Monthly Archives: February 2009

Good Tips for Everything!

Standard

ကျွန်မတို့တွေ လူမှုဘ၀မှာ ရှင်သန်နေထိုင်ဖို့ဆိုရင် ငွေကြေးတောင့်တင်းဖို့အပြင် ကျန်မားရေးကောင်းဖို့၊ ရုပ်ရည်ရူပကာ လှပဖို့၊ လူမှု့ဆက်ဆံရေး ချောမွေ့ အဆင်ပြေစေဖို့ စတာတွေကလည်း မလွဲမသွေ လိုအပ်ပါတယ်ရှင်။ တစ်နေ့က ကျွန်မရဲ့ Mail Box ထဲကို ရောက်လာတဲ့ Forward Mail တစ်စောင်ထဲက အကြောင်းအရာတွေကို ကြိုက်နှစ်သက်တာနဲ့ ဒီမှာပြန်လည် ဖော်ပြပေးလိုက်ပါတယ်ရှင်။ အရေးကြီးတဲ့ အချက် 40 တိတိကို ရေးသားဖော်ပြထားတာ တွေ့ရပါတယ်။

ကျန်းမာရေး ကောင်းဖို့အတွက် ဆိုရင်


1. ရေများများသောက်ပါ

2. မနက်စာကို ဘုရင်လိုစား၊ နေ့လည်စာကိုတော့ မင်းသားလေးလိုစား၊ ညစာကိုတော့ သူတောင်းစားလို စားပါတဲ့။ (အားလုံး နားလည်ကြမှာပါနော်)

3. သစ်ပင်ပေါ်က ရတဲ့ ဟင်းသီး ဟင်းရွက်တွေကို များများစားပေးပါ၊

4. ဘ၀မှာ 3 E နဲ့ ရှင်သန် နေထိုင်ပါ — Energy, Enthusiasm နဲ့ Empathy တို့ဖြစ်ပါတယ်။

5. တရားထိုင်ခြင်း၊ ယောဂ ကျင့်ခြင်း၊ ဘုရားရှိခိုးခြင်း တို့ကိုလည်း ပြုလုပ်ပေးသင့်ပါတယ်။

6. ကစား ခုန်စားလည်း များများ ပြုလုပ်ပေးဖို့ လိုအပ်တယ်။

7. သင် 2008 ခုနှစ်မှာ ဖတ်ခဲ့တဲ့ စာအုပ်အရေအတွက်ထက် ဒီနှစ်မှာ များများပိုဖတ်ပါ။

8. တစ်ရက်မှာ 10 မိနစ်လောက် ဆိတ်ဆိတ်နေကြည့်ဖို့ကိုလည်း ကြိုးစားကြည့်သင့်တယ်။

9. တစ်ရက်မှာ 7 နာရီလောက်တော့ အနည်းဆုံး အိပ်သင့်ပါတယ်။ (ကျွန်မဆို 10 နာရီလောက် အိပ်တာ)

10. တစ်ရက်မှာ 10 မိနစ်ကနေ နာရီဝက်လောက်ထိ လမ်းလျှောက်သင့်ပါတယ်။ လမ်းလျှောက်နေစဉ်မှာလည်း မျက်နှာလေးကို ခပ်ပြုံးပြုံးလေး နေပေးရမယ်နော။ (အရူးလို့တော့ မထင်လောက်ပါဘူးနော်..: P)


Personality:

11. ကိုယ့်ဘ၀ကို သူများတွေနဲ့ မယှဉ်ပါနဲ့။ သူတို့ ဘာလမ်းကြောင်းကို လျှောက်လမ်းနေတယ်ဆိုတာ သင် မသိနိုင်ဘူးလေ။

12. ကိုယ်မထိမ်းချုပ်နိုင်တဲ့ အရာတွေပေါ်မှာ မကောင်းမြင်စိတ်တွေ မထားပါနဲ့။ အဲ့ဒါတွေကြောင့်လည်း စိတ်ဆင်းရဲ မနေပါနဲ့။ လက်ရှိ ကိုယ့်မှာရှိနေတာလေးကို တန်ဘိုးထားပြီး ဒါတွေကိုပဲ ပိုကောင်းအောင် လုပ်လိုက်ပါ။

13. အလုပ်တွေကိုလည်း အလွန် အကျွံ မလုပ်ပါနဲ့.. Limit တစ်ခုထိပဲ လုပ်တာ ကောင်းပါတယ်။

14. ကိုယ့်ကိုကိုယ် သိပ်ပြင်းပြင်းထန်ထန်ကြီး မခိုင်းစေပါနဲ့။ ဘယ်သူမှလဲ ဒါမျိုးမလုပ်ပါဘူး။ သက်တောင့် သက်သာလေးသာ အကောင်းဆုံး ဖြစ်ပါတယ်။

15. ကိုယ့်ရဲ့ တန်ဘိုးရှိတဲ့ စွမ်းအင်တွေကို အတင်းပြောခြင်းဖြင့် မကုန်ဆုံးပါစေနဲ့။

16. အိပ်နေစဉ်မှာထက် နိုးနေချိန်တွေမှာ အိပ်မက် ပိုမက်ပါ။

17. မနာလို ၀န်တိုဖြစ်နေတာဟာ အချိန်ဖြုန်ခြင်း တစ်မျိုးပါပဲ။ သင့်မှာ ရှိသင့်ရှိထိုက်တာတွေ အားလုံးရှိနေပါတယ်။

18. အတိတ်က ပြသနာတွေကို မေ့လိုက်ပါ့တော့။ ကိုယ့်ရဲ့ လက်တွဲဖော်၊ ကြင်ဖော်တွေမှာ အတိတ်က အရိပ်ဟောင်းတွေ ရှိနေရင်လည်း ပြန်မဖော်ပါနဲ့တော့။ ဒါတွေက လက်ရှိဘ၀ရဲ့ ပျော်ရွှင်မှုတွေကို ဖျက်ဆီးလိမ့်မယ်။

19. ဘ၀ဟာ သိပ်တိုတောင်းပါတယ်။ လူတစ်ယောက်ကို မုန်းဖို့ ဆိုတဲ့ အချိန်တောင် ရှိမှာ မဟုတ်ပါဘူး။ ဒါ့ကြောင့် တစ်ခြားလူတွေကို မမုန်းပါနဲ့။

20. ပစ္စုပ္ပန်မှာ ပျော်ရွှင်ဖို့အတွက် အတိတ်တွေနဲ့ ငြိမ်းချမ်းရေး ရယူလိုက်ပါ။

21. ကိုယ့်ရဲ့ ပျော်ရွှင်မှုတွေရဲ့ သခင်ဟာ ကိုယ်မှလွဲလို့ နောက်တစ်ယောက် မဖြစ်နိုင်ပါဘူး။

22. ဘ၀ဆိုတာ ကျောင်းတော်ကြီး တစ်ခုဖြစ်တယ်။ သင်က အဲ့ဒီကျောင်းတော်ကြီးမှာ ပညာသင်ရမယ့် ကျောင်းသားလေးပေါ့။ ပြသနာဆိုတာက သင်ရိုးညွှန်းတမ်း တစ်ခုရဲ့ အစိတ်အပိုင်းမျှသာ ဖြစ်တယ်။ အက္ခရာ သင်္ချာတွေကို တွက်ချက်သလို ဖြေရှင်းနိုင်သွားမှာပါ။ အဲ့ဒါတွေရဲ့ သင်ခန်းစာကတော့ သင့်ဘ၀တစ်လျှောက်လုံးအတွက် အရေးပါနေမှာပေါ့။

23. များများပြုံးပါ၊ များများရီပါ။

24. အငြင်းအခုံတွေတိုင်းမှာ သင်ချည်းပဲ အနိုင်ရနေမှာ မဟုတ်ဘူး။ သင် သဘောမတူတာတွေကို သဘောတူအောင် ကြိုးစားကြည့်လိုက်ပါလား။


Society:

25. သင့်မိသားစုနဲ့ မကြာခဏ ဖုန်းပြောပါ။ အဝေးရောက်နေတယ်ဆိုရင်ပေါ့။ တူတူနေတယ်ဆိုရင်တော့ နွေးထွေးတဲ့ ဆက်ဆံရေးလေးဖြစ်အောင် တည်ဆောက်ပါ။

26. အများသူငှာအတွက် ကောင်းမှုတစ်ခု နေ့စဉ်ပြုကြည့်ပါ။

27. လူတိုင်းကို အရာအားလုံးအတွက် ခွင့်လွတ်တတ်ဖို့ ကြိုးစားကြည့်ပါ။ (သိပ်စိတ်ချမ်းသာစရာကောင်းတယ် ကိုယ်တွေ့ပါပဲ)

28. အသက် 70 ကျော် ဘိုးဘိုး ဘွားဘွားတွေ၊ အသက် 6 နှစ်အောက် ကလေးတွေနဲ့ အချိန်များများ ပိုဖြုန်းပါ။

29. တစ်နေ့မှာ လူသုံးယောက်လောက်ကို ကိုယ့်ကြောင့် ပြုံး ရီ သွားအောင် ကြိုးစားကြည့်ပါလား။

30. တစ်ခြား သူတွေ သင့်ကို ဘာပဲ ထင်ထင်။ ဒါသင့်အလုပ် မဟုတ်ဘူး။

31. သင့်ရဲ့ အလုပ်က သင်နေမကောင်းဖြစ်နေချိန်မှာ သင့်ကို လာပြုစုမှာ မဟုတ်ဘူး။ သင့်ရဲ့ သူငယ်ချင်းတွေ၊ မိသားစုဝင်တွေကသာ သင့်အနားမှာ ရှိနေကြလိမ့်မယ်။ သူတို့တွေနဲ့ များများ ထိတွေ့နေဖို့ လိုအပ်တယ်။


Life:

32. မှန်ကန်တဲ့ အရာကိုသာ လုပ်ပါ။

33. အသုံးမ၀င်တဲ့၊ နှစ်လိုဖွယ်မရှိတဲ့၊ ကြည်နူးဖွယ် မကောင်းတဲ့ အရာမှန်သမျှကို သင့်စိတ်ထဲက ထုတ်ပစ်လိုက်ပါ။

34. ဘုရား သခင်က အရာအားလုံးကို စောင့်ရှောက်လိမ့်မယ်။

35. ကောင်းတာပဲ ဖြစ်နေဖြစ်နေ၊ ဆိုးတာပဲ ဖြစ်နေ ဖြစ်နေ မမြဲပါဘူး။ အမြဲ ပြောင်းလဲနေမှာ ပါပဲ။

36. ကိုယ်ဘာတွေပဲ ခံစားနေရ နေရ၊ ကိစ္စ မရှိပါဘူး။ ကဲ… လာ သွားစို့.. အလှပြင်လိုက်၊ ရှိုးထုတ်လိုက်။ ပျော်ပျော်နေရမှာပေါ့။

37. အကောင်းဆုံးတွေဆိုတာ ဖြစ်လာအုံးမှာပါ။

38. နံနက်တိုင်းမှာ အသက်ရှင် အန္တရာယ် ကင်းပြီး နိုးထလာတာတိုင်းအတွက် ဘုရားသခင်ကို ကျေးဇူးတင်လိုက်ပါ။

39. ကိုယ့်ရဲ့ အတွင်း စိတ်သန္တန်ဟာ အမြဲပျော်ရွှင်နေရမယ်။ ဒါကြောင့် ပျော်ပျော်သာနေပါ။


နောက်ဆုံး အချက် 40 မြောက်လာပါပြီ။ နောက်ဆုံးမှထားလို့ အရေးမကြီးတာ မဟုတ်ဘူးနော်။ ဘာတဲ့လဲ

40. ဒီအီးမေလ်းကို သင် ဂရုတစ်စိုက်ရှိတဲ့ လူ အယောက် 40 ဆီကို Forward လုပ်လိုက်ပါတဲ့။ ကျွန်မကတော့ တစ်ရက်ကို လူ ၁၀၀ ကျော်လောက် လာဖတ်နေကြတဲ့ ကျွန်မရဲ့ ဘလောဂ့်မှာ ပြန်လည် ဝေမျှပေးလိုက်ပါတယ်။ အားလုံးကို ကျွန်မက ချစ်တာကိုးရှင့်။

Yearn

Standard

ပန်းကလေး

အလှမ်းဝေးလွန်းတယ်

အလွမ်းချစ်

ပန်းအဖြစ် ပွင့်ခဲ့ရင်တောင်

မနမ်း ဝံ့ ပါဘူး။

မြစ်တစင်းထဲ

ချစ်ခြင်းတွေ အပြည့်တင်

ဘယ်သောင်ပြင် ကပ်ရမယ် မသိ

ဖြတ်မရသည့် သံယောဇဉ်ကြိုး

တိုးလို့ နှောင်မိ။

ဒီ ဘဝမှာတော့

ညီမျှမှ တော်ရာကျမှာမို့

တေးသီခါ ဖေါ်ကာပြချင်ပေမယ့်

အဝေးဆီသာ မျှော်ကာတရတယ်

အချစ်ရယ် … တော်ရာကပဲ လွမ်းနေမယ်။

ကျွန်မ သူငယ်ချင်းရေးတဲ့ ကဗျာလေးပါ။ ကြိုက်လို့ ဒီမှာ ပြန်ဖော်ပြလိုက်ပါတယ်ရှင်။ မူရင်းကိုတော့ ဒီနေရာ မှာ ဖတ်နိုင်ပါတယ်။

To My Dearests!

Standard

ဖေဖော်ဝါရီလဆိုတာ အချစ်ရည်၊ အချစ်သွေးတို့ လွှမ်းခြုံနေပြီး ချစ်ခြင်းမေတ္တာကို ကိုယ်စားပြုတဲ့ ပြယုဂ်ကာလလို့ သိထားလေ့ ရှိကြပါတယ်။ ဒီနေ့ခေတ်မှာ လူတွေနားလည်ထားတဲ့ St. Valentine’s Day နေ့ထူးနေ့မြတ်ကြီးဟာ ရှေးခေတ် ရောမရိုးရာနဲ့ ခရစ်ယာန် ဘာသာအတွက် အလေးအမြတ် ပြုရတဲ့ အထိမ်းအမှတ် နေ့တစ်နေ့လည်း ဖြစ်ခဲ့ပါတယ်။ တစ်ကယ်တော့ ဗယ်လင်တိုင်းဒေးဆိုတာ ချစ်သူရည်းစားတွေနဲ့ချည်းပဲ သက်ဆိုင်တာ မဟုတ်ပါဘူးရှင်။ ကမ္ဘာပေါ်မှာနေထိုင်ကြတဲ့ ချစ်တတ်ကြတဲ့၊ အချစ်ကို တန်ဘိုးထားတတ်ကြတဲ့ သူတွေအားလုံးနဲ့ သက်ဆိုင်တဲ့ နေ့ထူးနေ့မြတ်ကလေး ဖြစ်ပါတယ်ရှင်။ ချစ်သူရည်းစားချင်း၊ မိသားစုတွေချင်း၊ သူငယ်ချင်း မောင်နှမတွေချင်း အားလုံး အားလုံးဟာ ဗယ်လင်တိုင်းဒေးကို အတူတူဆင်နွှဲနိုင်ကြပါတယ်။ လက်ဆောင်လေးတွေ အပြန်အလှန် ပေးအပ်နိုင်ကြပါတယ်။ အချစ်ကို ဖော်ညွှန်း ဖွင့်ဆိုနိုင်ကြပါတယ်။ ကျွန်မလည်း ကျွန်မသိပ်ချစ်ရတဲ့ သူတွေကို သူတို့ကို ကျွန်မသိပ်ချစ်တဲ့အကြောင်းကို ဒီလို ဗယ်လင်တိုင်းနေ့မှာ ဖွင့်ဟပြချင်တာပေါ့ရှင်။

ကျွန်မမှာ သိပ်ချစ်ရတဲ့ သူငယ်ချင်းတွေရှိတယ်။ ကျွန်မတို့အားလုံးဟာ အွန်လိုင်းပေါ်မှာ တွေ့ဆုံခဲ့ကြပြီး တစ်ကယ့်ညီအစ်ကို မောင်နှမတွေကို ချစ်ခဲ့ကြတာဖြစ်တယ်။ အချင်းချင်း အပြန်အလှန် နားလည်ကြင်နာမှု ရှိကြတယ်။ နေ့တိုင်းလိုလို အဆက်အသွယ်ရှိကြတယ်။ ရေမြေတွေ ဝေးနေပေမယ့် စိတ်ချင်းကတော့ အမြဲတမ်း နီးနေခဲ့ကြတယ်။ ဂျီတော့ပေါ်မှာ မတွေ့ဖြစ်ကြရင်တောင် ဖုန်းတော့ခေါ်ဖြစ်ကြတယ်။ တစ်ရက် စကားမပြောရရင် တစ်ရက်လွမ်းရလောက်အောင်ကို ကျွန်မတို့ ချစ်ကြတယ်။ ဒါကြောင့် အွန်လိုင်းအချစ်ကို ကျွန်မယုံတယ်။ ပကတိ ဖြူစင်တယ်၊ ရိုးသားတယ်။ ဘာ ပကာသနမှ မရောပဲ အသံလေးကြားရုံ၊ နေ့တိုင်းစကားပြောဖြစ်ရုံ၊ ခံစားချက်တွေ ဖလှယ်ကြရုံနဲ့ လူတစ်ယောက်ရဲ့ စိတ်ကို အဆုံးစွန်ထိ ညှို့ယူသွားနိုင်စွမ်းရှိတယ်။ ဟုတ်ကဲ့.. ကျွန်မှာ သိပ်ချစ်ရတဲ့ သူငယ်ချင်းတွေ ရှိပါတယ်။

“ဂျူဂျူး” နဲ့ ကျွန်မဟာ ပလန်းနက်ဖိုရမ်မှာ စတင်တွေ့ဆုံခဲ့ကြတာဖြစ်တယ်။ Dungeonsis ဆိုတဲ့ သူ့ရဲ့ Nick Name ကြောင့် လူတော်တော်များများက ဒုန်းကြမ်းစိ လို့ခေါ်လေ့ရှိကြတယ်။ ကျွန်မသာမက ဖိုရမ်ထဲက လူတော်တော်များများလည်း သူ့ကို တော်တော်လေး ခင်ကြပါတယ်။ ထိုင်းနိုင်ငံ ABAC မှာ ကျောင်းတက်နေတဲ့ ကျောင်းသူတစ်ယောက် ဖြစ်သလို ထိုင်းမှာ ရောက်နေတဲ့ ကျွန်မသူငယ်ချင်း တော်တော်များများက သူ့ကို လူမမြင်ဖူးပဲ နာမည်ကိုတော့ သိနေကြတယ်။ ကျွန်မက သူ့အကြောင်းတွေ အမြဲပြောပြောနေတတ်တာကိုး။ ပလန်းနက်ဖိုရမ်မှာတော့ သူနဲ့ကျွန်မ သိပ်မရင်းနှီးခဲ့ကြဘူး။ “မြန်မာတီးရှော့ပ့်” ဆိုတဲ့ ဖိုရမ်မှာမှ အတော်လေးကို ခင်မင်ရင်းနှီးပြီး ဂျီတော့ပေါ်မှာရော၊ ဖုန်းဆက်ပြီးတော့ရော၊ အီးမေလ်းနဲ့ကော အဆက်အသွယ် မပြတ်နေခဲ့ကြတယ်လေ။ သူကျောင်းပိတ်လို့ မြန်မာပြည် ပြန်လာရင်လည်း ကျွန်မတို့ နှစ်ယောက် အမြဲတမ်းတွေ့ဖြစ်ကြတယ်။ ကျွန်မရုံးနဲ့ သူ့ဆိုင်နဲ့ကလည်း နီးတာကိုးရှင်။ မေလမှာ နာဂစ်ဖြစ်တော့ ကျွန်မသူ့အိမ်မှာ လိုက်အိပ်တဲ့နေ့နဲ့ ကြုံတယ်။ ကြောက်လို့ဆိုပြီး တစ်ယောက်ကို တစ်ယောက် အသေဖက်ထားကြတာ မေ့မရနိုင်ဘူး။ ကျွန်မသူ့ကို သိပ်ချစ်ပါတယ်။

ဂျူဂျူးနဲ့ပတ်သက်ပြီး နောက်ထပ်ချစ်စရာ ကောင်းတဲ့သူငယ်ချင်း သုံးယောက်နဲ့ ကျွန်မ ထပ်ရင်းနှီးခွင့်ရခဲ့တယ်။ “မြန်မာတီးရှောပ့်” ဖိုရမ်ပျက်သွားတော့ အဲဒီကလူတွေ တော်တော်များများ ဘလောဂ့်ဂါ ဖြစ်ကုန်ကြတယ်။ ကျွန်မလည်း အဲဒီကနေတစ်ဆင့် ဘလောဂ့်ဂါ ဖြစ်ခဲ့တာပါပဲ။ အဲဒီအချိန်တုန်းက MonsterOfRock လို့ခေါ်တဲ့ ကိုမွန်းစတားရဲ့ ပဒုမ္မာဖိုရမ်က နာမည်စရလာတဲ့ အချိန်ဖြစ်တယ်။ ပလန်းနက်မှာ ကတည်းက ခင်မင်ရင်းစွဲရှိခဲ့ကြတဲ့ သူငယ်ချင်းတွေ ဖြစ်တာကြောင့် ပလန်းနက်က ယူဇာတော်တော်များများလည်း ပဒုမ္မာမှာ သွားရေးဖြစ်ကြတယ်။ ကျွန်မလည်း ယောင်လည်လည်နဲ့ ပါသွားတာပေါ့။ ဂျူဂျုးတို့ကတော့ နောက်ပိုင်းအဲဒီမှာ ဖိုရမ်တွေ တောက်လျှောက်ရေးဖြစ်တယ်။ ကျွန်မကတော့ ဖိုရမ်သိပ်မရေးတော့ပဲ ဘလောဂ့်လောကမှာ တောက်လျှောက်ကျင်လည်ဖြစ်တယ်။ ပဒုမ္မာကိုလည်းရောက်ကော ပါရမီ လို့ခေါ်တဲ့ ချစ်စရာ မမတစ်ယောက်နဲ့ ထပ်ခင်ခွင့်ရခဲ့တယ်။ တစ်ကယ်တော့ အဲဒီ မမနဲ့ မခင် ခင်ကတည်းက ပဒုမ္မာရဲ့ အမာခံ မန်ဘာကြီး ဂျူဂျူးကြောင့် သူ့အကြောင်းတွေ ကြားဖူးနေတာ ကြာလှပြီ။ ကျွန်မတို့က ဂျီတော့ပြောရင် သူ့အကြောင်း ကိုယ့်အကြောင်းကအစ သူငယ်ချင်းတွေအကြောင်းပါ အမြဲထည့်ပြောတတ်ကြတာကိုးရှင့်။

လန်ဒန်မှာနေတဲ့ မမပါရမီကလည်း ကျွန်မတို့နဲ့ စိတ်ချင်းနီးခဲ့တာပါပဲ။ ဂျီတော့ကနေတစ်ဆင့် ဖိုရမ်ထဲနေတစ်ဆင့် ကျွန်မတို့ရဲ့ ခင်မင်မှုတွေတိုးခဲ့ရတယ်။ စိတ်ထားကောင်းလွန်းတဲ့ ပါရမီကို ကျွန်မ လေးစားအားကျခဲ့ရတယ်။ တိုက်ဆိုင်တာ တစ်ခုက သူ့နာမည်ကလည်း “ထက်ထက်” ပဲဖြစ်နေတာကြောင့် ကျွန်မတို့နှစ်ယောက် တရုပ်လို ထက်ကျဲကျဲနဲ့ ထက်မေ့မေ့ဆိုပြီး တစ်ယောက်ကို တစ်ယောက် ခေါ်ကြတာ။ မမပါရမီနဲ့ ဂျူဂျူးမှာ သိပ်ချစ်စရာကောင်းတဲ့ နောက်အမ တစ်ယောက်ရှိသေးတယ် ဆိုတာကြောင့် နင်တို့အမလည်း ငါ့အမပဲပေါ့ဟာ ဆိုပြီးကျွန်မ အဲဒီအမတစ်ယောက်နဲ့ ထပ်ခင်ခွင့် ရခဲ့ပြန်တယ်။ Silver လို့ခေါ်တဲ့ ခပ်၀၀ မမတစ်ယောက်ပေါ့။

မမဆေလ်းဗားက ပျော်ပျော်နေတတ်တယ်။ လူတိုင်းကို ကူညီတတ်တယ်။ တစ်ခါ တစ်ခါ အားလုံးကို နွှဲ့ဆိုး ဆိုးတတ်သေးတယ်။ ကျွန်မတို့ဆို အကြီးဆုံးက အငယ်ဆုံးဖြစ်နေတယ်ဗျို့ဆိုပြီး သူ့ကိုနောက်လေ့ ရှိကြတယ်။ စင်ကာပူမှာ အလုပ်လုပ်နေတဲ့ မမဆေလ်ဗားကလည်း ကျွန်မနဲ့ ဂျီတော့အပြောအများဆုံးသူ တစ်ယောက်ဖြစ်ခဲ့တာပါပဲ။ ကျွန်မတို့ အားလုံးအတွက်လည်း စင်ကာပူကနေ လက်ဆောင်တွေ ပို့ပေးတတ်သေးတယ်။ ကျွန်မ မှာတောင် သူပေးတဲ့အမှတ်တရလက်ဆောင်လေးတွေ အများကြီး ရှိသေးတယ်။ သူ မြန်မာပြည် ပြန်လာတိုင်း ကျွန်မနဲ့ အမြဲတွေ့ဖြစ်ကြပါတယ်။

နောက်တစ်ယောက်ကတော့ အမေရီးကားမှာနေတဲ့ ဆန်းဒေးဆိုတဲ့ အငယ်ဆုံး ကောင်မလေးပေါ့။ အငယ်ဆုံးဖြစ်လို့ အပေါဆုံးလည်းဖြစ်တယ်။ (ဂျစ် စိတ်ဆိုးရဘူးနော်)။ သူ့ကိုလည်း ဂျူဂျူးနဲ့ ပတ်သက်ပြီး သိခဲ့တာပါပဲ။ ကျွန်မနဲ့ မခင်ခင် ကတည်းက သူက နောက်သုံးယောက်နဲ့ တော်တော်ရင်းနှီးနေပြီ။ ကျွန်မလိုပဲ ပျော်ပျော်နေတတ်တဲ့ (တစ်ကယ်က ပေါပေါနေတတ်တာ.. ဟီး) ဆန်းဒေးကိုလည်း ကျွန်မ သိပ်ချစ်ခဲ့တာပါပဲ။ အခွင့်အရေးရတိုင်း သူတို့အားလုံးနဲ့ ကျွန်မ Yahoo Conference ပြောဖြစ်ကြတယ်။ အားလုံးနဲ့ ဖုန်းပြောရတာ ဘယ်လောက် ပျော်ဖို့ကောင်းလိမ့်မလဲဆိုတာ တွေးသာကြည့်ကြတော့ပေါ့နော်။ ခုဆို ဆန်းဒေးပို့ပေးတဲ့ ကျွန်မလည်း သိပ်ကြိုက်တဲ့ Beyond Paradise ရေမွှေးပုလင်းကို မြင်တိုင်း ကျွန်မ သူ့ကို သိပ်သတိရတယ်။ ဂျူဂျူးတို့ ဆန်ဒေးတို့အားလုံးထဲမှာ ကျွန်မနဲ့တွေ့ဖူးတာဆိုလို့ ဂျူဂျုးရယ် မမဆေလ်ဗားရယ်ပဲ ရှိသေးတယ်။ မမပါရမီနဲ့ ဆန်းဒေးကိုလည်း ကျွန်မ တစ်နေ့နေ့မှာ တွေ့ခွင့်ရလိမ့်မယ် ထင်တယ်။ ဒါပေမယ့် ကျွန်မတို့အားလုံးက လူချင်းဝေးနေကြပေမယ့် ရင်ခုန်းသံချင်း အနီးဆုံးမှာ ရှိနေကြပါတယ်။ ကျွန်မ သူတို့အားလုံးကို သိပ်ချစ်သလို သူတို့ကလည်း ကျွန်မကို ချစ်ကြလိမ့်မယ်လို့ ယုံကြည်တယ်။

ဗယ်လင်းတိုင်းနေ့မှာ အချစ်အကြောင်းကို ဖွင့်ဆိုပြသဖို့ဆိုရင် ကျွန်မချစ်သူကို ဘယ်လောက်ချစ်ကြောင်းလည်း ချစ်သူသိအောင် ပြောပြရအုံးမှာပေါ့။ ကျွန်မရဲ့ စိတ်ကူးယဉ် ၀တ္ထုတွေကို ဖတ်ပြီး “ကိုယ့်ကိုများ စောင်းရေးထားသလား” လို့မေးလေ့ရှိတဲ့ ချစ်သူအတွက် သူ့ကို တိုက်ရိုက် ရည်ညွှန်းတဲ့စာလေးကိုတော့ ကျွန်မဒီနေ့မှာရေးပြချင်သေးတယ်။ ကျွန်မ အချစ်တွေကိုလည်း သူ နားလည်နိုင်ဖို့ မျှော်လင့်တယ်။

Read the rest of this entry

Rememberance of Bogyoke

Standard

ဗိုလ်ချုပ်ရေ..
ဗိုလ်ချုပ်သာ သက်ရှိထင်ရှားရှိမယ်ဆို
ဒီနေ့ ကိုးဆယ့်လေးနှစ် ပြည့်မှာပေါ့နော်။

ဗိုလ်ချုပ်ရေ
ဗိုလ်ချုပ်သာ အသတ်မခံရဘူးဆိုရင်
ဒီနေ့မြန်မာပြည် ဒီလိုဖြစ်နေမှာ မဟုတ်ဘူး။

ဗိုလ်ချုပ်ရေ
ဗိုလ်ချုပ်မွေးနေ့ကို မေ့နေကြတဲ့
ကလေး လူကြီးတွေကို တွေ့တိုင်း
ကျွန်မ ရင်နာရတယ်။

ဗိုလ်ချုပ်ရေ
ဗိုလ်ချုပ်မွေးနေ့ကို
ဗယ်လင်တိုင်းဒေးလောက် စိတ်မလှုပ်ရှားကြတာ
ဘယ်သူ့ကို အပြစ်တင်ရမလဲ။

ဗိုလ်ချုပ်ရေ
တစ်ချို့ကတော့
ဗိုလ်ချုပ်ကို မမေ့ မေ့အောင်
အားထုတ်နေကြလေရဲ့။

ဗိုလ်ချုပ်ရေ
အဖေ့ခြေရာနင်းတဲ့
သတ္တိခဲ သမီးတစ်ယောက်ဟာ
ခုတော့လည်း စစ်ဖိနပ်တွေအောက်မှာ
ရင်နင့်စရာ အဖြစ်နဲ့ပေါ့။

ဒါပေမယ့် ဗိုလ်ချုပ်ရေ
တိုင်းပြည်ချစ် လူထုကြားမှာတော့
ဗိုလ်ချုပ်ဟာ ရှင်သန်နေဆဲပါပဲ။

ဗိုလ်ချုပ်ရေ
ကျွန်မကလည်း
ှဗိုလ်ချုပ်ကို သိပ်ချစ်နေတဲ့ လူတစ်ယောက်ပါ။

You, Me and Feburary!

Standard

ရှင်ရယ်၊ ကျွန်မရယ်၊ ဖေဖော်ဝါရီရယ်

မြူ……………………. မနက်ခင်းမှာ မှိုင်းမှုန်ရီဝေတတ်တဲ့ မြူတွေ။ ကျွန်မသိပ်ချစ်တာပေါ့။ ပိန်းပိတ်အောင်မှိုင်းနေတဲ့ မြူတောထဲ တိုးဝင်လမ်းလျှောက်ရတာကို ကျွန်မအတိုင်းမသိ နှစ်သက်မိတယ်လေ။ အဲလိုမျိုး မြူတွေဝေတတ်တဲ့ ဖေဖော်ဝါရီ မနက်ခင်းတွေ ရောက်လာပြီဆိုရင် ကျွန်မသိပ်ပျော်နေမိသည်။ မနက် မနက်ကို စက်ဘီးတစ်စီးနဲ့ မြူတောထဲ လျှောက်စီးရတာ ကျွန်မအတွက်တော့ လောကီစည်းစိမ်တစ်ခုပါပဲ။ ဟေမာန်က နွေကိုကြိုဖို့ ကြိုးစားတဲ့ ပြယုဂ်အနေနဲ့ မြူတွေအုံ့ဆိုင်းတာကို သတ်မှတ်တတ်ကြတယ်လေ။ ဒါဆိုရင် မြူတောထဲ လမ်းလျှောက်တာကိုနှစ်သက်တဲ့၊ ဆောင်းရာသီမှာ မွေးဖွားတဲ့ကျွန်မဟာလည်း နွေကိုကြိုဖို့ ဟန်ပြင်နေတဲ့ ပြယုဂ်တစ်ခု များလားဟင်။ နွေကိုကြိုဖို့ မွေးဖွားလာခဲ့တာ မဟုတ်ရင်တောင်မှ ကျွန်မဟာ အနည်းဆုံးတော့ ရှင့်ကို ချစ်ဖို့ မွေးဖွားလာတဲ့ လူတစ်ယောက်တော့ ဖြစ်ချင်ခဲ့ပါသည်။

ကျွန်မသိပ်ချစ်တဲ့ မြူတွေကြားထဲမှာ ကျွန်မရဲ့ စက်ဘီးလေးနဲ့ လျှောက်သွားနေတုန်းမှာပဲ ကျွန်မသိပ်ချစ်တဲ့ ရှင့်ကို တွေ့ခဲ့ရတာ ရှင်မှတ်မိအုံးမလား။ အဲဒီ့ဖေဖော်ဝါရီ မနက်ခင်းဟာ ခါတိုင်းနေ့တွေထက် မြူတွေနဲ့ ပိုမှိုင်းနေတာကို ကျွန်မ အမှတ်တရ ရှိနေဆဲဖြစ်သည်။ စစတွေ့ချင်းပဲ ကျွန်မရှင့်ကို သတိတရဖြစ်စေမယ့် အဖြစ်အပျက်လေးတစ်ခုကို ကျွန်မတို့ နှစ်ယောက်စလုံး ကြုံခဲ့ရတာပဲ မဟုတ်လား။ ကျွန်မ မှတ်မိသေးတယ်.. အဲဒီတုန်းက မြူတွေ ထူလိုက်ပုံများ ရှေ့တစ်တောင်လောက် အကွာကိုတောင် မနည်းအားစိုက်ပြီး ကြည့်ရတာကိုလေ။ စက်ဘီးလမ်းကြောင်းကို အားယူပြီးကြည့်ရင်း ၀ုန်း ဆိုတဲ့အသံနဲ့အတူ ကျွန်မ လူ တစ်ယောက်ကို ၀င်တိုက်မိခဲ့တယ်။ ကျွန်မကိုယ်တိုင်လည်း အရှိန်မထိမ်းနိုင်ပဲ ၀ရုန်းသုန်းကားနဲ့ကို လဲကျသွားခဲ့သေးတယ်။ ကျွန်မကိုယ်တိုင်ပဲ ဖြစ်ဖြစ်၊ ကျွန်မနားကလူတွေပဲ ဖြစ်ဖြစ် တစ်ခုခုဖြစ်သွားရင် အထိတ်တလန့်နဲ့ ကြောက်ရွံ့ တတ်တာကို အဲဒီတုန်းကတော့ ရှင် ဘယ်သိအုံးမလဲ။ အဲဒါကြောင့်ပဲ ရှင် ကျွန်မကို အဲဒီတုန်းက ဆူပူခဲ့သေးတယ် မဟုတ်လား။ ကျွန်မ၀င်တိုက်မိတဲ့ အန်တီကြီးက သိပ်တော့ အနာတရ မဖြစ်ပေမယ့် ကျွန်မကတော့ ကိုယ့်စက်ဘီးနဲ့ ကိုယ်ပိပြီး တော်တော်အထိနာသွားတယ်။ ရှင်လည်း အနီးတစ်နေရာမှာ ရှိနေခဲ့တာပေါ့နော်။ ဒါကြောင့် ရှင် ပြေးလာပြီး အန်တီကြီးကို လာပြေးထူတာပေါ့။ ကျွန်မကိုတော့ ရှင်က ဆူတယ်လေ။ ဘယ်လိုကောင်မလေးလည်း မသိဘူး.. မြူတွေပိတ်နေတုန်း စက်ဘီးစီးရလားတဲ့။ ကျွန်မမှာတော့ ဟို အန်တီကြီးကို စိုးရိမ်တာရော၊ ကိုယ့်ဒဏ်ရာနဲ့ကိုယ် နာနေတာရော ကြောက်နေတာကြောင့်ရော စကားကို ဟဟ ပြန်မပြောနိုင်ခဲ့ပါဘူး။ နောက်တော့ ကျွန်မနာကျင်နေတာကို ရှင်သတိပြုမိသွားတယ်ထင်တယ်။ ကျွန်မကို အားပေးတဲ့ အပြုံးတစ်ခု ရှင်ပေးခဲ့တယ်။

အဲဒီတုန်းက မြူတွေ ပိတ်နေတာမှန်တယ်။ ရှင့်ရုပ်ရည်ကိုလည်း ကျွန်မ မသဲကွဲတာ ဟုတ်တယ်။ ဒါပေမယ့် ဒီလို မှုန်မှုန်မှိုင်းမှိုင်းတွေကြားထဲမှာ ရှင့်အပြုံးက ဘာကြောင့်လက်နေရတာလဲ။ ဒါ ဆွဲဆောင်မှုတစ်ခုလား။ ကျွန်မ ရှင့် ရုပ်ရည်ကို လုံးမ၀မမှတ်မိဘူး။ ဒါပေမယ့် ရှင့် ပြုံးတာကို ကျွန်မ ဘာကြောင့် သတိရနေမိတာလဲဆိုတာတော့ ကျွန်မ မပြောတတ်တော့ပါ။ ဒီလိုအပြုံးလေး တစ်ခုကြောင့်ပဲ ရှင်နဲ့ ကျွန်မ နောက်ထပ်တွေ့ဖို့၊ ရှင့်ကို လုံးဝမှတ်မိဖို့ အခွင့်အရေးများ ကျွန်မ ရရှိလာခဲ့ပါသည်။

ကျွန်မတို့မြို့ကလေးမှာ လူမှုရေး အသင်းအဖွဲ့ပေါင်း မြောက်များစွာ ရှိသည့်အနက် ကျွန်မသည် ဓါတ်တော်ဘုရားကြီး၏ စနေနေ့သန့်ရှင်းရေးအဖွဲ့မှ အဖွဲ့ဝင်တစ်ယောက်ဖြစ်သည်။ မြို့ရဲ့ဆင်ခြေဖုန်းရပ်ကွက် တစ်ခုမှာရှိတဲ့ ဓါတ်တော်ဘုရားကြီးဟာ ကျွန်မတို့မြို့ရဲ့ ကြက်သရေဆောင် ဘုရားကြီးဖြစ်သလို ဆုတောင်းပြည့်ဘုရားဟုလည်း ယုံကြည်နေသော ဘုရားကြီးဖြစ်သည်။ ထိုဘုရားကြီး၏ သန့်ရှင်းရေး ကိစ္စအ၀၀ကို ဆောင်ရွက်ရန်၊ ဘုရားပရ၀ုဏ် အစဉ်အမြဲ သန့်ရှင်းနေစေရန် ဟူသော ရည်ရွယ်ချက်များဖြင့် သန့်ရှင်းရေးအဖွဲ့ကို ဂေါပက လူကြီးများက ဦးဆောင်ကာ မြို့ပေါ်ရှိ လူငယ်များနှင့် ဖွဲ့စည်းပေးခဲ့ကြခြင်းဖြစ်သည်။ ကျွန်မလည်း ထိုအဖွဲ့တွင် တက်တက်ကြွကြွ ပါဝင်ကာ စနေနေ့တိုင်း မပျက်မကွက် ဘုရားကြီးဝင်းအတွင်း သူငယ်ချင်းများနှင့်အတူ သန့်ရှင်းရေးများ လုပ်ပေးရင်း ပျော်ရွှင်ခဲ့သည်။ ဖေဖော်ဝါရီရဲ့ တစ်ခုသော စနေနေ့ တုန်းကပေါ့…………။

Read the rest of this entry

Article of Dr.Nay Zin Latt (2)

Standard

ခေါင်းဆောင်ဖြစ်ဖို့ တက်လှမ်း လာကြရာမှာ ချဉ်းကပ် လမ်းကြောင်း ၄ မျိုးရှိတာ တွေ့ရပါတယ်။

- The incidental approach (အမှားမှ သင်ခန်းစာယူ)
– The restrospective approach (ပြန်လည် သုံးသပ်မှု)
– The prospective approach (ဦးနှောက် အလုပ်ပေး)
– The intuitive approach (အာရုံ အခြေခံ)

တချို့သူတွေက အမှားထဲက သင်ခန်းစာ ထုတ်တာကို အားသန် ကြတယ်။ ကောင်းပေမယ့် အမှားများ ဖို့တော့ မလိုအပ် ဘူးလို့ ယူဆရပါတယ်။ ကိုယ့်လုပ်ရပ်၊ သူများ လုပ်ရပ်တွေကို သုံးသပ်ပြီး ရယူတဲ့ အရည်အချင်း ကတော့ ထောက်ခံတယ်။ တချို့ နည်းနည်း ပိုတော်တဲ့ သူတွေကျတော့လည်း ဦးနှောက် အလုပ်ပေး (Brain Storming) လုပ်ပြီး ကြိုးစားကြတယ်။

“ဒီလို ပြဿနာမျိုး ပေါ်လာရင်”
“ငါသာဆို သည်လို လုပ်လိုက်မှာ”

စသဖြင့်ပေါ့၊ စိတ်ထဲက ပြဿနာ တစ်ရပ်ကို ဖန်တီး၊ ပြီးတော့ အဖြေရှာတဲ့နည်း၊ ဦးနှောက်ရဲ့ အစဉ်းအစား၊ အတွေး အခေါ်ကို ဖွံ့ဖြိုးစေရာ ကျသလို အဆင်သင့် ဖြစ်ရာလည်း ကျလို့ ဘမောင် တို့ သဘောကျတဲ့ နည်းပါ။ နောက်ဆုံး တစ်ခု ကတော့ Intuition ဆိုတဲ့ “အာရုံ” ပေါ် အခြေခံတာ၊ အဲဒါက ပညာအခြေခံ ရင့်သန်ပြီး အတွေ့အကြုံများမှ ရတာ၊ အခက်ခဲဆုံး ဖြစ်ပေမယ့် လေ့ကျင့်ယူရင် ရနိုင်တယ်။ အလွန်ကြီးတဲ့ ကုမ္ပဏီကြီးတွေ၊ Multinational Corporation တွေ ရဲ့ CEO တွေဆိုရင် အတွေ့အကြုံနဲ့ ပညာပေါ် အခြေခံပြီး တချို့ ကိစ္စရပ်တွေ ကို အဲဒီ အာရုံပေါ်ကနေ အဆုံးအဖြတ် ပေးသွားရတာတွေ ရှိတယ်။ နိုင်ငံရေး ဘက်မှာ ပိုထင်ရှားတယ်။ အဲဒီ အဆင့်ကို ချဉ်းကပ်တဲ့ ခေါင်းဆောင် ဆိုရင်လည်း သူများလိုက်လို့ မမီတော့ဘူး။

အလုပ်ရုံ ဆွေးနွေးပွဲက အတော် ကလေး ကောင်းပါတယ်။ မြန်မာပြည် အင်အား အကြီးဆုံးထဲက တစ်ခုလို့ ပြော လို့ရတဲ့ ကုမ္ပဏီက ၀န်ထမ်း တော်တော် များများကို တွေ့ရတယ်။ ဆရာဝန်တွေ၊ အင်ဂျင်နီယာတွေ၊ စီးပွားရေး လုပ်ငန်းရှင်ကြီးတွေ၊ တပ်မတော် အရာရှိတွေကိုလည်း သတိထားမိတယ်။ ပညာကို ချစ်တတ်တဲ့ အကယ်ဒမီ (ဒေါ်) ဆွေဇင်ထိုက်ကိုလည်း တွေ့လိုက်ရတယ်။ အမေး အဖြေမှာ သူကတောင် ၀င်ပြီး ဆွေးနွေး ပေးသွားသေးတယ်။ ချက် မိမိ ဆွေးနွေးနိုင်လို့ သူ့ကို ပရိသတ်က လျှံထွက် မတတ် လက်ခုပ်သြဘာ ပေးလိုက်ကြပါတယ်။

Read the rest of this entry

Why do lovers treat Chocolaet on Valentine’s Day

Standard

Cacao ဆိုတဲ့သစ်ပင်ကနေ ကမ္ဘာမှာ အရသာရှိလှတဲ့ ချောကလက်ဆိုတာကို ရစေတယ်။ လူတိုင်းသိကြတာက Cacao (ကာကာအို) ဆိုတဲ့သစ်ပင်ကနေရတဲ့ cacao အစေ့ကလေးတွေက (တခါတရံ cocoa bean လို့လည်းခေါ်ပါတယ်) ချောကလက်ကို ရစေတယ်လို့ပါ။ Theobroma ဆိုတာ ဂရိစကားလုံးဖြစ်ပြီး “ဘုရားသခင်၏ စားစရာ” လို့အဓိပ္ပာယ်ရတယ်လို့ဆိုထားတယ်…. ဒီသစ်ပင် တွေရဲ့ ကနဦးအစကတော့ တောင်အမေရိကတိုက်ရဲ့ Amazon Region ကပါတဲ့။

ဘီစီ 1000 လောက်တုန်းကတော့ ဒီ Cacao beans တွေဟာ စားသုံးရာမှာအသုံးပြုခဲ့ကြတယ်… နောက်ပိုင်း ဘီစီ 1000 ကျော်တော့ Mayan နဲ့ Aztec ဆိုတဲ့ Mexico မှာရှိတဲ့ အမေရိကန်လူမျိုးစုတွေဟာ cacao ကို သောက်စရာ အဖြစ်သုံးဆောင်ခဲ့ကြတယ်။ Mayan လူမျိုးတွေရဲ့ ဘုရားဝတ်ပြုပွဲနဲ့ မင်္ဂလာဆောင်ပွဲတွေမှာ cacao ကိုသောက်သုံး ခြင်းဟာ အထူးအရေးကြီးတဲ့ ကိစ္စတစ်ရပ်အဖြစ် ယုံကြည်ခဲ့ကြတယ်။ cacao ဟာ ကျန်းမာရေး ကောင်းမွန် စေတယ်လို့လည်း ယုံကြည်ကြတယ်။ ပီရူးမှာဆိုရင် ချောကလက်နဲ့ ငရုတ်သီးကိုရောပြီး စားတာပဲဖြစ်ဖြစ် သောက်တာပဲဖြစ်ဖြစ် အစာအိမ်အတွက်ကောင်းတယ်လို့ ပြောစမှတ်ပြုခဲ့တယ်တဲ့ ရှင်။ Aztecs ဆိုတဲ့ လူမျိုးစုတွေကတော့ ရိုးရိုး နာမကျန်းဖြစ်မှုတွေမှာ ကုသနိုင်တယ်လို့ တွေးခဲ့ကြပြီး သူ့မှာ ချစ်စိတ်ဖြစ်ပေါ်စေနိုင်တဲ့အစွမ်းရှိတယ်လို့ပါ ယုံကြည်ကြတယ်… (ဒါကြောင့်မို့ ချစ်သူများနေ့မှာ ကျွေးတာကို… ကိုယ်ချစ်တဲ့သူက ကိုယ့်ကိုပြန်ချစ် လာနိုင်အောင်.. ချစ်ပြီးသားလူက ပိုထပ်ချစ်အောင် ကျွေးတာနေမှာပေါ့…) သူတို့ရဲ့ အကြီးအကဲတစ်ယောက်က ဆိုရင် တစ်နေ့ကို ချောကလက်နဲ့ ငရုတ်သီး ရောထားတဲ့အရည်ကို အခွက် ငါးဆယ် သောက်ခိုင်းလေရဲ့။ ကျန်းမာရေးကောင်းအောင်လို့တဲ့လေ။

ဘီစီ ၁၅၀၀ အစောပိုင်းတုန်းက Christopher Columbus ဟာ စတုတ္ထအကြိမ်မြောက် Atlantic ကို ဖြတ်ခဲ့ပြီး အမေရိကန်အလယ်ပိုင်းက Honduras ရဲ့ကမ်းရိုးတန်းကိုရောက်ခဲ့တဲ့ အချိန်မှ သူဟာ cocoa beans ရဲ့ တန်ဖိုး ရှိပုံကို ပထမဆုံးတွေ့ခဲ့ရပါတယ်။ ဘာလို့လဲဆိုတော့ အမေရိကန်အလယ်ပိုင်းရဲ့နေရာတော်တော်များများမှာ cocoa beans ကို ငွေကြေးတစ်ခုအနေနဲ့ သုံးစွဲနေလို့ပဲ… (ချောကလက်မဖြစ်ခင်တောင် တော်တော်အရေးပါတယ် နော်)။ ရာစု ၆၀ ခုနှစ်လောက်ရောက်တော့ ချောကလက်ကို စပိန်ကိုတွေ့ရှိခဲ့တဲ့ Hernando Cortez ဆိုတဲ့လူက စပိန်ကို သယ်ဆောင် လာခဲ့ပါတယ်။ စပိန်လူမျိုးတွေက အရသာရှိအောင် သကြားတို့ ဗနီလာအစရှိတဲ့ အရာတွေကိုရောပြီး ချိုအောင် ပြုလုပ်ခဲ့ကြတယ်။ နောက်ကျတော့ ချောကလက်ဟာ ပြင်သစ်ဘက်ကို ချောကလက်ချစ်တဲ့ စပိန်မင်းသမီး Anna နဲ့ Louis XIII တို့လက်ထပ်ပြီး ၁၇ ရာစုနောက်ပိုင်းမှာ ပြန့်နှံ့ခဲ့ပါတယ်ရှင်။

ချောကလက်ရဲ့ ကျော်ဇောမှုဟာ ဒီမှာတင်ရပ်မသွားပါဘူး…နောက်ပိုင်း Europe နဲ့ America ဘက်တွေကိုပါရောက်သွားတာပေါ့….. အဲဒီအချိန် အာရှဘက်မှာ ချောကလက်ကိုမွေးစားနိုင်တဲ့ တစ်ခုတည်းသောနိုင်ငံကတော့ ဖိလစ်ပိုင်လေ.. သူက ၁၆ ရာစုလောက်က စပိန်လက်အောက်ကို ရောက်ရှိခဲ့လို့မွေးစားနိုင်တာတဲ့…. ရွှေမင်းသား ချောကလက်က ကျော်ဇောလာတော့ cocoa အပင်ကိုစိုက်ချင်တဲ့လူတွေကလည်း ခပ်များများပေါ့…. အာဖရိကက အခိုင်းအစေတွေကို အမေရိကက ၀ယ်ယူခဲ့တဲ့ အဲဒီအချိန်က အကြောင်းရင်းကလည်း cocoa အပင်တွေ စိုက်ဖို့တဲ့လေ… နောက်ဆုံးတော့ cacao သစ်ပင်တွေဟာ အာဖရိကမှာ စိုက်ဖို့အတွက် မျိုးယူသွားခြင်း ခံရတော့တာပေါ့…. ဒီနေ့ခေတ်မှာတော့ အာဖရိကမှာ cacao စိုက်ပျိုးရေးဟာ တစ်ကမ္ဘာလုံးရဲ့ ၇၀ ရာခိုင်းနှုန်းနီးပါး ရှိတယ်ဆိုပဲ။

ကဲ… စဉ်းစားကြည့်ပါဦး.. ဘယ်သူကများ ချောကလက်တစ်ခုက ဒီလောက်သမိုင်းကြောင်းရှည်တာဆိုတာ တွေးမိ ကြရဲ့လား။ အခုစားနေကြတဲ့ ချောကလက်တစ်ခုမှာ လူတွေသိတဲ့ chemical အခု သုံးရာကျော်ပါ ပါတယ်။ မသိသေးတဲ့ဓာတ်တွေ ရှိသေးလား မသိဘူးနော်။ အဲဒီဓာတ်တွေထဲမှာ… လူတော်တော်များများသိတဲ့ ဦးဏှောက်ကို တက်ကြွစေတဲ့ ကော်ဖီမှာလဲပါဝင်သော ကာဖိန်းဓာတ် (caffeine) လည်း ပါတယ်တဲ့… ဘယ်လိုပဲဖြစ်ဖြစ် ချောကလက် စားသုံးတဲ့လူဟာ ကမ္ဘာမှာ တစ်နှစ်ကို တန်ချိန်ပေါင်း ၆ မီလီယန် ရှိတယ်တဲ့။ (ဘယ်တုန်းကကောက်ထားတာလဲတော့မသိ)

ချောကလက် စားခြင်းဟာ လူရဲ့ စိတ်ကိုကျေနပ်စေတယ်… ကောင်းမွန်တဲ့ စိတ်ခံစားမှုတွေရစေတယ်…. တစ်ချို့ အစားအသောက်တွေကို လေ့လာတွေ့ရှိချက်အရ… စိတ်ဖိစီးမှုကိုလျော့ကျစေတာကို တွေ့ရတယ်တဲ့… ဥပမာ.. ချောကလက်၊ ရေခဲမုန့်… မိန်းကလေးတော်တော်များများဟာ …. စိတ်တိုလာရင် စိတ်ဖိစီးမှုများလာရင်… အစားများများ စားလေ့ရှိတယ်လို့လည်း စစ်တမ်းတွေကပြောထားတယ်… (ဟုတ်နိုင်တယ်… တစ်ခါတစ်လေစိတ်ညစ်လာရင်.. မုန့်တွေမျိုးစုံအောင် စားတော့တာပဲ….ကိုယ်တွေ့)။ ကဲ … ချစ်သူများနေ့မှာ ဘာကြောင့် ချောကလက်ကျွေးတာလဲသိပြီပေါ့နော်… ကိုယ့်ချစ်သူကိုယ့်ကို ပိုချစ်လာအောင်…. ကျွေးတာဆိုတာ အခုမှသိတော့တယ်။

ကျွန်မလည်း ချောကလက်တွေ အများကြီး ကျွေးချင်လိုက်တာနော်။ ကိုယ်တိုင်တော့ သိပ်အများကြီး မစားချင်ပါဘူး။ ကိုယ့်ကို များများချစ်အောင် ကိုယ်ကပဲ ကျွေးချင်တာ။ ဟဲ ဟဲ။

Source: IIS Forum, Inforithm-Maze

2007 Myanmar Academy Award

Standard

Image Hosted by ImageShack.us

2007 ခုနှစ်ရဲ့ မြန်မာ့ရုပ်ရှင် ထူးချွန်ဆုပေးပွဲအခမ်းအနားကြီးကို 2009 ခုနှစ် ဖေဖော်ဝါရီလ (7) ရက်နေ့မှာ နေပြည်တော်မှာ ကျင်းပတော့မှာ ဖြစ်ပါတယ်။ ရုပ်ရှင် အနုပညာရှင်တိုင်း ရင်ခုန်ရတဲ့ နေ့ရက်ဖြစ်သလို ရုပ်ရှင်ချစ်ပရိတ်သတ်များလည်း အနုပညာရှင်တွေနဲ့ ထပ်တူတပ်မျှ ရင်ခုန်ရတဲံ နေ့ကလေး တစ်နေ့ပဲပေါ့ရှင်။ မြန်မာ့ရုပ်ရှင် အကယ်ဒမီထူးချွန်ဆုကို ဘယ်နှစ်ခုနှစ်မှာ စတင်ချီးမြှင့်ခဲ့တာလည်။ ဘယ်အနုပညာရှင်တွေက မြန်မာပြည်ရဲ့ ပထမဆုံးသော အကယ်ဒမီဆု ပိုင်ရှင်တွေ ဖြစ်ခဲ့ကြတာလဲ။ အကယ်ဒမီကို ကျင်းပလာတာ ဒီနှစ်နဲ့ဆိုရင် ဘယ်နှစ်ကြိမ်မြောက်လဲ။ ဘယ်ဇတ်ကားတွေကို အကယ်ဒမီပေးဖို့ ရွေးချယ်ထားတာလ။ ကျွန်မ သိချင်တာတွေ အများကြီး ဖြစ်သလို၊ ရုပ်ရှင်ချစ်တဲ့ သူတိုင်းလည်း သိချင်ကြမှာပေါ့နော်။

မြန်မာနိုင်ငံတွင် ရုပ်ရှင်ထုတ်လုပ်ရေးလုပ်ငန်းသည် ၁၉၂၀ ပြည့်နှစ်တွင် ပေါ်ထွန်းလာခဲ့ပြီး ပထမဆုံး အကယ်ဒမီ ထူးချွန်ဆုပေးအပ်သည့် ခုနစ်မှာ ၁၉၅၂ ဖြစ်သည်။

၁၉၅၂ ခုနစ်တွင် ပထမဆုံးအကြိမ်မြန်မာ့ရုပ်ရှင်ထူးချွန်ဆုပေးပွဲတွင် ဗြိတိသျှဘားမားရုပ်ရှင် ဒါရိုက်တာရွှေဒုံးဘီအောင်၏ ‘မာလာရီ’ ဇာတ်ကား၌ အကောင်ဆုံးသရုပ်ဆောင်ထားသော ဦးကျော်ဝင်းမှာ ပထမဆုံးအမျိုးသား ဇာတ်ဆောင်ဆု ကိုရရှိခဲ့သည်။

မြန်မာနိုင်ငံတွင် ပထမဆုံး ဆုချီးမြှင့်ခြင်း ခံရသည့် ဇာတ်ကားမှာ အေ၀မ်းဖလင်မှ ဒါရိုက်တာမောင်တင်မောင် ရိုက်ကူးသော ‘ချစ်သက်ဝေ’ ဇာတ်ကားဖြစ်သည်။ အဆိုပါဇာတ်ကားတွင် သရုပ်ဆောင်ကြည်ကြည်ဌေးမှာ မြန်မာ့ပထမဆုံး အမျိုးသမီးထူးချွန်ဆုကို ရရှိခဲ့သည်။

ပထမအကြိမ်မြန်မာ့ရုပ်ရှင်ထူးချွန်ဆုပေးပွဲတွင် ဇာတ်ကားဆု (၃)ဆု ၊ ပညာသည်ဆု (၂)ဆုဖြင့် စုစုပေါင်း ထူးချွန်ဆု (၅)ဆု ချီးမြှင့်ခဲ့သည်။

၁၉၅၄ ခုနစ်တွင် ပထမဆုံးချီးမြှင့်သော ဒါရိုက်တာဆုကို ‘သြော်မိန်းမ’ ဇာတ်ကားရိုက်ကူးသူ ဦးသုခ မှ ရရှိခဲ့သည်။ အဆိုပါဇာတ်ကားဖြင့်ပင် ဦးသုခသည် အကောင်းဆုံးဇာတ်ကားဆု (ဒုတိယ) ကိုရရှိခဲ့သည်။

အဆိုပါအချိန်များတွင် ဇာတ်ကားဆု ၊ အမျိုးသားပညာသည်ဆု ၊အမျိုးသမီးပညာသည်ဆု၊ ဒါရိုက်တာဆုများကို ပေးအပ်နေခြင်းဖြစ်ရာ အထူးဆုအနေဖြင့် ၀င်းမာမှ ‘ဖိုးပြုံးချို’ ဇာတ်ကားဖြင့် ၁၉၅၅ ခုနစ်တွင် ပထမဆုံးချီးမြှင့်ခြင်း ခံရပြန်သည်။

၁၉၅၆ တွင် အကောင်းဆုံး ရုပ်ရှင်ဓါတ်ပုံဆု အဖြစ်ထပ်တိုးချီးမြှင့်ခဲ့ပြီး ဦးချစ်ဖွယ်မှ ‘လွမ်းငွေ့တဝေေ၀’ ဇာတ်ကားဖြင့် ရရှိခဲ့သည်။

၁၉၆၂ ခုနစ်တွင် ထူးထူးခြားခြားစတင်ပေးအပ်ခဲ့သည့် ဆုမှာ ဇာတ်ပို့ဆုဖြစ်သည်။ ဇာတ်တစ်ခုလုံးကို အထမြောက်အောင် ပို့ပေးရသော သရုပ်ဆောင်များအဖြစ် ဦးကျောက်လုံး နှင့် ဒေါ်မေနွဲ့ တို့မှ ‘အတွေ့’ ဇာတ်ကားကြီးဖြင့် အကောင်းဆုံး ဇာတ်ပို့ဆုများ အဦးဆုံး ရရှိခဲ့ကြပါသည်။

မှတ်မှတ်ရရ ရုပ်ရှင်သမိုင်းတွင် ချန်လှပ်ထားမရသော သရုပ်ဆောင်မှာ အောင်ထွန်းလေးဖြစ်သည်။ အောင်ထွန်းလေးသည် ၁၉၇၇ခုနစ်တွင် ‘အဖေတစ်ခု သားတစ်ခု’ ဇာတ်ကားဖြင့် ပထမဆုံးကလေးသရုပ်ဆောင် ဆုကိုရရှိခဲ့သည်။

ဇာတ်ကားတစ်ကားတွင် အများဆုံးအထောက်အပံ့ပေးနိုင်သော ဆုတစ်ဆုရှိသည်။ ထိုဆုမှာ ပရိသတ် ကို ငိုအောင် ရီအောင် ၊ ရင်ခုန်လှုပ်ရှားမှုကို သရုပ်ဖော်သည့် တေးဂီတဆုဖြစ်သည်။ အဆိုပါဆုကို မြန်မာ့နိုင်ငံ၏ ဂီတဖခင်ကြီး တစ်ဦးဖြစ်သည့် ဂီတလုလင်မောင်ကိုကို မှ ၁၉၉၁ ခုနစ်တွင် ‘ မယ်သီတာလို မိန်းကလေး’ ဇာတ်ကားဖြင့် ပထမဆုံး ရရှိခဲ့သည်။

ရှားရှားပါးပါး ပရိသတ်သတိမထားနိုင်သည့် ပညာသည်ဆုတစ်ဆုကို ၁၉၉၄ ခုနစ်တွင် ရုပ်ရှင်သမိုင်း၌ ထပ်တိုးချီးမြှင့် ခဲ့သေးသည်။

ဆက်လက်ဖတ်ရှုရန်

Loving Feburary!

Standard

Image Hosted by ImageShack.us

ဖေဖော်ဝါရီ … အဖြူရောင်နှင်းတွေ အဆုပ်လိုက်၊ အဆုပ်လိုက် ကြဲဖြန့် … ဟေမန်က နွေကိုကြိုဖို့ နှင်းစက်တွေကို အားရပါးရ အရင်းပြုနေချိန် …

အမှတ်တရတွေဖြစ်ဖို့ အမှတ်တမဲ့က အစပြုလာခဲ့သလား …?

“အချစ်”ကို လလေးတွေနဲ့ ပုံသဏ္ဍန်တွေ အမျိုးမျိုးနဲ့ ခိုင်းနှိုင်းပြောတတ်ကြပါတယ် … တချို့က အချစ်ဆိုတာကို ကိုယ်တိုင်ကြုံတွေ့ဖူးပြီး ကိုယ်ပိုင်ခံစားချက်တွေ ထုတ်ခဲ့ကြသလို သူများခံစားချက်တွေကို နားလည်နိုင်သူတွေလည်း ရှိခဲ့ဖူးကြရဲ့ … ဒီလိုမှမဟုတ်ဘဲ မကြုံဖူးလို့ နားမလည်နိုင်ဘူး ဆိုတဲ့သူတွေတောင် ဘယ်လိုပဲဖြစ်ဖြစ်တော့ အချစ်အကြောင်းကို တွေးကြည့်ဖူးကြမှာပဲ … အချင်းချင်း အတွေ့အကြုံတွေ ဖလှယ်ဖူးကြမယ် … လမ်းညွှန်ပေးကြဖူးမယ် … နှစ်သိမ့်ပေးကြဖူးပါလိမ့်မယ် …

ကဲ … ဒီလို … လူသားတိုင်း စိတ်ဝင်စားကြတဲ့ အချစ်နဲ့ ပတ်သတ်ဆက်နွယ်နေသူတစ်ယောက် (ဒါမှမဟုတ်) အများအပြား ရှိနေကြပါလိမ့်မယ် … ဒါပေမယ့် ခုအချိန်ထိ အားလုံးသိထားသူတစ်ယောက် … သူကတော့ “ချစ်သူများနေ့”ဆိုတဲ့ နေ့ကလေးကို ဖန်တီးထူထောင်ခဲ့တဲ့ သူလဲဖြစ်ပါတယ် …

လူတိုင်း စိတ်ဝင်စားပါတယ်ဆိုတဲ့ သူ့အကြောင်းကို နှစ်၊ လတွေ ပြောင်းလဲလာတာနဲ့အမျှ တင်စားပြောဆိုတဲ့ ဒဏ္ဍာရီတွေပါ ပြောင်းလဲလာခဲ့ပါတယ် … စကားလုံး ရွေ့လျားမှုတွေနောက်မှာ သူ့သမိုင်းဟာလဲ ပွားများလာခဲ့ပါရဲ့ … ဘာပဲဖြစ်ဖြစ် ချစ်သူတွေ၊ ချစ်ခဲ့သူတွေ၊ အချစ်ခံခဲ့ရသူတွေ အားလုံးအားလုံးကတော့ သူ့ကို လေးစားကြတယ် … သူ့ကို နားလည်ကြတယ် … သူ့ကိုချစ်ခင်ကြတယ် … သူ့အကြောင်းတွေ သိချင်ကြပါတယ် …

ပါးစပ်ရာဇ၀င်တွေ အမျိုးမျိုးနဲ့ နားလည်ရခက်တဲ့ Valentine’s Dayအကြောင်း ပြန်ပြောင်းပြောပြရမယ်ဆိုရင် သူတော်စင် အကြီးအကဲ စိန့်ဗယ်လင်တိုင်း (St. Valentine)ရဲ့ ရောထွေးတိမ်မြုပ်နေတဲ့ သမိုင်းကို ပဟေဠိတွေ ကြားထဲကနေ အစပြန်ဖော်ပေးဖို့ လိုပါလိမ့်မယ် … ယေဘုယျအားဖြင့်တော့ ဖေဖော်ဝါရီလဆိုတာ အချစ်ရည်၊ အချစ်သွေးတို့ လွှမ်းခြုံနေပြီး ချစ်ခြင်းမေတ္တာကို ကိုယ်စားပြုတဲ့ ပြယုဂ်ကာလလို့ သိထားလေ့ ရှိကြပါတယ် … ဒီနေ့ခေတ်မှာ လူတွေနားလည်ထားတဲ့ St. Valentine’s Day နေ့ထူးနေ့မြတ်ကြီးဟာ ရှေးခေတ် ရောမရိုးရာနဲ့ ခရစ်ယာန် ဘာသာအတွက် အလေးအမြတ် ပြုရတဲ့ အထိမ်းအမှတ် နေ့တစ်နေ့လည်း ဖြစ်ခဲ့ပါတယ် … ဒီတော့ စဉ်းစားစရာ အကြောင်းတစ်ခု ပေါ်လာပြန်ပါရော … အဲဒါကတော့ Valentine’s Dayနဲ့ ဘာသာရေးသမိုင်းကြောင်း ဘယ်လိုများ ဆက်စပ်နေပါသလဲဆိုတဲ့ မေးခွန်းပါပဲ …။

ဆက်ဖတ်ချင်တယ်ဆိုရင်…

Busy and Pretty Weekends!

Standard

ရုံးပိတ်ရက်တွေဆို ကျွန်မသိပ်အလုပ်များတယ်။ အရင်တုန်းကဆို ပိတ်ရက်တွေ ကျွန်မကို အိမ်မှာ ဖမ်းမိဖို့ဆိုတာ တော်တော်ခက်ခဲတာ။ သူငယ်ချင်းတွေနဲ့ ချိန်းပြီး သွားချင်ရာ လျှောက်သွားနေရော။ ခုတော့ အခြေအနေတွေက မတူတော့ဘူးလေ။ အိမ်မှာ မနေလို့ကို မဖြစ်တော့ဘူး။ အမကြီး အမိအရာဆိုသလို ညီမလေးကို စောင့်ရှောက်ရမယ့် တာဝန်တွေအပြင် ချက်ကျွေးရမယ့် တာဝန်ကလည်း ရှိလာပြီကိုးရှင့်။

ကျွန်မှာ သောကြာနေ့ညနေကတည်းက အားတယ်ဆိုတာ မရှိတော့ဘူး။ ကျွန်မ ညီမလေးက ပညာရေးတက်ကသိုလ် တက်နေတာလေ။ ကောင်းတာတစ်ခုက သူတို့ကျောင်းက အဆောင်ပေးတယ်ရှင့်။ အရင်တုန်းက ကျောင်းသူ၊ ကျောင်းသားတွေလိုပေါ့။ ပုဂံဆောင်တို့၊ တကောင်းဆောင်တို့၊ န၀ဒေးဆောင်တို့ ဆိုတာတွေမှာ B.Ed က ကျောင်းသူတွေ နေကြရတာ။ ညီမတော်က သောကြာနေ့ဆိုရင် အဆောင်က ထွက်လာပြီး ကျွန်မအိမ်မှာ လာအိပ်တာ။ တနင်္ဂနွေနေ့ ညနေဘက် ခြောက်နာရီမထိုးခင် အဆောင်ပြန်ဝင်ရတာ ဆိုတော့ အိမ်မှာ ညနေ ငါးနာရီလောက်ထိတော့ သူကရှိနေတာပေါ့။ အဲဒီတော့ ကျွန်မမှာလည်း သူမပြန်မချင်းကို သူ့အတွက် လုပ်ပေးရ ကိုင်ပေးရ၊ ချက်ပြုတ်ပေးရ၊ အဆောင်မှာ တစ်ပတ်စာစားဖို့ ဟင်းတွေ လုပ်ပေးရနဲ့ အားကို မအားနိုင်ပါဘူး။ သူငယ်ချင်းတွေ အရင်တုန်းကဆို မေးလေ့ရှိတယ်။ ပိတ်ရက် ဘယ်သွားလဲ၊ ဘယ်ရောက်နေလဲ ဆိုပြီးတော့။ ဟုတ်ကဲ့ ပိတ်ရက်ဆို ကျွန်မမှာ မီးဖိုချောင်ကကို မထွက်ရပါဘူးရှင်။

ညီမလေးကလည်း အဆောင်ကို မပြန်ခင်ကျွန်မကို ကြိုမှာထားခဲ့တာ။ မထက် သောကြာနေ့လာရင် ဘာဟင်းချက်ထားနော် ဆိုပြီးတော့။ သူစားချင်တဲ့ ဟင်းကို မနက် မီးလာလာ၊ မလာလာ ချက်ထားရတာပေါ့ရှင်။ ဒါမှ သူညနေအိမ်ပြန်ရောက်ရင် အဆင်သင့်စားရမှာကို။ ကျွန်မက သောကြာနေ့ဆို ရုံးတက်ရသေးတာနဲ့ ဘာနဲ့ ညနေကို ခုနစ်နာရီလောက်မှ အိမ်ပြန်ရောက်တာကိုး။ စနေနေ့ဆိုလည်း ဒီလိုပါပဲ ရုံးက နေ့တစ်ဝက် တက်ရသေးတော့ မနက်ရုံးမသွားခင်ကတည်းက မမလေးစားဖို့ နေ့လည်စာက အသင့်ဖြစ်အောင် ချက်ရသေးတာ။ ဒီအချိန်မှာ မီးတွေ ဘာတွေလည်း ဂရုမစိုက်အားတော့ပါဘူး။ မီးမလာလည်း မီးသွေးနဲ့မီးမွှေးချက်ရတာပေါ့။ တနင်္ဂနွေဆိုလည်း ဒီလိုပါပဲ။ မနက်ဆို ညီအစ်မ နှစ်ယောက် ဈေးကိုသွား၊ သူက စားချင်တာကို လက်ညှိုးထိုး၊ ကျွန်မက၀ယ်၊ ပြန်ရောက်တော့ ချက်စားကြနဲ့ ပျော်စရာတော့ တော်တော်ကောင်းပါတယ်။

ချက်ပြီးတော့လည်း မပြီးသေးပြန်ပါဘူး။ ကြီးတော်လေးက အ၀တ်တွေကိုလည်း သယ်လာသေးတာ။ သူကတော့စာကျက်ပေါ့လေ။ ကျွန်မကတော့ လျှော်လိုက်၊ မီးပူတိုက်လိုက်၊ အိမ်သန့်ရှင်းရေး လုပ်လိုက်နဲ့ တစ်နေကို ကုန်ရော။ အိမ်မှာ အတူနေကြတဲ့ တစ်ခြားသူငယ်ချင်းတွေလည်း တနင်္ဂနွေနေ့ဆို အကုန်ဆုံကြတာကိုး။ သူတို့တွေလည်း ထမင်းတွေ ဟင်းတွေချက်၊ ပြီးတော့ အကုန်စုစားကြနဲ့ အတော်လေးကို ပျော်စရာကောင်းပါတယ်။ ကျွန်မတို့တွေ အားလုံးက ညီအစ်မတွေလို ဖြစ်နေပါပြီ။

ကျွန်မ ရန်ကုန်မှာ တက္ကသိုလ်စတက်တုန်းက သိပ်ကိုရီရတာ။ အိမ်မှာဆို ကျွန်မတို့က ဘာမှမလုပ်ရဘူးလေ။ ထမင်းကို ခူးပြီးသား အဆင်သင့်စား၊ အ၀တ်ကို မီးပူတိုက်ပြီးသား အဆင်ဝင့်ဝတ်နဲ့ ဘာဆိုဘာမှကို မလုပ်တတ်တာ။ အိမ်မှာက ကျွန်မအမေရဲ့ညီမ အဒေါ်အပျိုကြီးကလည်းရှိတော့ သူက တူမတွေအတွက် အကုန်ကို လိုက်လုပ်ပေးတာ။ မနက်မိုးလင်းရင် မုန့်က အဆင်သင့်၊ ကျောင်းသွားခါနီး ထမင်းခူးပြီးသား၊ ပန်းကန်တွေလည်း ဆေးစရာမလို၊ အ၀တ်တွေလည်းလျှော်စရာမလိုနဲ့ ကျွန်မ 10 အောင်ပြီးတဲ့အထိ ဘာဆို ဘာမှကို မလုပ်တတ်တာပါရှင်။ ကျောင်းလည်း လာတက်ရော ဒုက္ခနဲ့ လှလှနဲ့တွေ့ရော။ ထမင်းဟင်း မချက်တတ်လို့လေ။ အတူနေတဲ့ အစ်မတွေကိုမေး။ အမေကလည်း အလွယ်ဆုံး ဟင်းချက်နည်းတွေကို သင်ပေး၊ အဲတုန်းကဆို မှတ်မိပါသေးတယ် ကြက်ဥကြော်ရယ် လက်ဘက်သုတ်ရယ်နဲ့ပဲ နေ့တိုင်း ထမင်းစားရတာများတယ်။ ဟင်းမချက်တတ်လို့။ အိမ်က ပို့လိုက်တဲ့ အခြောက် အခြမ်းတွေကို မစားချင်လည်း ဖြစ်ညှစ်စားနဲ့ တော်တော်ကို စားလို့ မ၀င်တာ။ နောက်တော့လည်း ဒီလိုပါပဲ စမ်းချက်ကြည့်ရင်း တတ်သွားတာပေါ့။ ဟိုနေ့ကလည်း အိမ်ကို ညီမတစ်ယောက်က လာလည်လို့ ထမင်းတွေ ချက်ကျွေးတာ ဘာပြောသွားတယ်မှတ်တုန်း မထက် ထမင်းချက်တတ်တာ သူ့အတွက်တော့ ကမ္ဘာ့ အံ့ဖွယ် တစ်ခုလိုပါပဲတဲ့၊ ကောင်းရော။

နောက် ကျွန်မပျော်တာ တစ်ခုရှိသေးတယ်။ ကျွန်မညီမလေး နေရတဲ့ တစ်ကောင်းဆောင်က သထုံလမ်းမှာလေ။ အဲတော့ သူ့ကိုလိုက်ပို့ရင်း သထုံလမ်းကို လျှောက်ရတာလည်း ပျော်တယ်။ အရင်တုန်းကတော့ ကျောင်းသူ ကျောင်းသားတွေနဲ့ ပျော်စရာ ကောင်းချင် ကောင်းမှာပေါ့။ ကျွန်မတို့က ရွာသာကြီးမှာ ကျောင်းတက်ရတဲ့ ခေတ်ဆိုတော့ မမီလိုက်ဘူးပေါ့ရှင်။ ခုတော့ သထုံလမ်းမှာ အားကစား သမားတွေချည်းပါပဲ။ ပညာရေးတက္ကသိုလ်က ကျောင်းသူတွေကိုတော့ တွေ့ရပါတယ်။ တင်းနစ်စ်ကွင်းမှာ တင်းနစ်စ် ရိုက်နေကြတဲ့သူတွေ၊ ဘောလုံးကွင်းမှာ ဘောလုံးကန်နေကြတဲ့သူတွေ၊ အမျိုးသား အားကစားရုံမှာ လာဆော့ကြတဲ့သူတွေနဲ့ပဲ သထုံလမ်းကလည်း စည်ကားနေပါတယ်။ ညနေဘက်ကို အေးအေးလေး လမ်းလျှောက်ရတာ တော်တော်ကြည်နူးစရာ ကောင်းပါတယ်ရှင့်။

ဒီလိုပါပဲ ကျွန်မရဲ့ အားလပ်ရက်တွေဟာ ညီမတစ်ယောက်နဲ့တင် တော်တော်ကို အလုပ်များနေတော့တာ။ ဒီညီအစ်မကလည်း သိပ်ကိုချစ်ကြတာဆိုတော့ အလုပ်များပေမယ့် ပျော်စရာ ကောင်းတာပေါ့ရှင်။ ကျွန်မစဉ်းစားမိတာ တစ်ခုရှိတယ်။ ညီမတစ်ယောက်နဲ့တောင် ဒီလိုဖြစ်နေတာ မတော်တစ်ဆများ ယောင်္ကျားလေးဘာလေးရလို့ ကလေးတွေ ဘာတွေ မွေးခဲ့ရင် အိမ်ရှင်မ လုပ်ရတာ တော်တော်ပင်ပန်းမှာပဲလို့။……..တော်ပါပြီ စိတ်ကုန်တယ်.. တောထဲကသစ်ပင်ပေါ်မှာ သွားနေမယ်….. သြော် ပိုစ့်ရေးပြီးသွားလို့ သီချင်းဆိုတာပါ.. ဘာရယ် မဟုတ်ပါဘူး။