှပပကြီးကို ရောက်လာတော့မှာပါ။ ဘာတွေ ဖြစ်မလဲ ဘာတွေပြောင်းလဲ မလဲဆိုတာကိုတော့ ဇတ်ခုံပေါ်မှာပဲ ရှုစားရတော့မှာပေါ့ရှင်။

16 Must Read Articles For Bloggers

Standard
Tips for Blog Marketing လို့ ဆရာလုပ်ပြီးနောက်မှာ အရှိန် မသေသေးတာနဲ့ပဲ ဘလောဂ့်ဂါတိုင်းဖတ်ရမယ့် ပိုစ့် 16 ခုကို ဆက်လက်မျှဝေ လိုက်ပါတယ်။ ဒီအတိုင်း လိုက်လုပ်ရမ်လို့ မဆိုလိုပါဘူးရှင်။ အထင်မှား၊ အမြင်မှား၊ နားလည်မှု မှားမှာကို ကြောက်တတ်လို့ပါ။ ဗဟုသုတ အနေနဲ့မျှ ဝေတဲ့ သဘောလေးပါ။ ဆရာမကြီးလို့ မခေါ်ကြေးနော် :P

1. Declaring War On Blogger Apathy
Darren Rowse (ProBlogger)

2. 10 Sure-Fire Headline Formulas That Work
Brian Clark (CopyBlogger)

3. How To Beat Writer’s Block
Liz Strauss (Successful Blog)

4. Conversational Writing Kicks Formal Writing’s Ass
Kathy Sierra (Creating Passionate Users)

5. Top 10 Blogging Lessons Learned on Traffic, Monetization, and Life
Wendy Piersall (Sparkplugging)

6. 10 Blogging Mistakes To Avoid
John Chow

7. The 120 Day Wonder: How to Evangelize a Blog
Guy Kawasaki

8. Do You Have What It Takes To Be A Professional Blogger?
Yaro Starak (Entrepreneur’s Journey)

9. Top 10 Design Mistakes
Jakob Nielson

10. What Do You Do When Someone Steals Your Content
Lorelle VanFossen (Lorelle on WordPress)

11. 5 Quick and Easy Ways To Stop Blog Spam Before It Hits Your Blog
Jeremy Schoemaker (Shoemoney)

12. 101 Ways to Build Link Popularity
Andy Hagans and Aaron Wall (SEO Book)

13. 21 Tactics to Increase Blog Traffic
Rand Fish (SEOmoz)

14. SEO Advice: Linkbait And Linkbaiting
Matt Cutts (Google Engineer)

15. Google Adsense Tips, Tricks, and Secrets
Michael Gray (Graywolf’s SEO Blog)

16. How To Make Money From Your Blog
Steve Pavlina

Tips for Blog Marketing

Standard
ခုနောက်ပိုင်းမှာ မြန်မာ ဘလောဂ့်ဂါတွေ များပြားလာတာ အားရစရာ ကောင်းလှပါတယ်။ ဒါပေမယ့် များပြားလွန်းလှတဲ့အတွက် တစ်ချို့ဘလောဂ့်တွေကိုဆို သိတောင် မသိနိုင်လောက်အောင်လည်း ဖြစ်တတ်ပါတယ်။ ကိုယ့်မှာလည်း အချိန်က နည်းပါးလှတဲ့အတွက် ဖတ်နေကျ ဘလောဂ့်လေးတွေကိုပဲ အလျင်းမီအောင် မနည်းဖတ်နေရတယ်လေ။ အသစ် အသစ်သော ဘလောဂ့်တွေထဲမှာ အရမ်းကောင်းတဲ့၊ လူစိတ်ဝင်စားတဲ့ ပိုစ့်မျိုးကို တင်နိုင်တဲ့ သူတွေကိုလည်း အားကျမိပါရဲ့။ ကိုယ်လည်း လူတိုင်းအတွက် အကျိုးရှိမယ့် ပိုစ့်မျိုးတွေချည်း ရွေးတင်ချင်ပေမယ့် အစွမ်းအစက မရှိတော့လည်း တတ်သလောက် မှတ်သလောက်လေးသာ တင်ပေးနေရတာပေါ့။ များပြားလွန်းလှတဲ့ ဘလောဂ့်ဂါတွေကြားမှာ ကိုယ့်ဘလောဂ့်ကို လူသိအောင်လုပ်ဖို့ဆိုတာ တော်တော်တော့ ခက်ခဲလှပါတယ်။ ကိုယ်ကလည်း လူတိုင်းကို ကိုယ့်မှာ ဘလောဂ့်ရှိကြောင်း လိုက်မပြောနိုင်သလို၊ ဘလောဂ့်ဂါတိုင်းကလည်း ကိုယ့်ဘလောဂ့်ကို လာဖတ်၊ မဖတ်ဆိုတာ မသေချာပါဘူး။

ကျွန်မတွေ့ရသလောက် တော်တော်များများကတော့ စီဘောက်တွေမှာ လင့်တွေလိုက်ထည့်၊ ပိုစ့်အသစ်တင်ရင် တင်ထားကြောင်း အသိပေးတာတွေ လိုက်အော်၊ ပိုစ့်အသစ်ကို အီမေလ်းနဲ့ တတ်နိုင်သလောက်လွှတ်ကြတာမျိုးတွေ လုပ်ကြတာ တွေ့ဖူးပါတယ်။ ဒါပေမယ့် ကာယကံရှင်တွေတော့ ဘယ်လိုနေလဲ မသိဘူး။ ကျွန်မ အနေနဲ့ကတော့ အဲလိုမျိုးတွေ လက်ခံ ရရှိရင် တော်တော်လေးကို စိတ်အနှောင့်အယှက် ဖြစ်ရပါတယ်။ တစ်ခါ နှစ်ခါလောက်ကတော့ ပြသနာမဟုတ်ပေမယ့် အမြဲတမ်းကြီးဆိုရင်တော့ နည်းနည်း စိတ်တိုချင်လာပါတယ်။ ကိုယ့်စီဘောက်မှာ ခဏ ခဏ လာအော်ကြရင် ငါစီဘောက်ထားတာ ကြော်ငြာလက်ခံဖို့အတွက်လား လို့တောင် ထင်လာမိတယ်။ ကျွန်မလည်း ရံဖန် ရံခါကလွဲရင် မလုပ်မိဘူး။ သူများတွေဆီမှာ သွားအော်ရင်လည်း လာလည်တယ်၊ လာဖတ်တယ်၊ ဒီလောက်ပဲ အော်ဖြစ်တာ များပါတယ်။

ပြီးတော့ မြန်မာဘလောဂ့်ဂါတွေမှာ (တော်တော်များများမှာ) အတွေးတစ်ခုရှိတတ်တာက လာဖတ်မိပေမယ့် စီဘောက်မှာများ မအော်မိရင်၊ ကွန်းမန့်လေးများ မပွတ်မိခဲ့ရင် ငါ့ဘလောဂ့်ကို သူလာမဖတ်ဘူးလို့ အထင်လေးများ ရှိတတ်ကြပါတယ်။ အချိန်လုပြီး ဖတ်ရတဲ့ အခါမျိုးမှာ၊ အရေးအသားတွေ ကောင်းလွန်းလို့ မျောသွားတဲ့ အခါမျိုးမှာ စီဘောက်မှာအော်ဖို့ မေ့သွားတတ်တာမျိုးလည်း ရှိပါတယ်။ ဒီတော့ ကိုယ့်ဘလောဂ့်ကို လူသိဖို့အတွက် Blog Marketing လုပ်နည်းလေးကို ကျွန်မတွေးမိသလောက်လေး ချပြချင်ပါတယ်။

၁) ကိုယ်ဘလောဂ့် လုပ်တဲ့အခါ Type Of Blog ကို ရွေးဖို့လိုပါတယ်။ ကိုယ့်ဘလောဂ့်ရဲ့ အကြောင်းအရာတွေဟာ computer, Fun and Entertainment, Knowledge and Education, Beauty and Fashion, Photo and Digital Art, Technology, Art and Literature, News, Personal Dirary စတာတွေကို သေသေချာချာလေး သတ်မှတ်ပြီး ရေးစေချင်ပါတယ်။ ဟိုအကြောင်း ဒီအကြောင်းတွေ ရောရေးတာမျိုးထက်စာရင် အကြောင်းအရာ တစ်ခုတည်းကို သတ်သတ်မှတ်မှတ် ရေးတာက ဖတ်ရတဲ့ သူတွေအတွက် ပိုကောင်းသလို recognition လည်း ပိုတက်စေပါတယ်။

၂) အကယ်၍ စိတ်ကူးထဲမှာ ပေါ်လာတာလေးတွေကို အကုန်လျှောက်ရေးတဲ့ ဘလောဂ့်မျိုးဖြစ်ရင်တော့ အရေးအသားနဲ့ creation ကို ဦးစားပေးရ ပါလိမ့်မယ်။ လာဖတ်သူများ အတွက် တစ်ခုမဟုတ် တစ်ခု ရသွားစေတာမျိုး မဟုတ်ရင်တော့ ရီစရာမောစရာ၊ အပျင်းပြေ သဘောမျိုးလေးတွေ ဖြစ်နိုင်ရင် ပိုကောင်းပါတယ်။

၃) စီဘောက်တွေမှာ ပိုစ့်သစ်တင်တိုင်း အချိန်ကုန်ခံပြီး လိုက်အော်နေစရာ မလိုပါဘူး။ နာမည်ကြီးပြီးသား ဘလောဂ့်ဂါ တစ်ယောက် နှစ်ယောက်လောက်ကို ညာတာ ပါတေးနဲ့ လင့်ချိတ်ခိုင်းထားရင် လုံလောက်ပါတယ်။ ကိုယ့်ရဲ့ အရေးအသားတွေလည်း ကောင်းတယ်၊ ဖတ်ရတာ အကျိုးလည်းရှိစေမယ်၊ တစ်ခု မဟုတ် တစ်ခုကြောင့်တော့ ကိုယ်တင်ထားတဲ့ ပိုစ့်တွေဟာ ကောင်းနေမယ်ဆိုရင် လူတွေများများ လာဖတ်ပါလိမ့်မယ်။ ကိုယ်က ဘယ်သူတွေ လာဖတ်တယ်ဆိုတာ သိနေစရာ မလိုပါဘူး။ လာဖတ်တဲ့ သူတွေက ကိုယ့်ကို သိနေပါလိမ့်မယ်။

၎) စီဘောက်မှာ အော်တာထက်၊ ကွန်းမန့် ပွတ်တာဟာ လူတစ်ယောက်ကို ပိုပြီးတော့ appreciate လုပ်ရာ ရောက်ပါတယ်။ ကိုယ့်ဘလောဂ့်ကို သူ့ကိုလည်း လာဖတ်စေချင်တယ် ဆိုရင် သူ့ရဲ့ ပိုစ့်တွေမှာ ကွန်းမန့်သွားပွတ်လိုက်ပါ။ ကျွန်မကိုလည်း ကွန်းမန့်လေး ချီးမြှင့်ပါအုံး၊ ကျွန်တော့်ဆီလည်း လာပါအုံးလို့ မခေါ်ပါနဲ့။ အချိန်တစ်ခုကို စောင့်ပါ။ သူကိုယ့်ဆီ ရောက်လာမှာပါ။ လာပါ၊ လည်ပါ ခေါ်ရင် လူရဲ့ ရွဲ့တတ်တဲ့ သဘောသဘာဝအရ မလာချင်၊ မသွားချင်တောင် ဖြစ်သွားနိုင်ပါသေးတယ်။ ကျွန်မဆို အဲလိုပါပဲ “ပိုစ့်အသစ် တင်ထားတယ်နော်၊ ကျွန်တော့ ဘလောဂ့်မှာတော့ ဘာဖြစ်နေပြီနော်၊ မဖတ်ရင် နောက်ကျသွားနိုင်တယ်နော်” စသည်ဖြင့် လာပြောရင် သွားကို မသွားချင်တော့ပါဘူး။

၅) Blog Title တွေကို အင်္ဂလိပ်လို ရေးတင်တာဟာ Google လိုမျိုး search engine တွေက ကိုယ့်ဆီလာဖို့ ပိုမိုလမ်းညွှန်ပေးတဲ့ အခွင့်အရေးကောင်း တစ်ခုဖြစ်ပါတယ်။ နိုင်ငံတစ်ကာက လူတွေတော်တော်များများဟာ အင်္ဂလိပ်လိုပဲ စာရိုက်ပြီး ရှာဖွေကြပါတယ်။ အဲတော့ ဘယ်နိုင်ငံက ဘယ်လိုလူမျိုးပဲ ရှာရှာ၊ ကိုယ့်ရဲ့ Blog Title ဟာ သူတို့ ရှာတာ တစ်ခုခုနဲ့ ငြိတယ်ဆိုတာနဲ့ Google တို့ Yahoo တို့က ကိုယ့်ရဲ့ လင့်ကိုလည်း ဖော်ပြပေးပါလိမ့်မယ်။ ရောက်လာကာမှ Blog Body Text တွေက ဗမာလို ဖြစ်နေလို့ သူတို့တွေ မဖတ်တတ်ကာမှ နေရော အနည်းဆုံးတော့ 1 hit တက်တာပေါ့ရှင် (ပင့်ဂိုလ်းတို့ လုပ်စားနေတာလေ.. အဲလို ဟဲဟဲ)

၆) ဖိုရမ်တွေ၊ တစ်ခြား သတင်းဆိုဒ်တွေ၊ ကိုယ်နှစ်သက်တဲ့ blogger တွေကို Link လုပ်ပေးပါ။ ဒါဟာလည်း ကောင်းတဲ့ နည်းလမ်းလေး တစ်ခုဖြစ်တဲ့ အပြင်၊ တစ်ခြား အပြင်လူတွေ (ဘလောဂ့်ဂါ မဟုတ်တဲ့ သူတွေ) က တစ်ခုခုကို ရှာချင်လို့ search engine တွေမှာ ရှာတဲ့ အခါမျိုးမှာ ကိုယ့်ဆီကိုလည်း ညွှန်းပေးတတ်တာကြောင့် အဲဒီကနေ တစ်ဆင့်လည်း ဘလောဂ့်ကို လူသိနိုင်ပါတယ်။

၇) ဘလောဂ့် ရေးတာအပြင် တစ်ခြား community website, forum စတာတွေကိုလည်း သူံးပါ။ ကိုယ့်ရဲ့ personal profile မှာဖြစ်ဖြစ်၊ tag, signature စတာတွေမှာ ဖြစ်ဖြစ် blog url လေးကို ထည့်ပေးထားခြင်းဟာလည်း blog marketing လုပ်တဲ့ နည်းလမ်းကောင်း တစ်ခုပါ။

၈) ကိုယ့်ဘလောဂ့်ကို သူများက လင့်သည်ဖြစ်စေ၊ မလင့်ထားသည် ဖြစ်စေ၊ ကိုယ်က လင့်ခ်လုပ်ထားလိုက်ပါ။ ဘလောဂ့်ဂါတွေဟာ ကိုယ့်ဆီကို တစ်နေ့ လူဘယ်လောက်လာသလဲ ဆိုတာကိုတော့ အမြဲကြည့်လေ့ရှိကြပါတယ်။ Refer sites တွေထဲမှာ ကိုယ့်ဆိုဒ်လေးက ခဏ ခဏ ပါလာတတ်ရင် သူလည်း ကိုယ့်ကို သတိထားမိပြီး ကိုယ့်ဆီရောက်လာပါလိမ့်မယ်။ ကျွန်မကိုဆို ကျွန်မကတောင် မသိပဲ လင့်ထားတဲ့ သူတွေ တော်တော်များများ တွေ့ရပါတယ်။ အဲတော့ ကျေးဇူးတင်တဲ့ အနေနဲ့ သူတို့တွေဆီ အမြဲတမ်း သွားဖတ်ဖြစ်ပါတယ်။ ဘာမှ မပြောခဲ့တာသာ နေမှာ ပုံမှန်တော့ ရောက်ဖြစ်နေတာပေါ့။

၉) ပိုစ့်တွေကို Udate လုပ်ပါ။ နေ့တိုင်း ပိုစ့်တင်ခြင်းဟာ ဖတ်ရသူကို အလျင်းမမီသလို ဖြစ်စေပါတယ်။ တစ်ပတ်ကို သုံးကြိမ်လောက် update လုပ်ခြင်းက ဘလောဂ့်ကို အသက်သွင်းရာလည်းရောက်၊ ကိုယ့်ရဲ့ ပရိတ်သတ်ကိုလည်း ပုံမှန်လေး ဖျော်ဖြေရာ ရောက်ပါတယ်။ တစ်နေ့တည်းမှာ ပိုစ့်တွေ ပြုံတင်တာတို့၊ နေ့တိုင်းတင်တာတို့ စတာတွေဟာ ကောင်းပေမယ့် ပုံမှန်ဖတ်နေကျ သူတွေ အကြောင်းတစ်ခုခုကြောင့် မအားလို့ ပုံမှန်လေးများ မလာမိရင် ပြန်လာတဲ့ အချိန်မျိုးမှာ သူတို့ကို မနိုင်မနင်းတွေ ဖတ်ခိုင်းရာ ရောက်ပါတယ်။

၁၀) နောက်ဆုံး တစ်ခုကတော့ ၀ုန်းခနဲ၊ ဒိုင်းခနဲ နာမည်ကြီးချင်ရင် ခေတ်မီအောင် နေပါ။ ပြောချင်တာက နာဂစ် ဖြစ်ရင် နာဂစ် အကြောင်းတွေချည်း တင်ပါ၊ Revolution ဖြစ်ရင် အဲဒီ အကြောင်းတွေချည်းတင်ပါ။ ဘလောဂ့်ဂါ ဆိုတာ အွန်လိုင်းရဲ့ သတင်းထောက်တွေပါ။ ကိုယ့်ပတ်ဝန်းကျင်က ထူးခြားဖြစ်စဉ်တွေကို Print Media တွေမှာ မတင်ခင် ဦးအောင် တင်နိုင်ရင်လည်း နာမည်ကြီးတာပေါ့ရှင်.. ဟဲဟဲ။

ကျွန်မ ပြောချင်တာတွေ၊ အာချောင်ချင်တာတွေတော့ အာချောင်ပြီး သွားပါပြီး။ လိပ်ဦးနှောက်နဲ့ တွေးထားတာ လေးတွေဆိုတော့ ဒီအတိုင်းလည်း ဟုတ်ချင်မှ ဟုတ်ပါလိမ့်မယ်။ လက်မခံနိုင်စရာ အကြောင်းတွေလည်း ပါပါလိမ့်မယ်။ ဘာပဲ ဖြစ်ဖြစ် ပိုစ့်တစ်ခုတော့ ဖြစ်သွားတာပဲ.. အဟိ။ ကိုယ့်ဟာ ကိုယ်လည်း ဆန်းစစ်ကြည့်လိုက်အုံးမယ်။ အဲလိုလုပ်ရင် တစ်ကယ်များ နာမည်ကြီးမလားလို့လေ။ ကျွန်မတောင် အပေါ်က နည်းတွေအတိုင်း မလုပ်ရသေးဘူးနော်။ ခုမှ စလုပ်ဖို့ စဉ်းစားကြည့်မှာ။

ကမ္ဘာမှာ နာမည်ကြီးတဲ့ SEOmoz Blog မှာတော့ 21 Tactics to Increase Blog Traffic ဆိုပြီး အခုလို ရေးထားပါတယ်ရှင်။

Hey… PINK! Soooooo Dedicate

Standard

အရင်တစ်ခေါက်က “ကျွန်မချစ်တဲ့ အပြာရောင်”ဆိုတဲ့ ခေါင်းစဉ်နဲ့ ဆောင်းပါး ရေးတော့ Pinkgold ဆိုပြီး အပြာရောင်အကြောင်း ရေးနေတယ်လို့ နောက်ပြောင် ပြောဆိုကြပါသေးတယ်။ လူတော်တော် များများကလည်း ကျွန်မကို ပန်းရောင်ကြိုက်တဲ့ ကောင်မလေးလို့ သိထားကြတာကိုး။ လက်ဆောင်လေးတွေ လက်ခံရပြန်ရင်လည်း ပန်းရောင်ပါတဲ့ ပစ္စည်းလေးတွေပဲ ဖြစ်ဖြစ်နေတတ်သေးတယ်ရှင့်။ တစ်ကယ်တော့ ကျွန်မက အပြာရောင်ကို ချစ်တာပါ။ Pinkgold ရဲ့ Favorite Color က အပြာရောင် ပေါ့လေ။ ဒီတစ်ခေါက်တော့ နာမည်နဲ့ လူနဲ့လိုက်အောင် ပန်နုရောင်သွေးတဲ့ ဆောင်းပါးလေး တစ်ပုဒ်လောက် ရေးအုံးမှလို့ တွေးမိပြီး ပန်းရောင်နဲ့ ပတ်သက်သမျှ သိသလောက်လေး ဝေငှပေးလိုက်ပါတယ်ရှင်။

မိန်ကလေး တော်တော်များများက ပန်းရောင်မြင်ရင် ရင်ခုန်လေ့ ရှိကြပါတယ်။ ပန်းရောင်ကို ချစ်ခြင်းရဲ့သင်္ကေတ အဖြစ်မှတ်ယူကြသလို နူးညံ့ခြင်းနဲ့ နှစ်လိုစရာကောင်းခြင်း ဆိုတဲ့ အသွင်တွေကိုလည်း ဆောင်ပါသေးတယ်။

Nature of Pink: အနီရောင်ရဲ့ ဆင့်ကွဲကာလာ တစ်ခုဖြစ်တဲ့ ပန်းရောင်ဟာ နုညံ့ခြင်း၊ ပျော့ပျောင်းခြင်းဆိုတဲ့ အသွင်ကိုဆောင်ပြီး တက်ကြွ၊ သွေးဆူတတ်တဲ့ သဘောသဘာဝရှိတဲ့ အနီရောင်နဲ့တော့ ဖြောင့်ဖြောင့်ကြီး ဆန့်ကျင်နေပါတယ်။ ဒါကြောင့် မိန်းကလေးတွေလို အားနွှဲ့တဲ့ သဘာဝကို ပန်းရောင်က ဖော်ဆောင်ပါတယ်။

Culture of Pink: တစ်ချို့နိုင်ငံတွေမှာ ၊ အထူးသဖြင့်တော့ ယူအက်စ်မှာ ပန်းရောင်ဟာ မိန်းမငယ်လေးတွေကို ကိုယ်စားပြုတဲ့ အရောင်ဖြစ်ပါတယ်။ အမျိုးသားတွေ ပန်းရောင်ဝတ်ရင်တော့ လုံးဝကို စတိုင်လ်ကျ လှပမှာ မဟုတ်ပါဘူး။ ဘာကြောင့်လဲဆိုတော့ ပန်ရောင်ဆိုတာ မိန်းမဆန်တဲ့ဆိုတဲ့ ဓလေ့ထုံးစံကိုပဲ လူတော်တော်များများက လက်ခံထားကြလို့ပဲ ဖြစ်ပါတယ်။

Using Pink: အနီရောင်နဲ့ ပန်းရောင် နှစ်ခုစလုံးကတော့ အချစ်အတွက် ကိုယ်စားပြုတဲ့ အရောင်တွေပါ။ ဒါပေမယ့် စောစောက ပြောခဲ့သလိုပဲ အနီရောင်က ရဲတင်းသွက်လက်ပြီး သွေးဆူလွယ်တဲ့ အချစ်ကို ကိုယ်စားပြုတယ်။ ပန်းရောင်လေးကတော့ အသဲယားစဖွယ် ချစ်ဖို့ကောင်းတာလေးတွေကို ရည်ညွှန်းပါတယ်။ Native American တွေကတော့ ပန်းရောင်ကို creativity ကို ရည်ညွှန်းသုံး စွဲတာ ဖြစ်ပြီး အာရှသားတွေကတော့ လက်ထပ်ခြင်းဆိုတာကို ရည်ညွှန်းသုံးစွဲပါတယ်တဲ့။ အရောင်ကုထုံး (Color Therapy) မှာတော့ ပန်းရောင်ကို ဖိစီးမှုတွေ သက်သာစေဖို့၊ အကြောတွေ ပြေစေဖို့၊ diet လုပ်တဲ့အခါ အစားစာချင်စိတ်ကို ထိန်းချုပ်နိုင်ဖို့အတွက် သုံးစွဲကြပါတယ်ရှင်။

Using Pink with Other Color: ပန်ရောင်ကို အနက်ရောင်၊ မီးခိုးရောင်၊ နက်ပြာရောင်တွေနဲ့ တွဲစပ်ရင်တော့ အရောင်တွေ လိုက်ဖက်မှု မရှိပဲ ရှုပ်ထွေးစေမှာ ဖြစ်ပါတယ်။ ပန်းရောင်ကို အစိမ်းရောင် အနု အရင့်တွေနဲ့ တွဲစပ်လိုက်ရင်တော့ စူးရှ ထက်မြက်တဲ့ အသွင်ကို ဆောင်ပါတယ်တဲ့။

Language of Pink:
Good pink
• In the pink – healthy
• Tickled pink – happy, content
• Pink collar – female office worker (sometimes used in a derogatory manner)

Bad or neutral pink
• Pink collar – female office worker (sometimes used in a derogatory manner to imply low person on the office totem pole)
• Pink – cut, notch, or make a zigzag
Pink Words: ပန်းရောင်ရဲ့ synonym words တွေကတော့ Salmon, coral, hot pink, fuschia, blush, flesh, flush, fuchsia, rose စတာတွေပဲ ဖြစ်ပါတယ်။

Happy Birthday "My Blog"

Standard
ဇွန်တစ်လတောင် ကုန်သွားပြန်ပြီ…
2008 တစ်ဝက် ကျိုးခဲ့ပြီ………..
ကျွန်မ Blog လည်း တစ်နှစ် ပြည့်ပြီပေါ့………

ဘလောဂ့်ဂါ ဆိုတဲ့ အမည်နာမ တစ်ခု၊ Pinkgold ဆိုတဲ့ nick name တစ်ခုနဲ့ Blog Community မှာ အတော်အတန်တော့ ကျင်လည်ပြီးခဲ့ပြီ။ မနေ့ တစ်နေ့ကမှ ဘလောဂ့်စရေးတယ်လို့ ကိုယ့်ကိုကိုယ် ထင်ခဲ့ပေမယ့် မထင်မှတ်ထားတဲ့ အချိန်မှာပဲ တစ်နှစ်ပြည့်သွားခဲ့တယ်။ ငါဟဲ့ Blogger လို့ စပြီး နာမည်ယူစဉ်ကတည်းက သူ့အတွက် အချိန်တစ်ခု သပ်သပ် ဖယ်ထားခဲ့ရတယ်။ နောက်ပိုင်း commit to blogging ဖြစ်သွားတော့လည်း အချိန်ရရင် ရသလို ပိုစ့်တွေ စွတ်တင်ခဲ့တာ တစ်ခါတစ်ရံမှာ လုပ်စရာတွေတောင် လစ်ဟင်းလို့…..!

အရည်မရ အဖတ်မရတွေ ပါလိမ့်မယ်….
အရည်ရော အဖတ်ပါ ရတာတွေလည်း ရှိလိမ့်မယ်….
ဘ၀ အကြောင်းကို ပြန်ပြောင်းရေး ခဲ့ဖူးသလို……
ကိုယ်ပိုင် အတွေးတွေနဲ့လည်း စာတွေ စီခဲ့ဖူးတယ်….
စက်တင်ဘာကြောင့် မျက်ရည်ယိုခဲ့ရသလို………..
နာဂစ်ကြောင့်လည်း ရင်ထဲဆွေးခဲ့ရတာတွေဟာ……..
Blog Post တွေအဖြစ် စီးဆင်းခဲ့တယ်လေ…………….

Blog Seminar တစ်ခုကို Blogger တွေနဲ့ အတူတူ ပါဝင်ကူညီ ခဲ့တယ်။ Other social activities တွေမှာ တတ်အားသရွေ့ ပါဝင်လှုပ်ရှားခဲ့တယ်။ သိပ်ချစ်စရာ ကောင်းတဲ့ ဘလောဂ့်ဂါ သူငယ်ချင်းတွေ ရခဲ့တယ်။ Internet ကြောင့် knowledge ပိုခဲ့ရသလို၊ blog hopping လုပ်ရင် မသိသေးတာတွေ သိခဲ့ရတာတွေဟာလည်း profit from blogging ပဲပေ့ါ။ ဘလောဂ့် စလုပ်စဉ်ကတည်းက ခုချိန်ထိ မပျက်မကွက် လာရောက်ဖတ်ခဲ့ကြတဲ့ စာဖတ်သူများ၊ ဘလောဂ်ဂါများ၊ သူငယ်ချင်းများကို ကျေးဇူးတင်ပါတယ်။ တစ်နှစ်တောင် ပြည့်ခဲ့ပြီ hit count က ခုမှ နှစ်သောင်းဆိုလားပဲ (နည်းလိုက်တာ…. Blog Marketing ပြန်စရတော့မယ်ထင်တယ်… :P) သူများတွေလို အကျိုးရှိတဲ့ ပိုစ့်လေးတွေ များများရေးဖို့ထက် ကိုယ့်ရေးချင်တာ၊ ကိုယ်ပြောချင်တာတွေရယ် self entertainment အတွက်ရယ်ပဲ ဘလောဂ့်ရေးခဲ့တာက များခဲ့တာကိုးရှင့်။ ကျွန်မ ပေါသမျှပိုစ့်တွေမှာ comments လေးတွေ ပေးခဲ့ကြသူတွေကိုလည်း အမြဲ အမှတ်ရနေမှာပါ။ Cboxကြောင့် ပိုနွေးထွေးခဲ့ရတဲ့ Cbox attachement လေးတွေလည်းရှိတာပေါ့နော်။

ကျွန်မ ဘလောဂ့် လုပ်နေနိုင်သရွေ့၊ အင်တာနက်နဲ့ ထိတွေ့နေရသရွေ့၊ ပြသနာ တစ်ခုခု ဖြစ်မလာသရွေ့တော့ ဒီဘလောဂ့်လေးကို ဆက်လက် အသက်သွင်းသွားမှာပါ။ နောက်လည်း လာပါ ခုလည်းလာပါ၊ အချိန်ရှိရင်လည်း ရှိသလို လာကြပေါ့နော်။ ဝေဖန်ပါ၊ အကြံပေးပါ၊ ပြောချင်တာကို အားမနာတမ်း ပြောခဲ့ပါ။ Blog Birthday လုပ်တယ်ဆိုတော့ လာလည်သူတွေကို တစ်ခုခုတော့ ကျွေးရမယ်ထင်တယ်နော်။ Personal Birthday တွေပဲ လုပ်ဖူးတော့ ခုလိုနှစ်ပတ်လည်ကို သိပ်မရင်းနှီးသေးဘူး ဖြစ်နေတယ်ရှင့်။ ကဲပါလေ..ဘာပဲဖြစ်ဖြစ်ပေါ့ ကျွန်မ အကြိုက်ဆုံး အစားအစာလေးနဲ့ ဧည့်ခံလိုက်ပါရစေ။ ကျွန်မကျွေးတဲ့ အီကြာကွေးကို မကြိုက်ပေမယ့်လည်း အားပေးသောအားဖြင့် သုံးဆောင်သွားကြပါရှင်။ ပင့်ဂိုလ်းလို ပိန်တဲ့ အီကြာကွေးကို ကျွေးနေတာလားလို့ မမေးရဘူးနော် :P

Coffee: I take 3 to 4 cups a day.

Photobucket

My Daily Breakfast “Eii Kyar Kway” and love to take together with “coffee” or “tea”

Photobucket