Blog Seminar in Commemoration of Blog Day 2010

It’s been three years since Myanmar Blogger Society organized its first blog seminar on Blog Day 2007. I still remember that rainy day that we all were so busy and active for our ever first blog seminar. “Why do We Blog?” got its success winning over 600 audiences and made to increase quite a number of Myanmar blogs after the seminar. MBS is the first organization in Myanmar that reveled the blogs as a platform for sharing everything to everyone.

The day comes again now. Myanmar Blogger Society is planning to organize ICT  Seminar and Workshop on Sep 13 and 14, 2010 at MICT  in commemoration of World Blog Day 2010. The event is organized by MBS in cooperation with MCPA.  We all invite all interesting persons to attend the seminar and discuss in workshop. Pls see more on MBS Website.

လွမ်းနေဆဲပါ သရေခေတ္တရာ

(၁)

သမိုင်းတွေ ရာဇ၀င်တွေကို ကျွန်မ စိတ်မ၀င်စားလှပါဘူး။ တစ်ခါတစ်လေတော့ စာအုပ်နဲ့ မျက်နှာမခွာချင်လောက်အောင် စွဲလမ်းနှစ်သက်စရာ ကောင်းပေမယ့် တစ်ခါတစ်လေတော့လည်း သမိုင်းတွေကို ဖတ်ရတာဟာ တစ်ကယ်ကို ငြီးငွေ့စရာကောင်းတယ်လို့ ကျွန်မ ထင်မိသေးတယ်။ သမိုင်းတွေကို စိတ်မ၀င်စားတဲ့ ကျွန်မဟာ ကမ္ဘာ့သမိုင်းမှာသာမက မြန်မာ့သမိုင်းမှာလည်း ဘာဗဟုသုတမှ မရှိလောက်အောင်ကို နည်းပါပါတယ်။ ဒါပေမယ့် ရှေးဟောင်းမြို့တော်တွေကိုသွားရင် ကျွန်မ လွမ်းလွမ်းဆွေးဆွေးလေးတော့ ခံစားရတတ်သားရှင်။ ရခိုင်ပြည် ဝေသာလီမြို့ဟောင်းနဲ့ ပုဂံကိုသွားတုန်းကဆိုရင်လည်း ကျွန်မရင်ထဲမှာ ဆို့နင့်သလိုကြီး ခံစားရပြီး ငိုချင်စိတ်တွေ အလိုလိုဖြစ်လာခဲ့သေးတယ်။ သမိုင်းကိုစိတ်မ၀င်စားတဲ့ ကျွန်မ၊ ရာဇ၀င်တွေကို လျစ်လျူရှုတတ်တဲ့ ကျွန်မကို ရှေးဟောင်းမြို့တော်တွေက ငိုအောင်လုပ်နိုင်တာတော့ နည်းနည်းထူးဆန်းနေသေးတယ်။ ငိုချင်စိတ်တွေကပဲ ကျွန်မကို တစ်ခုခုစိတ်ဝင်စားအောင်များ အစပျိုးစေခဲ့သလား မပြောတတ်ပါဘူး။ ရှေးဟောင်းမြို့တော်တွေကို ကျွန်မ တမ်းတမ်းတတကို သွားချင်နေမိတတ်သေးတယ်။ သွားခွင့်ရဖို့ အခွင့်အရေးတွေကိုလည်း ကျွန်မ စောင့်မျှော်နေတတ်သေးတာပေါ့။ ကျွန်မဟာ ခေတ်တစ်ခေတ်တုန်းက လူမျိုးစုတွေနဲ့များ အဆက်အစပ်ရှိလေသလားလို့လည်း ရူးကြောင်ကြောင် တွေးမိတတ်ပါသေးရဲ့။

(၂)

“ငါတို့ သရေခေတ္တရာကို လေ့လာရေး သွားကြမယ်”

ကိုညီလင်းဆက်ရဲ့ စကားအဆုံးမှာ စတားကိုလာကို ခေါင်းငုံ့ သောက်နေတဲ့ ကျွန်မ ရုတ်တရက် ခေါင်းထောင်သွားခဲ့တယ်။ စိတ်ဝင်စားမှုတွေက လှိုက်ခဲတက်လာတယ်။ တစ်ခုခုတော့ ထူးခြားတော့မယ်ဆိုတဲ့ အသိလည်း ၀င်လာခဲ့တယ်။

“ဟေးးးးးးးး ပျော်စရာကြီး.. ဟုတ်တယ် အဖွဲ့လိုက်ကြီး ခရီးထွက်ရတာ သိပ်ပျော်ဖို့ကောင်းမှာပဲ..”

မထိုက် ရဲ့ ထောက်ခံအားပေးတဲ့အသံ၊ တစ်ခြား သူငယ်ချင်းတွေရဲ့ “မိုက်တယ် မိုက်တယ်” ဆိုတဲ့ အားတက်သရော ရှိလှတဲ့ တုန့်ပြန်မှုတွေကြောင့် ကျွန်မတို့တွေ သရေခေတ္တရာ လေ့လာရေး ခရီးစဉ်ဆိုတာကို စီစဉ်ဖြစ်ကြတယ်။ ကျွန်မတို့တွေဆိုတာက ဘလောဂ့်ဂါတွေပေါ့။ အွန်လိုင်းပေါ်မှာ ကိုယ်ပိုင်အင်တာနက်စာမျက်နှာ တစ်ခုမကကို ပိုင်ဆိုင်ကြတဲ့ စာရေးဆရာတွေ၊ နည်းပညာရှင်တွေ၊ ကဗျာဆရာတွေ၊ ရောက်တတ်ရာရာလေးတွေ ရေးတဲ့သူတွေ ပေါင်းစုထားသူတွေပေါ့။ သရေခေတ္တရာကို သွားရတဲ့ ရည်ရွယ်ချက်က သြဂုတ်လ (၃၁) ရက်နေ့မှာ ကျရောက်မယ့် ဘလောဂ့်ဒေး အထိမ်းအမှတ်အဖြစ် လေ့လာရေး ခရီးစဉ်တစ်ခုအဖြစ် သွားရောက်ကြမှာ ဖြစ်တယ်။ ကျွန်မ ရင်တွေ ခုန်လာတယ်။ အပျော်တွေ စတင်စီးဆင်းတယ်။ ကျွန်မ သူငယ်ချင်းတွေရဲ့ မျက်နှာကို တစ်ချက်မော့ကြည့်လိုက်တယ်။ အားလုံးက သရေခေတ္တရာကို သွားချင်နေကြတဲ့ ဆန္ဒတွေကိုယ်စီရှိနေတာကို အပီအပြင်တွေ့ရတယ်။

“ဒါဆို ထက်တို့ သရေခေတ္တရာ ခရီးစဉ်အတွက် Trip Plan လေး ဆွဲရအောင်၊ တစ်ခြားဘလောဂ့်ဂါတွေလိုက်နိုင်ဖို့အတွက်လည်း သတင်းတွေ များများဖြန့်ရမယ်လေ… ကားလည်းငှားရအုံးမှာ၊ အစားအသောက်တွေ၊ ပြီးတော့ တီရှပ်လည်း ထုတ်ကြမယ်.. တစ်ယောက်ချင်းစီ တာဝန်ခွဲလုပ်ကြမယ်နော်”

တစ်ခုခုလုပ်တော့မယ်ဆို အမြဲစိုးရိမ်စိတ်ဝင်တတ်တဲ့ ကျွန်မ ခရီးစဉ်အတွက် အစီအစဉ်တွေကို ကြိုတင်ချမှတ်နေမိတယ်။ ကျွန်မကိုယ်တိုင်ပဲ ဦးဆောင်ပြီး ဘယ်သူက ဘာလုပ်ဆိုတဲ့ တာဝန်တွေကို ခွဲဝေပေးလိုက်တယ်။ ခရီးစဉ်ကို လူများများနဲ့ အဆင်ပြေပြေထွက်ဖြစ်အောင်လည်း ကျိတ်ဆုတောင်းလိုက်မိသေးတယ်။ ဆင်တူအက်ျီတွေနဲ့ ခရီးသွားရမယ့် အဖြစ်ကိုလည်း စိတ်ကူးတွေ ဖမ်းယဉ်လိုက်သေးတယ်။ သရေခေတ္တရာ…. ပြည် မြို့နားမှာ ရှိတယ်ဆိုတာကလွဲလို့၊ ပန်ထွာဘုရင်မနဲ့ ဒွတ္တဘောင်းမင်းကြီး ရှိခဲ့ဖူးတယ်ဆိုတာကလွဲလို့ ကျွန်မ ဘာမှ မသိခဲ့ဘူး။ သာသနာ စတင်ထွန်းကားရာနေရာ၊ ယဉ်ကျေးမှုတွေ နိဒါန်းချီတဲ့ နေရာဖြစ်တယ်ဆိုတာကိုလည်း ခပ်သဲ့သဲ့တော့ ပြောသံကြားဖူးပါသေးရဲ့။ ဒီမြေကို ကျွန်မ တစ်ကယ်သွားရတော့မယ်။ နောက်ထပ်ရှေးဟောင်းမြို့တစ်ခုဆီ ကျွန်မ ရောက်ဖြစ်တော့မယ်။ သရေခေတ္တရာရေ… ကြိုလင့်ပါတော့ကွယ်။

Blogger Gathering is Successfully Finished

ကျွန်မတို့ တစ်လတိတိ မီတင်ပေါင်းများစွာ လုပ်ပြီး စီစဉ်ခဲ့ရတဲ့ Blogger Gathering and Blogging Excursion ရဲ့ ပထမပိုင်း အစီအစဉ်ဖြစ်တဲ့ Gathering ကတော့ ဒီနေ့မှာ အောင်မြင်စွာ ပြီးဆုံး ခဲ့ပါပြီ။ ကျွန်မတို့ရဲ့ တွေ့ဆုံပွဲလေးကို စီစဉ်ထားတဲ့အတိုင်း ကန်တော်ကြီးမှာ ကျင်းပခဲ့ပါတယ်။ တွေ့ဖူးမြင်ဖူးနေကျဖြစ်သော ဘလောဂ့်ဂါများသာမက၊ မတွေ့ဖူး မမြင်ဖူးသော ဘလောဂ့်တွေလည်း လာရောက်ခဲ့ကြပါတယ်။ ဒီနေ့ တွေ့ဆုံပွဲလေးမှာ စုစုပေါင်း ဘလောဂ့်ဂါ သုံးဆယ့်ငါးယောက် လာရောက်ခဲ့ကြပါတယ်ရှင်။

မနက်ဆယ်နာရီမှာတော့ ကျွန်မတို့တွေ ကရ၀ိတ်ကျွန်း အ၀င်ဝမှာ လူစုကြပါတယ်။ နောက်တော့ ကန်တော်ကြီး ကလေးကစားကွင်းအနီး မြေကွက်လပ်တစ်ခုကို သွားရောက်ကြပြီး ဘလောဂ့်ဂါ အချင်းချင်း မိတ်ဆက်ခြင်း၊ ဂိမ်းဆော့ခြင်း၊ Debate လုပ်ခြင်းများကို ပြုလုပ်ခဲ့ကြပါတယ်။ အစတုန်းက Role Play တွေပါ ဆော့ဖို့ စီစဉ်ထားခဲ့ပေမယ့် လူစုတာ နည်းနည်း အချိန်ကြာသွားတဲ့အတွက် ဒီအစီအစဉ်ကို မလုပ်ဖြစ်ခဲ့ပါဘူးရှင်။ ဆော့ဖြစ်ခဲ့တဲ့ ဂိမ်းလေးကတော့ Blogger ဖွက်တမ်းလို့ အမည်ပေးထားတဲ့ ဂိမ်းလေးဖြစ်ပါတယ်။

ဘလောဂ့်ဂါတွေရဲ့ နာမည်ကိုတွေ လက်ဟန် ခြေဟန် အမူအရာတွေနဲ့ ဖွက်ပြီး အမည်ဖော်ရတဲ့ ဂိမ်းလေးပါ။ ငယ်ငယ်တုန်းက ရုပ်ရှင်ဖွက်တမ်း ကစားခဲ့သလိုပါပဲ။ အဖွဲ့ နှစ်ဖွဲ့ခွဲပြီး ပျော်ပျော်ပါးပါး ဆော့ကစားခဲ့ကြပါတယ်။ ဆော့ပြီးတော့ နေ့လည်စာ စားသောက်ကြပါတယ်။ နေ့လည်စာ စားပြီးတဲ့ အခါမှာ စောစောက အဖွဲ့နှစ်ဖွဲ့ကပဲ Debate အစီအစဉ်များကို ဆက်လက်ပြုလုပ်ခဲ့ပါတယ်။ Debate  လုပ်ခဲ့တဲ့ ခေါင်းစဉ်တွေကတော့

1. Blogger မှာ ရေးရတာကောင်းတယ် နဲ့ WordPress မှာ ရေးရတာ ကောင်းတယ်
2. Blogger ဖြစ်ရတာ ကောင်းတယ်၊ Blogger ဖြစ်ရတာ မကောင်းဘူး

ဆိုတာတွေပဲ ဖြစ်ပါတယ်။

Debate ပြီးသွားတော့ ကျွန်မတို့ လက်ရှိစုဝေးနေတဲ့ နေရာမှာ နေနည်းနည်းပူနေတာတဲ့ ချစ်သူကျွန်းကို ပြောင်းရွှေ့ခဲ့ကြပါတယ်။ ချစ်သူကျွန်းမှာလည်း ဆော့ခဲ့ကြ၊ ဓါတ်ပုံရိုက်ခဲ့ကြပါသေးတယ်။ ဘလောဂ့်ဂါ သားဖြိုးကလည်း ဂစ်တာတီးပြီး သီချင်းတွေ ဆိုပြခဲ့ပါတယ်။

နောက်တော့ တစ်ယောက်နဲ့ တစ်ယောက် လက်ကိုကြက်ခြေခတ်ယှက်ကိုင်ပြီး လက်တွေကို မဖြုတ်ပဲ အားလုံး စက်ဝိုင်းပုံ ပြန်ဖြစ်အောင် လက်တွေကို ဖြေယူရတဲ့ ဆော့ကစားနည်းကို ဆော့ခဲ့ကြပါတယ်။

ရှုံးတဲ့ အဖွဲ့ကို နိုင်တဲ့ အဖွဲ့က ကြိုက်ရာ လုပ်ခိုင်းလို့ ရတယ်လို့ ဒိုင်လူကြီးက ပြောတာနဲ့ လက်တွေကို မဖြည်နိုင်တဲ့ ကျွန်မတို့အဖွဲ့ကတော့ နိုင်တဲ့ အဖွဲ့နှစ်ဖွဲ့ ခိုင်းတာတွေကို မရှက်တမ်း လုပ်ပြခဲ့ရပါသေးတယ်။

နောက်ဆုံးမှာတော့ အားလုံးစုပြီး ဓါတ်ပုံ ရိုက်ခဲ့ကြပါတယ်။

ဒီနေ့တွေ့ဆုံပွဲလေးကို လာရောက်ပေးကြတဲ့ ဘလောဂ့်ဂါတွေကို ကျေးဇူးအထူးတင်ပါတယ်လို့ Organizer အားလုံးရဲ့ ကိုယ်စား ကျွန်မက ပြောချင်ပါတယ်။ ဘလောဂ့်ဂါ အချင်းချင်း အွန်လိုင်းမှာသာမက အပြင်မှာပါ ရင်းနှီး နွေးထွေးစေတဲ့ ဒီလိုအစီအစဉ်မျိုးကိ နောက်လည်း အခွင့်အခါသင့်သလို ပြုလုပ်ပေးသွားချင်ပါသေးတယ်။ ဘလောဂ့်ဂါတိုင်းကိုလည်း အွန်လိုင်းမှာသာမက အပြင်မှာ ချစ်ခင် ရင်းနှီးစေချင်ပြီး နောက်ပိုင်းမှာ လူမှုရေး လုပ်ဆောင်ချက်တွေကို တက်တက်ကြွကြွ လုပ်ဆောင်သွားနိုင်ဖို့ မျှော်လင့်ပါတယ်ရှင်။

ဒီနေ့ည (10) နာရီမှာတော့ ပြည်မြို့ကို Blogging Excursion အနေနဲ့ ထွက်ခွာကြအုံးမှာ ဖြစ်ပါတယ်။ ခရီးသွား အတွေ့အကြုံလေးတွေကို စောင့်မျှော် ဖတ်ရှုကြပါအုံးနော်။

သီချင်းဆိုနေသော မောင်သားဖြိုး

(Photo Credit to Kyaw Nyo Thway)

ဆော့ကြပြီ

(Photo Credit to Nyi Lynn Seck)

(Photo Credit to Nyi Lynn Seck)

(Photo Credit to Nyi Lynn Seck)

Blog Day Gathering: Update!!

MBS မှ Blog Day အထိမ်းအမှတ်အဖြစ် ကျင်းပပြုလုပ်မယ့် Blogger Gathering and Blogging Excursion အကြောင်းကို ကြေငြာခဲ့ပြီး ဖြစ်ပါတယ်။ ဒီပွဲလေးကို ကျင်းပဖို့ အချိန်လည်း နီးကပ်လာပြီ ဖြစ်တာကြောင့် လာရောက်ကြမယ့် ဘလောဂ့်ဂါများ အားလုံးကို ပွဲနဲ့ပတ်သက်တဲ့ အသေးစိတ် အချက်အလက်များကို ပြန်လည်ကြေငြာပေးချင်ပါတယ်။

Blogger Gathering

နေ့ရက် – ၂၀၀၉ ခုနှစ် ၊ သြဂုတ်လ (၂၉)ရက် (စနေနေ့)

အချိန် – နံနက် (၁၀ ) နာရီမှ ညနေ (၄) နာရီထိ

နေရာ – ကန်တော်ကြီး ကရ၀ိတ် ၀င်ပေါက်ဝတွင် စုရပ် (ကျနော် တစ်ယောက် စောင့်နေမည် မတွေ့လျှင် 095001570 သို့ တည်နေရာအား မေးမြန်းနိုင်ပါသည်။ )

အစီအစဉ်များ

* ဘလောဂ့်ဂါ အချင်းချင်းမိတ်ဆက်ခြင်း
* ဂိမ်းဆော့ခြင်း
* Quiz ဖြေခြင်းများ
* ဘလောဂ့်ဂါ အချင်းချင်း လက်ဆောင်ပစ္စည်း လဲခြင်း

တွေ့ဆုံပွဲကို လာရောက်ကြသောသူများအတွက် နေ့လည်စာ စီစဉ်ပေးမည်ဖြစ်ပါသည်။ အမှတ်တရ လက်ဆောင်များကိုလည်း မဲဖောက်ပေးသွားမည် ဖြစ်ပါသည်။

လက်ဆောင်များ လဲရန်အတွက် ကြိုက်နှစ်သက်ရာ လက်ဆောင်ပစ္စည်းတစ်ခုစီ ယူလာနိုင်ပါသည်။

Blogging Excursion

နေ့ရက် – ၂၀၀၉ ခုနှစ် ၊ သြဂုတ်လ (၂၉)ရက် (စနေနေ့)

အချိန် – ည (၁၀) နာရီ ပြည်မြို့ကို ထွက်ခွာမည်ဖြစ်ပြီး (၃၁) ရက်နေ့ မနက်ကို ပြန်ရောက်ပါမည်

သွားရောက်လည်ပတ်မည့်နေရာ – ပြည်မြို့ ၊ သရေခေတ္တရာမြို့ဟောင်း

Fees – 5000 ကျပ်

* ခရီးစဉ်အတွက် ကားစီစဉ်ပေးမည်ဖြစ်ပြီး အစားအသောက်စရိတ်များကို ကိုယ်တိုင်ကျခံရမည် ဖြစ်ပါသည်။
* ခရီးစဉ်အကြောင်းကို အကောင်းဆုံးဖြစ်အောင် ပြန်လည်ရေးသားနိုင်သူအား ကိုကျော်ဇေယျမှ ပထမဆု= smart dictionary၊ ဒုတိယဆု = JXD MP3 2GB၊ တတိယဆု = 1GB thumb drive များကို ဆုချီးမြှင့်ပေးမည် ဖြစ်ပါသည်။ (MBS မှ ပေးသောဆု မဟုတ်ပဲ ကိုကျော်ဇေယျမှ သီးသန့်စီစဉ်ပေးသော ဆု ဖြစ်ပါသည်)

အကြောင်းအမျိုးမျိုးကြောင့် မလိုက်ဖြစ်သော သူများ မလိုက်နိုင်သော သူများ မနက်ဖန် ညနေ ၂နာရီ နောက်ဆုံးထား၍ အကြောင်းကြားပေးရန် နိုးဆော်အပ်ပါသည်။ ကားစီစဉ် ပြီးမှ မလိုက်ဖြစ်ဘူးဆိုသော သူများအား ပိုက်ဆံ ပြန်အမ်းပေးမည် မဟုတ်ပါ။

Blog Day 2009 and Blogging Excursion

2009 ခုနှစ် သြဂုတ်လ (31) ရက်နေ့မှာ ကျရောက်မယ့် ဘလောဂ့်ဒေး အထိမ်းအမှတ်အဖြစ် ဘလောဂ့်ဂါ တွေ့ဆုံပွဲနှင့် လေ့လာရေး ခရီးစဉ်တစ်ခုကို ပြုလုပ်သွားမှာ ဖြစ်ပါတယ်။ ရန်ကုန်မြို့မှာသာမက. မြန်မာနိုင်ငံတစ်ဝှမ်းလုံးမှာ ရှိကြတဲ့ ဘလောဂ့်ဂါတွေ စုံစုံညီညီ တက်ရောက်ပါဝင် ဆင်နွှဲနိုင်ပါတယ်။ နိုင်ငံခြားမှာ ရှိနေကြတဲ့ ဘလောဂ့်ဂါတွေလည်း တက်ရောက်နိုင်ပါတယ်ရှင်။

ဒီအစီအစဉ်ကို 2009 ခုနှစ် သြဂုတ်လ (29) ရက်နေ့မှာ ကျင်းပပြုလုပ်မှာ ဖြစ်ပါတယ်။ လာရောက်ဆင်နွှဲကြတဲ့ ဘလောဂ့်ဂါတွေ အားလုံးအတွက် Game, Role Play, Quiz အစရှိတဲ့ ပျော်ရွှင်စရာ ၊ ဗဟုသုတရစရာ အစီအစဉ်များပါဝင်တဲ့ အပြင် ၊ ဘလောဂ့်ဂါ အချင်းချင်း အမှတ်တရ လက်ဆောင်များကိုလည်း လှဲလှယ်နိုင်မှာ ဖြစ်ပါတယ်။

နောက်ထပ် စိတ်ဝင်စားစရာ တစ်ခုအနေဖြင့် သရေခေတ္တရာ ၊ ပြည်မြို့ကို Blogging Excursion တစ်ခုအနေနဲ့ သွားရောက်လေ့လာကြမှာ ဖြစ်ပါတယ်ရှင်။ ဒီခရီးစဉ်ကို Shrikittaya 2.0 လို့ အမည်ပေးထားပြီး.. ခရီးစဉ်မှာ လိုက်ပါကြမယ့် ဘလောဂ့်ဂါတိုင်းကို နှစ်သက်ကြည်နူးစေမယ့် အစီအစဉ်တွေ ထပ်မံထည့်သွင်းပေးထားမှာ ဖြစ်ပါတယ်။

ဒီပွဲမှာ လာရောက်ဆင်နွှဲလိုကြတဲ့ ဘလောဂ့်ဂါများအားလုံးအနေဖြင့် ပွဲကိုလာမယ့်အကြောင်းကို သြဂုတ်လ (22) ရက်နေ့ကို နောက်ဆုံးထားပြီး Register ပြုလုပ်ပေးရမှာ ဖြစ်ပါတယ်။ Register ပြုလုပ်တဲ့အခါ သတ်မှတ်ထားတဲ့ Registration Fees ကိုပေးဆောင်ရပါမယ် ဆိုတာလေးကိုလည်း သိစေချင်ပါတယ်ရှင်။ Registration Fees ကောက်ခံရတဲ့ ရည်ရွယ်ချက်ကတော့ ခရီးသွားလာဖို့အတွက် စီစဉ်စရာလေးတွေကို အဆင်ပြေပြေစီစဉ်နိုင်အောင် ဖြစ်ပါတယ်ရှင်။ MBS ကို ၀င်ရင် ပေးရမယ့် ၀င်ကြေးမဟုတ်ပါဘူးဆိုတာလည်း အသိပေးအပ်ပါတယ်။

နေ့ရက် –     29 – Aug -2009 and 30-Aug-2009 (စနေ ၊ တနင်္ဂနွေ)

အချိန် -      တွေ့ဆုံပွဲ @ နံနက် (10) နာရီမှ ညနေ (4) နာရီထိ ၊ ခရီးစဉ် @ ည (10) နာရီ

နေရာ -      ကန်တော်ကြီး (Point ကို ပြန်လည်ကြေငြာပေးပါမည်)

2009 ခုနှစ် သြဂုတ်လ (29) ရက်နေ့ ည (10) နာရီခန့်တွင် ပြည်မြို့ကို ထွက်ခွာမည်ဖြစ်ပြီး ၊ 30 ရက်နေ့ ညပိုင်းကို ရန်ကုန်မြို့ကိုပြန်ရောက်မှာ ဖြစ်ပါတယ်။

ခရီးစဉ်တွင် လိုက်ပါခြင်းမရှိပဲ ၊ တွေ့ဆုံပွဲသို့လည်း သီးသန့်လာရောက်နိုင်ပါတယ်။

ကဲ.. မြန်မာဘလောဂ့်ဂါတွေ ဘလောဂ့်ဒေးမှာ ပျော်ပျော်ပါးပါး ဆုံတွေ့ကြရအောင်နော်… !

10 Persons Who I wanna meet most!

သူငယ်ချင်း မီးလေးဇာဆိုတာ အွန်လိုင်းပေါ်က ကျွန်မနဲ့ အတော်လေးကိုခင်တဲ့ ဖက်တီးမလေးပါ။ သူဘလောဂ့်မရေးခင်ကတည်း ကျွန်မရဲ့ ဘလောဂ့်ကိုဖတ်ပြီး ကျွန်မရဲ့ ဘလောဂ့်ရီဒါတစ်ယောက်အဖြစ် အရမ်းကို ခင်ခဲ့ကြတဲ့ သူပေါ့။ ခုတော့ သူလည်း ဘလောဂ့်ဂါကြီးဖြစ်လာ.. အပေါင်းအသင်းတွေလည်း များလာပေမယ့် ကျွန်နဲ့ ခင်မြဲ ခင်ဆဲ ချစ်စရာ သူငယ်ချင်း တစ်ယောက်ပေါ့။ ဆိုးတာတစ်ခုတော့ ရှိတယ်ရှင့်.. သူ့ကို လူတကာ တဂ်လုပ်တဲ့ ပိုစ့်တွေကို ရေးပြီး အပုဒ်တိုင်းကိုလည်း ကျွန်မကို ပြန်ပြန် တဂ်တတ်တာလေ။ ခုလည်း အတွေ့ချင်ဆုံးလူ (၁၀)ယောက်ဆိုပြီး ရေးလာခိုင်းပြန်တော့ ကျွန်မလည်း လက်ကလေးပြန်လှုပ်ရတာပေါ့ရှင့်။

လူဖြစ်ရတဲ့ အခိုက်မှာ တွေ့ရတဲ့ သူတွေအားလုံးဟာ ရှေးဘ၀က ရေစက်ကြောင့်ပဲလို့ ကျွန်မ မှတ်ယူပါတယ်။ အရင့် အရင်ဖြစ်လာခဲ့သမျှ ဘ၀တွေက ကောင်းမှုကုသိုလ်တွေ အတူတူလုပ်ခွင့် ကြုံခဲ့လို့ ဒီဘ၀မှာလည်း ကလျာဏမိတ်ဆွေများ အဖြစ်နဲ့ ပြန်လည်တွေ့ဆုံကြရတာကြောင့် တွေ့ရတဲ့ သူတိုင်းကို ကျွန်မ ခင်ခင်မင်မင် ပေါင်းသင်းပါတယ်။ တတ်အားသလောက် ကူညီပေးပါတယ်။ ဒီလို ရေစက်ကြောင့် တွေ့ရတဲ့ သူများရှိသလို မီးစက်ကြောင့် တွေ့ရတဲ့ သူများလည်း ရှိပါတယ်ရှင်။ ဒါကတော့ တစ်ခြားမဟုတ်ပါဘူး.. အွန်လိုင်းပေါ်က မိတ်ဆွေ သူငယ်ချင်းများပေါ့။ ဘာလို့လဲ ဆိုတော့ ကျွန်မတို့ မြန်မာပြည်မှာက တစ်ခြားနိုင်ငံများမှာလို မီးမှန်မှန်လာတာ မဟုတ်ဘူးလေ။ အင်တာနက်ကို ကိုယ်တက်ချင်တဲ့ အချိန်မှာတက်ပြီး အွန်လိုင်းမှာ ကိုယ်တွေ့ချင် ပွားချင်သောသူများတဲ့ ပွားများနိုင်ဖို့က မီးစက်မောင်းမှ အလုပ်ဖြစ်တာကိုးရှင့်။ ဒါကြောင့် ကျွန်မအတွက်တော့ အွန်လိုင်းပေါ်က သူငယ်ချင်းများဟာ မီးစက်ကြောင့် တွေ့ရသူများလို့ မှတ်ယူပါတယ်။

ရေစက်ကြောင့်ကော မီးစက်ကြောင့်ကော ကြုံခွင့် ဆုံခွင့်ရတဲ့ သူတွေအကုန်လုံးကို ကျွန်မ ကြုံချင် ဆုံချင်ပါတယ်။ တွေ့ဖူးပြီးသားသူတွေကိုသာမက မတွေ့ရသေးတဲ့ သူတွေကိုလည်း ကျွန်မ တွေ့ချင် မြင်ချင်ပါတယ်။ ခက်တာက ဆယ်ယောက်ပဲ ရေးရမယ်ဆိုတော့ ကျွန်မအနေနဲ့ ရေးဖို့က အခက်ကြုံရပြန်ပါတယ်။ တစ်ချို့တွေက ဘလောဂ့်ဂါတွေကိုချည်းပဲ ရွေးထုတ်ပြီး တွေ့ချင်တဲ့သူတွေကို ဖော်ပြကြသလို၊ တစ်ချို့တွေကလည်း ဘလောဂ့်ဂါရယ် ဘာရယ်လို့ မဟုတ်ပဲ ကိုယ်တစ်ကယ် တွေ့ချင်တဲ့သူတွေကို ရေးထားကြတာ ကျွန်မဖတ်ရပါတယ်။ ကျွန်မအနေနဲ့ အားလုံးကို တွေ့ချင်ပေမယ့်လည်း အတွေ့တကာ့ အတွေ့ချင်ဆုံးသူ ဆယ်ယောက်ကို ရွေးထုတ် ဖော်ပြချင်ပါတယ်။ မီးလေးကိုတော့ နဂိုကတည်းက တွေ့ချင်ပြီးသားမို့ စရင်းထဲ မထည့်တော့ပါဘူး။ မီးလေး + ဆယ်ယောက်ပေါ့နော်။ ဘလောဂ့်လောကမှာတော့ ကျွန်မတွေ့ဖူးတဲ့သူတွေ တော်တော်များတယ်ရှင့်။ ရန်ကုန်ကလူတွေလည်း အားနေရင် တွေ့နေကြ၊ အချင်းချင်းချိန်းပြီး တစ်ခုခုလုပ်လိုက်ကြ၊ စီမီနာတွေ လုပ်လိုက်ကြဆိုတော့ ကျွန်မအနေနဲ့ ဘလောဂ့်ဂါ တော်တော်များများကို တွေ့ဖူးပါတယ်။ နိုင်ငံခြားက ပြန်လာတဲ့ ဘလောဂ့်ဂါတွေဆိုရင်လည်း ရန်ကုန်ရောက်ရင် တွေ့ဆုံပွဲလေး လုပ်ဖြစ်ကြတယ်ဆိုတော့ ကျွန်မ မတွေ့ဖူးသေးတဲ့ အရမ်းလည်း တွေ့ဖူးချင်တဲ့သူ ဆယ်ယောက်ကတော့ လာပါပြီရှင်….။

1. Barack Obama

အိုဘားမားကို တွေ့ဖူးချင်တယ်ဆိုတာ မဖြစ်နိုင်ပေမယ့် တစ်ကယ့်ရင်ထဲမှာ ရှိတဲ့အတိုင်းကို ပြောလိုက်တာပါ။ လူငယ်တွေရဲ့ ဟီးရိုးဖြစ်သလို ကျွန်မအတွက်လည်း သူက ဟီးရိုးပါပဲ။ 2008 ခုနှစ်ရဲ့ ပြောင်းလဲမှုတွေထဲက အကြီးမားဆုံး ပြောင်းလဲမှုဟာ အိုဘားမးပါလို့ ပြောရင်လည်း မမှားဘူး မဟုတ်လားရှင်။ လေဖမ်းပြီး ဒန်းစီးချင်တယ်ပဲ ပြောပြော ကျွန်မကတော့ အိုဘားမားကို အမှန်ကို တွေ့ချင်တာပါ။

2. Ko Htike

ကိုထိုက် ကို တွေ့ချင်တယ်ဆိုလို့ တစ်မျိုးတော့ ဖြစ်မသွားကြပါနဲ.။ ကိုထိုက်နဲ့ ကျွန်မက 2006 ခုနှစ်လောက်ကတည်းက သူရော ကျွန်မပါ ဘလောဂ့်မရေးခင် အချိန်ကတည်းက ဖိုရမ်တစ်ခုမှာ ခင်မင်လာခဲ့ကြတဲ့သူတွေပါ။ အခုအချိန်ထိလည်း အခင်ဆုံး သူငယ်ချင်းတွေအဖြစ် ရှိနေကြတုန်းပါပဲ။ တစ်နေ့နေ့တော့ ဖြစ်လာမယ် ထင်ပါရဲ့။

3. ပန်ဒိုရာ

ဘလောဂ့်လောကမှာ ကျွန်မခင်ရတဲ့ အမ လေးယောက်ရှိတယ်ရှင့်။ မပန်၊ မဂျစ်၊ မမီ၊ မခွန်မြလှိုင်တို့ပါပဲ။ သူတို့တွေ ရေးတဲ့စာကိုဖတ်ပြီး အတွေးအမြင်တွေ ပွင့်လာရသလို ကျွန်မချစ်ပြီး လေးစားရတဲ့ အမတွေပါ။ ကျွန်မတို့တွေဟာ ဂျီတော့ပေါ်မှာ အရည်မရ အဖတ်မရတွေကော အရည်ကော အဖတ်ပါ ရတဲ့အကြောင်းအရာတွေ တော်တော်များများကို ပြောဖြစ်ခဲ့ကြပါတယ်။ မပန် ဟိုတစ်လောက် မြန်မာပြည် လာသွားပေမယ့် တွေ့ခွင့်မကြုံလိုက်ပါဘူးရှင်။ ကျွန်မကို မပန် လက်ဆောင်ပေးထားတဲ့ မီးချောင်းရုပ်ကလေးနဲ့ Key Chain လေးကိုလည်း ကျွန်မ ခုချိန်ထိ သိမ်းထားတုန်းပါပဲ။

4. မဂျစ်တူး

ဘလောဂ့်လောကမှာ ကျွန်မအတွက် ၀မ်းနည်းစရာ အရာတွေထဲက တစ်ခုကို ပြောပါဆိုရင် မဂျစ် တစ်ယောက် ဘလောဂ့်ရေးခြင်းကို ရပ်နားလိုက်တာလည်း တစ်ခုအပါအ၀င်ပါပဲလို့ ပြောပါရစေရှင်။ ကျွန်မကိုလည်း ညီမလိုချစ်တဲ့ ကျွန်မကလည်း အစ်မတစ်ယောက်လို ပြန်ချစ်တဲ့ မဂျစ်ကို ဘလောဂ့်ဆက်ရေးစေချင်သေးတာ မှန်ပေမယ့် သူအလုပ်အင်မတန်များတာကြောင့် ရပ်နားလိုက်ရတာကိုတော့ ကျွန်မတို့ ဘယ်လိုမှ မတားဆီးနိုင်ခဲ့ပါဘူး။ မဂျစ်ရဲ့စာတွေဟာ လူငယ်တွေအတွက် တစ်ကယ့်ကို ကောင်းတဲ့စာတွေဖြစ်ပါတယ်။ ကျွန်မသူ့ကို တွေ့ခွင့်ရရင် တွေ့ချင်ပါတယ်ရှင်။

5. မခွန်မြလှိုင်

သူကတော့ ကျွန်မနဲ့ ညီအစ်မလိုကော သူငယ်ချင်းလိုကော ပေါင်းတဲ့သူတစ်ယောက်ပါ။ ကျွန်မရဲ့ လိုအပ်ချက်တွေကိုလည်း အမြဲထောက်ပြတတ်တဲ့ စေတနာကောင်းတဲ့ အမတစ်ယောက်ပါရှင်။ အခုတော့ ချင်းမိုင်မှာ သူ့ချစ်တဲ့ သမီးလေးနဲ့ ပျော်နေလေရဲ့။ ကျွန်မတို့တွေ ရေစက်ကော မီးစက်ကောရှိရင် တစ်နေ့နေ့တော့ တွေ့ရမှာပေါ အမရယ်။

6. ကိုကောင်းကင်ကို

လေပြင်းတွေ ခြွေလာလို့ သေမင်းဆီ ငါကြွေသွားရင်တောင် ကဗျာတွေကို စုပ်ခဲ့တဲ့နှုတ်ခမ်းနဲ့ ကမ္ဘာမြေကိုနုတ်ဆက်နမ်းခဲ့မယ်ဆိုတဲ့ မိတ်ဆက်စာသားနဲ့ အလန်းဆုံး ကဗျာစာသားတွေကို ရေးဖွဲ့ပေးနေသူပေ့ါရှင်။ ဘန်ကောက်ရောက်ရင် ဘီယာတူတူသောက်ကြမယ်လို့တော့ စကားခံထားတာပဲရှင့်။ တစ်ကယ်တွေ့လို့ ထွက်ပြေးရင်တော့ မပြောတတ်ဘူး။ ဘလောဂ့်ပေါ်က ကျွန်မရဲ့ အကိုတစ်ယောက်ပါ။

7. ကိုလူအေး

သူ့ကတော့ ကျွန်မရဲ့ မျိုးတူအကိုပါ။ ရခိုင်အချင်းချင်းမို့ ရိုင်းပင်းကြပါတယ်။ ယောင်္ကျားများ ယူမနေပါနဲ့ ပင့်ကူရယ်။ ကလေးလိုချင်ရဲ့ အကိုမိန်းမယူပြီး ရလာမယ့် ညည်းရဲ့ တူတွေ တူမတွေကို လာထိမ်းလို့ ပြောပြောနေတတ်တယ်လေ။ မကြာသေးခင်ကမှ ဒေါ့ကွမ်းကြီး ၀ယ်ပြီး လာသမျှလူကို လိပ်စာပြောင်းပြီ လိပ်စာပြောင်းပြီလို့ လိုက်ကြွားနေတတ်တဲ့ လူကြီးပါရှင့်။

8. ကိုထွန်းတောက်နေ

ထွန်းတောက်နေ ဆိုတဲ့ နာမည်နဲ့ ဘလောဂ့်ရေးတဲ့ ရုပ်ဆိုးဆိုးအကိုကြီး တစ်ယောက်ပါ။ အလကား စတာပါ။ ရုပ်မဆိုးပါဘူး.. စိတ်နှလုံးကောင်းပြီး ခင်ဖို့အလွန်ကောင်းပါတယ်။ ခုတော့ ချင်းမိုင်မှာ ပုလင်းကိုင်နေတယ် ထင်ရဲ့။ အရက်လည်း အင်မတန်သောက်တာပေါ့ရှင်။ အကိုရေ.. အကိုနဲ့ ကျွန်မတွေ့တဲ့ နေ့ဟာ အကိုအသဲခြောက်ပြီး ဘ၀ပြောင်းတဲ့နေ့တော့ မဖြစ်ချင်ဘူးနော်(အလကား စတာပါ.. သူက စလို့ကောင်းတယ်လေ)။

9. Sunday

To My Dearest ဆိုတဲ့ ပိုစ့်ကို ဖတ်မိတဲ့သူတိုင်း ကျွန်မမှာ အခင်ဆုံး သူငယ်ချင်း လေးယောက်ရှိတာ သိကြမှာပါ။ အဲ့လေးယောက်ထဲက တစ်ယောက်ဖြစ်တဲ့ ဂျစ် ဆန်းဒေးကိုတော့ ရင်ထဲ အသဲထဲကကို လှိုက်လှိုက်လှဲလှဲ နင့်နင့်သီးသီး တွေ့ချင်တာပါရှင်။ တစ်ကယ်ပါ။ သူနဲ့ တွေ့ဖြစ်ကြဖို့ ကျွန်မကို ၀ိုင်းဆုတောင်းပေးကြပါနော်။

10. ပါရမီ

The last, but not least ပါ ကျဲကျဲရေ။ အချစ်ဆုံး လေးယောက်ထဲက ကျွန်မနဲ့ မဆုံဖြစ်သေးတဲ့ အမပါ။ Padonma Forum က မော်ဒီရေတာ မမကြီးပေါ့။ ကျွန်မတို့ ငါးယောက်လုံးဆုံးနိုင်မယ့် နေ့ကလေးကို ရောက်လာဖို့ကလည်း ကျွန်မရဲ့ အတောင့်တဆုံး အိပ်မက်တွေထဲက တစ်ခုပါပဲရှင်။

ဆယ်ယောက်ပဲ ရေးခိုင်းလို့ပေ့ါရှင်။ မဟုတ်ရင်တော့ ကျွန်မ တွေ့ချင်တဲ့ သူတွေကို တွေ့ချင်သလောက်ကို ချရေးပစ်လိုက်အုံးမှာ။ ကိုရန်အောင်တို့၊ တစ်နိုင်ငံတည်းနေပြီး မတွေ့ဖြစ်ကြသေးတဲ့ လင်းဦးတို့၊ ကိုကြီးစေးထူးတို့ အို အများကြီး အများကြီး ကျန်နေသေးတာ။ နိုင်ငံတကာမှာ ရှိတဲ့ မြန်မာ ဘလောဂ့်ဂါတွေ အကုန်လုံးစုပြီး Blogger Conference ကြီးတစ်ခုလောက် လုပ်ရရင် ကောင်းမယ်လို့တောင် မျှော်လင့်မိပါသေးရဲ့ရှင်။

16 Must Read Articles For Bloggers

Tips for Blog Marketing လို့ ဆရာလုပ်ပြီးနောက်မှာ အရှိန် မသေသေးတာနဲ့ပဲ ဘလောဂ့်ဂါတိုင်းဖတ်ရမယ့် ပိုစ့် 16 ခုကို ဆက်လက်မျှဝေ လိုက်ပါတယ်။ ဒီအတိုင်း လိုက်လုပ်ရမ်လို့ မဆိုလိုပါဘူးရှင်။ အထင်မှား၊ အမြင်မှား၊ နားလည်မှု မှားမှာကို ကြောက်တတ်လို့ပါ။ ဗဟုသုတ အနေနဲ့မျှ ဝေတဲ့ သဘောလေးပါ။ ဆရာမကြီးလို့ မခေါ်ကြေးနော်

1. Declaring War On Blogger Apathy
Darren Rowse (ProBlogger)

2. 10 Sure-Fire Headline Formulas That Work
Brian Clark (CopyBlogger)

3. How To Beat Writer’s Block
Liz Strauss (Successful Blog)

4. Conversational Writing Kicks Formal Writing’s Ass
Kathy Sierra (Creating Passionate Users)

5. Top 10 Blogging Lessons Learned on Traffic, Monetization, and Life
Wendy Piersall (Sparkplugging)

6. 10 Blogging Mistakes To Avoid
John Chow

7. The 120 Day Wonder: How to Evangelize a Blog
Guy Kawasaki

8. Do You Have What It Takes To Be A Professional Blogger?
Yaro Starak (Entrepreneur’s Journey)

9. Top 10 Design Mistakes
Jakob Nielson

10. What Do You Do When Someone Steals Your Content
Lorelle VanFossen (Lorelle on WordPress)

11. 5 Quick and Easy Ways To Stop Blog Spam Before It Hits Your Blog
Jeremy Schoemaker (Shoemoney)

12. 101 Ways to Build Link Popularity
Andy Hagans and Aaron Wall (SEO Book)

13. 21 Tactics to Increase Blog Traffic
Rand Fish (SEOmoz)

14. SEO Advice: Linkbait And Linkbaiting
Matt Cutts (Google Engineer)

15. Google Adsense Tips, Tricks, and Secrets
Michael Gray (Graywolf’s SEO Blog)

16. How To Make Money From Your Blog
Steve Pavlina

ကျွန်မရဲ့ Blog Post တွေကို အချိန်ပေးပြီး ဖတ်တဲ့အတွက် ကျေးဇူး အများကြီးတင်ပါတယ်ရှင်။

Tips for Blog Marketing

ခုနောက်ပိုင်းမှာ မြန်မာ ဘလောဂ့်ဂါတွေ များပြားလာတာ အားရစရာ ကောင်းလှပါတယ်။ ဒါပေမယ့် များပြားလွန်းလှတဲ့အတွက် တစ်ချို့ဘလောဂ့်တွေကိုဆို သိတောင် မသိနိုင်လောက်အောင်လည်း ဖြစ်တတ်ပါတယ်။ ကိုယ့်မှာလည်း အချိန်က နည်းပါးလှတဲ့အတွက် ဖတ်နေကျ ဘလောဂ့်လေးတွေကိုပဲ အလျင်းမီအောင် မနည်းဖတ်နေရတယ်လေ။ အသစ် အသစ်သော ဘလောဂ့်တွေထဲမှာ အရမ်းကောင်းတဲ့၊ လူစိတ်ဝင်စားတဲ့ ပိုစ့်မျိုးကို တင်နိုင်တဲ့ သူတွေကိုလည်း အားကျမိပါရဲ့။ ကိုယ်လည်း လူတိုင်းအတွက် အကျိုးရှိမယ့် ပိုစ့်မျိုးတွေချည်း ရွေးတင်ချင်ပေမယ့် အစွမ်းအစက မရှိတော့လည်း တတ်သလောက် မှတ်သလောက်လေးသာ တင်ပေးနေရတာပေါ့။ များပြားလွန်းလှတဲ့ ဘလောဂ့်ဂါတွေကြားမှာ ကိုယ့်ဘလောဂ့်ကို လူသိအောင်လုပ်ဖို့ဆိုတာ တော်တော်တော့ ခက်ခဲလှပါတယ်။ ကိုယ်ကလည်း လူတိုင်းကို ကိုယ့်မှာ ဘလောဂ့်ရှိကြောင်း လိုက်မပြောနိုင်သလို၊ ဘလောဂ့်ဂါတိုင်းကလည်း ကိုယ့်ဘလောဂ့်ကို လာဖတ်၊ မဖတ်ဆိုတာ မသေချာပါဘူး။

ကျွန်မတွေ့ရသလောက် တော်တော်များများကတော့ စီဘောက်တွေမှာ လင့်တွေလိုက်ထည့်၊ ပိုစ့်အသစ်တင်ရင် တင်ထားကြောင်း အသိပေးတာတွေ လိုက်အော်၊ ပိုစ့်အသစ်ကို အီမေလ်းနဲ့ တတ်နိုင်သလောက်လွှတ်ကြတာမျိုးတွေ လုပ်ကြတာ တွေ့ဖူးပါတယ်။ ဒါပေမယ့် ကာယကံရှင်တွေတော့ ဘယ်လိုနေလဲ မသိဘူး။ ကျွန်မ အနေနဲ့ကတော့ အဲလိုမျိုးတွေ လက်ခံ ရရှိရင် တော်တော်လေးကို စိတ်အနှောင့်အယှက် ဖြစ်ရပါတယ်။ တစ်ခါ နှစ်ခါလောက်ကတော့ ပြသနာမဟုတ်ပေမယ့် အမြဲတမ်းကြီးဆိုရင်တော့ နည်းနည်း စိတ်တိုချင်လာပါတယ်။ ကိုယ့်စီဘောက်မှာ ခဏ ခဏ လာအော်ကြရင် ငါစီဘောက်ထားတာ ကြော်ငြာလက်ခံဖို့အတွက်လား လို့တောင် ထင်လာမိတယ်။ ကျွန်မလည်း ရံဖန် ရံခါကလွဲရင် မလုပ်မိဘူး။ သူများတွေဆီမှာ သွားအော်ရင်လည်း လာလည်တယ်၊ လာဖတ်တယ်၊ ဒီလောက်ပဲ အော်ဖြစ်တာ များပါတယ်။

ပြီးတော့ မြန်မာဘလောဂ့်ဂါတွေမှာ (တော်တော်များများမှာ) အတွေးတစ်ခုရှိတတ်တာက လာဖတ်မိပေမယ့် စီဘောက်မှာများ မအော်မိရင်၊ ကွန်းမန့်လေးများ မပွတ်မိခဲ့ရင် ငါ့ဘလောဂ့်ကို သူလာမဖတ်ဘူးလို့ အထင်လေးများ ရှိတတ်ကြပါတယ်။ အချိန်လုပြီး ဖတ်ရတဲ့ အခါမျိုးမှာ၊ အရေးအသားတွေ ကောင်းလွန်းလို့ မျောသွားတဲ့ အခါမျိုးမှာ စီဘောက်မှာအော်ဖို့ မေ့သွားတတ်တာမျိုးလည်း ရှိပါတယ်။ ဒီတော့ ကိုယ့်ဘလောဂ့်ကို လူသိဖို့အတွက် Blog Marketing လုပ်နည်းလေးကို ကျွန်မတွေးမိသလောက်လေး ချပြချင်ပါတယ်။

၁) ကိုယ်ဘလောဂ့် လုပ်တဲ့အခါ Type Of Blog ကို ရွေးဖို့လိုပါတယ်။ ကိုယ့်ဘလောဂ့်ရဲ့ အကြောင်းအရာတွေဟာ computer, Fun and Entertainment, Knowledge and Education, Beauty and Fashion, Photo and Digital Art, Technology, Art and Literature, News, Personal Dirary စတာတွေကို သေသေချာချာလေး သတ်မှတ်ပြီး ရေးစေချင်ပါတယ်။ ဟိုအကြောင်း ဒီအကြောင်းတွေ ရောရေးတာမျိုးထက်စာရင် အကြောင်းအရာ တစ်ခုတည်းကို သတ်သတ်မှတ်မှတ် ရေးတာက ဖတ်ရတဲ့ သူတွေအတွက် ပိုကောင်းသလို recognition လည်း ပိုတက်စေပါတယ်။

၂) အကယ်၍ စိတ်ကူးထဲမှာ ပေါ်လာတာလေးတွေကို အကုန်လျှောက်ရေးတဲ့ ဘလောဂ့်မျိုးဖြစ်ရင်တော့ အရေးအသားနဲ့ creation ကို ဦးစားပေးရ ပါလိမ့်မယ်။ လာဖတ်သူများ အတွက် တစ်ခုမဟုတ် တစ်ခု ရသွားစေတာမျိုး မဟုတ်ရင်တော့ ရီစရာမောစရာ၊ အပျင်းပြေ သဘောမျိုးလေးတွေ ဖြစ်နိုင်ရင် ပိုကောင်းပါတယ်။

၃) စီဘောက်တွေမှာ ပိုစ့်သစ်တင်တိုင်း အချိန်ကုန်ခံပြီး လိုက်အော်နေစရာ မလိုပါဘူး။ နာမည်ကြီးပြီးသား ဘလောဂ့်ဂါ တစ်ယောက် နှစ်ယောက်လောက်ကို ညာတာ ပါတေးနဲ့ လင့်ချိတ်ခိုင်းထားရင် လုံလောက်ပါတယ်။ ကိုယ့်ရဲ့ အရေးအသားတွေလည်း ကောင်းတယ်၊ ဖတ်ရတာ အကျိုးလည်းရှိစေမယ်၊ တစ်ခု မဟုတ် တစ်ခုကြောင့်တော့ ကိုယ်တင်ထားတဲ့ ပိုစ့်တွေဟာ ကောင်းနေမယ်ဆိုရင် လူတွေများများ လာဖတ်ပါလိမ့်မယ်။ ကိုယ်က ဘယ်သူတွေ လာဖတ်တယ်ဆိုတာ သိနေစရာ မလိုပါဘူး။ လာဖတ်တဲ့ သူတွေက ကိုယ့်ကို သိနေပါလိမ့်မယ်။

၎) စီဘောက်မှာ အော်တာထက်၊ ကွန်းမန့် ပွတ်တာဟာ လူတစ်ယောက်ကို ပိုပြီးတော့ appreciate လုပ်ရာ ရောက်ပါတယ်။ ကိုယ့်ဘလောဂ့်ကို သူ့ကိုလည်း လာဖတ်စေချင်တယ် ဆိုရင် သူ့ရဲ့ ပိုစ့်တွေမှာ ကွန်းမန့်သွားပွတ်လိုက်ပါ။ ကျွန်မကိုလည်း ကွန်းမန့်လေး ချီးမြှင့်ပါအုံး၊ ကျွန်တော့်ဆီလည်း လာပါအုံးလို့ မခေါ်ပါနဲ့။ အချိန်တစ်ခုကို စောင့်ပါ။ သူကိုယ့်ဆီ ရောက်လာမှာပါ။ လာပါ၊ လည်ပါ ခေါ်ရင် လူရဲ့ ရွဲ့တတ်တဲ့ သဘောသဘာဝအရ မလာချင်၊ မသွားချင်တောင် ဖြစ်သွားနိုင်ပါသေးတယ်။ ကျွန်မဆို အဲလိုပါပဲ “ပိုစ့်အသစ် တင်ထားတယ်နော်၊ ကျွန်တော့ ဘလောဂ့်မှာတော့ ဘာဖြစ်နေပြီနော်၊ မဖတ်ရင် နောက်ကျသွားနိုင်တယ်နော်” စသည်ဖြင့် လာပြောရင် သွားကို မသွားချင်တော့ပါဘူး။

၅) Blog Title တွေကို အင်္ဂလိပ်လို ရေးတင်တာဟာ Google လိုမျိုး search engine တွေက ကိုယ့်ဆီလာဖို့ ပိုမိုလမ်းညွှန်ပေးတဲ့ အခွင့်အရေးကောင်း တစ်ခုဖြစ်ပါတယ်။ နိုင်ငံတစ်ကာက လူတွေတော်တော်များများဟာ အင်္ဂလိပ်လိုပဲ စာရိုက်ပြီး ရှာဖွေကြပါတယ်။ အဲတော့ ဘယ်နိုင်ငံက ဘယ်လိုလူမျိုးပဲ ရှာရှာ၊ ကိုယ့်ရဲ့ Blog Title ဟာ သူတို့ ရှာတာ တစ်ခုခုနဲ့ ငြိတယ်ဆိုတာနဲ့ Google တို့ Yahoo တို့က ကိုယ့်ရဲ့ လင့်ကိုလည်း ဖော်ပြပေးပါလိမ့်မယ်။ ရောက်လာကာမှ Blog Body Text တွေက ဗမာလို ဖြစ်နေလို့ သူတို့တွေ မဖတ်တတ်ကာမှ နေရော အနည်းဆုံးတော့ 1 hit တက်တာပေါ့ရှင် (ပင့်ဂိုလ်းတို့ လုပ်စားနေတာလေ.. အဲလို ဟဲဟဲ)

၆) ဖိုရမ်တွေ၊ တစ်ခြား သတင်းဆိုဒ်တွေ၊ ကိုယ်နှစ်သက်တဲ့ blogger တွေကို Link လုပ်ပေးပါ။ ဒါဟာလည်း ကောင်းတဲ့ နည်းလမ်းလေး တစ်ခုဖြစ်တဲ့ အပြင်၊ တစ်ခြား အပြင်လူတွေ (ဘလောဂ့်ဂါ မဟုတ်တဲ့ သူတွေ) က တစ်ခုခုကို ရှာချင်လို့ search engine တွေမှာ ရှာတဲ့ အခါမျိုးမှာ ကိုယ့်ဆီကိုလည်း ညွှန်းပေးတတ်တာကြောင့် အဲဒီကနေ တစ်ဆင့်လည်း ဘလောဂ့်ကို လူသိနိုင်ပါတယ်။

၇) ဘလောဂ့် ရေးတာအပြင် တစ်ခြား community website, forum စတာတွေကိုလည်း သူံးပါ။ ကိုယ့်ရဲ့ personal profile မှာဖြစ်ဖြစ်၊ tag, signature စတာတွေမှာ ဖြစ်ဖြစ် blog url လေးကို ထည့်ပေးထားခြင်းဟာလည်း blog marketing လုပ်တဲ့ နည်းလမ်းကောင်း တစ်ခုပါ။

၈) ကိုယ့်ဘလောဂ့်ကို သူများက လင့်သည်ဖြစ်စေ၊ မလင့်ထားသည် ဖြစ်စေ၊ ကိုယ်က လင့်ခ်လုပ်ထားလိုက်ပါ။ ဘလောဂ့်ဂါတွေဟာ ကိုယ့်ဆီကို တစ်နေ့ လူဘယ်လောက်လာသလဲ ဆိုတာကိုတော့ အမြဲကြည့်လေ့ရှိကြပါတယ်။ Refer sites တွေထဲမှာ ကိုယ့်ဆိုဒ်လေးက ခဏ ခဏ ပါလာတတ်ရင် သူလည်း ကိုယ့်ကို သတိထားမိပြီး ကိုယ့်ဆီရောက်လာပါလိမ့်မယ်။ ကျွန်မကိုဆို ကျွန်မကတောင် မသိပဲ လင့်ထားတဲ့ သူတွေ တော်တော်များများ တွေ့ရပါတယ်။ အဲတော့ ကျေးဇူးတင်တဲ့ အနေနဲ့ သူတို့တွေဆီ အမြဲတမ်း သွားဖတ်ဖြစ်ပါတယ်။ ဘာမှ မပြောခဲ့တာသာ နေမှာ ပုံမှန်တော့ ရောက်ဖြစ်နေတာပေါ့။

၉) ပိုစ့်တွေကို Udate လုပ်ပါ။ နေ့တိုင်း ပိုစ့်တင်ခြင်းဟာ ဖတ်ရသူကို အလျင်းမမီသလို ဖြစ်စေပါတယ်။ တစ်ပတ်ကို သုံးကြိမ်လောက် update လုပ်ခြင်းက ဘလောဂ့်ကို အသက်သွင်းရာလည်းရောက်၊ ကိုယ့်ရဲ့ ပရိတ်သတ်ကိုလည်း ပုံမှန်လေး ဖျော်ဖြေရာ ရောက်ပါတယ်။ တစ်နေ့တည်းမှာ ပိုစ့်တွေ ပြုံတင်တာတို့၊ နေ့တိုင်းတင်တာတို့ စတာတွေဟာ ကောင်းပေမယ့် ပုံမှန်ဖတ်နေကျ သူတွေ အကြောင်းတစ်ခုခုကြောင့် မအားလို့ ပုံမှန်လေးများ မလာမိရင် ပြန်လာတဲ့ အချိန်မျိုးမှာ သူတို့ကို မနိုင်မနင်းတွေ ဖတ်ခိုင်းရာ ရောက်ပါတယ်။

၁၀) နောက်ဆုံး တစ်ခုကတော့ ၀ုန်းခနဲ၊ ဒိုင်းခနဲ နာမည်ကြီးချင်ရင် ခေတ်မီအောင် နေပါ။ ပြောချင်တာက နာဂစ် ဖြစ်ရင် နာဂစ် အကြောင်းတွေချည်း တင်ပါ၊ Revolution ဖြစ်ရင် အဲဒီ အကြောင်းတွေချည်းတင်ပါ။ ဘလောဂ့်ဂါ ဆိုတာ အွန်လိုင်းရဲ့ သတင်းထောက်တွေပါ။ ကိုယ့်ပတ်ဝန်းကျင်က ထူးခြားဖြစ်စဉ်တွေကို Print Media တွေမှာ မတင်ခင် ဦးအောင် တင်နိုင်ရင်လည်း နာမည်ကြီးတာပေါ့ရှင်.. ဟဲဟဲ။

ကျွန်မ ပြောချင်တာတွေ၊ အာချောင်ချင်တာတွေတော့ အာချောင်ပြီး သွားပါပြီး။ လိပ်ဦးနှောက်နဲ့ တွေးထားတာ လေးတွေဆိုတော့ ဒီအတိုင်းလည်း ဟုတ်ချင်မှ ဟုတ်ပါလိမ့်မယ်။ လက်မခံနိုင်စရာ အကြောင်းတွေလည်း ပါပါလိမ့်မယ်။ ဘာပဲ ဖြစ်ဖြစ် ပိုစ့်တစ်ခုတော့ ဖြစ်သွားတာပဲ.. အဟိ။ ကိုယ့်ဟာ ကိုယ်လည်း ဆန်းစစ်ကြည့်လိုက်အုံးမယ်။ အဲလိုလုပ်ရင် တစ်ကယ်များ နာမည်ကြီးမလားလို့လေ။ ကျွန်မတောင် အပေါ်က နည်းတွေအတိုင်း မလုပ်ရသေးဘူးနော်။ ခုမှ စလုပ်ဖို့ စဉ်းစားကြည့်မှာ။

ကမ္ဘာမှာ နာမည်ကြီးတဲ့ SEOmoz Blog မှာတော့ 21 Tactics to Increase Blog Traffic ဆိုပြီး အခုလို ရေးထားပါတယ်ရှင်။

ကျွန်မရဲ့ Blog Post တွေကို အချိန်ပေးပြီး ဖတ်တဲ့အတွက် ကျေးဇူး အများကြီးတင်ပါတယ်ရှင်။