Monthly Archives: May 2008

May-24… ဘာနေ့လဲ…မဲပေးရမယ့်နေ့

Standard

အမှန်အတိုင်းပြောရရင်.. အစကတော့ မဲရုံသွားပြီး x ကြက်ခြေခတ်ကို လှလှလေး ခတ်မလို့ပါ။ ဒါပေမယ့် နာဂစ်ကြောင့် တစ်တိုင်းပြည်လုံး နှာကစ်သွားပြီးတဲ့ နောက်မှာ မဲဆိုတာကိုလည်း စိတ်မ၀င်စားတော့ပါဘုး.. ကိုယ်က ဘာပဲပေးပေး သူတို့ကတော့ လုပ်ချင်ရာ လုပ်နေအုံးမှာ မဟုတ်လား…။ အထက်မြန်မာပြည်နဲ့တင် 92.4% ထောက်ခံမဲ ရပြီးနေတာ.. နောက်ဆက်တွဲ မဲပေးလို့ရော ဘာတွေများ ထူးလာအုံးမှာလဲ။ 23 ရက်နေ့ည ကထင်ပါရဲ့.. ရပ်ကွက်လူကြီး ပြောတာကြားလိုက်တယ်.. ကြိုတင်မဲတွေနဲ့ဆိုင် 92.8% ရနေပြီတဲ့။ ကျွန်မတို့က ရပ်ကွက်ရုံးလူနဲ့ အပေါ်ထပ် အောက်ထပ် နေတာဆိုတော့ ပြောတာ ဆိုတာ တော်တော်ဆင်ခြင်ရတယ်။ ဒါတင် ဘယ်ကအုံးမလဲ.. အောက်ထပ်မှာလဲ ဗိုလိကြီးတစ်ယောက် နေသေးတော့ အိမ်မှာနေရင် ပြောချင်တာကို မပြောရဘူး လေတယ်။

ဘာပဲ ဖြစ်စြဖ်ပါ..ထောက်ခံမဲပဲ များများ၊ ကန့်ကွက်မဲပဲ ပေးကြပေးကြ.. ကျွန်မ တစ်ကယ်စိတ်မ၀င်စားတော့ဘူး။ ပြောရရင် ဒီအချိန်မှာ ဒီလိုလုပ်နေနိုင်တဲ့ နိုင်ငံခေါင်ဆောင်ကြီးများကို ဘယ်လိုနှဏ်လုံးသားနဲ့များ လူလုပ်နကြပါလိမ့်လို့ တွေးမိပါရဲ့။ ကျွန်မ မဲသွား မပေးခဲ့ပါဘူး။ ရုံးကလူတွေ ၊ ရပ်ကွက်ထဲက လူတွေ တော်တော်များများတော့ အမှားခြစ်ကြတယ်တဲ့။ အမှားပေးပေး အမှန်ပေးပေး နင့်အဖေကတော့ စင်ပေါ်မှာပဲလို့ ကျွန်မ တစ်ခါ ပြောခဲ့ဖူးသလိုပါပဲ။ ဘာမှ မပေးလည်း ဘာမှထူးလာမှာ မဟုတ်လို့ ဘာမှကို သွားမပေးခဲ့ဘူး။ စိတ်လေတယ်။ နောက်နေ့ သွားလှူဖို့ ပြင်ဆင်လိုက်အုံးမယ်။

Advertisements

One Day at Daeda Yea

Standard

မေလ ၁၈ ရက်၊ တနင်္ဂနွေနေ့က ကျွန်မတို့အဖွဲ့ ဒေးဒရဲ မြို့ကိုသွားပြီး ထောက်ပံ့ရေးတွေကို ဆက်လက်လုပ်ဆောင် ခဲ့ပါတယ်။ တစ်ကယ်တော့ အဲဒီနေ့ မနက် ၆ နာရီကမှ ကျွန်မ မန္တလေးကနေ ရန်ကုန်ကို ပြန်ရောက်လာလာပါ။ ရောက်ရောက်ချင်း ဒေးဒရဲကို တန်းသွားရတော့တာပါပဲ။ ကျွန်မတို့သွားတာက ဒေးဒရဲမြို့ပေါ်ကို သွားလှူတာ မဟုတ်ပါဘူး။ ပဲ့ထောင်စီးပြီး တစ်ကယ်ပျက်စီး ဒုက္ခရောက်နေတဲ့၊ အလှူရှင်တွေလည်း အရောက်အပေါက်နည်းတဲ့ တောရွာလေးတွေဘက်ကို သွားရောက်လှူဒန်းခဲ့တာပါ။ လမ်းခရီးမှာ ကြုံတွေ့ ခဲ့ရတာတွေရယ်၊ ဒေသခံတွေကို ကျွန်မ အင်တာဗျူးလာတာတွေရယ်ကိုပါ ပြောပြချင်ပါတယ်ရှင်။

ကွမ်းခြံကုန်းကို ကျော်လို့ ဒေးဒရဲကို သွားရာလမ်းတစ်လျှောက်မှာ ပိုမိုများပြားတဲ့ ဒုက္ခသည်တွေကို ကျွန်မတို့ တွေ့ခဲ့ရပါတယ်။ ကားလမ်းဘေးတစ်လျှောက် အလှူခံနေကြတဲ့ လူတွေက ကွမ်းခြံကုန်း အကျော်လေးကနေ ဒေးဒရဲ တံတားအထိ ဆက်တိုက်ပါပဲ။ တစ်ချို့ကားတွေကလည်း အဲနေရာမှာပဲ ရပ်ပြီး ပါလာတဲ့ ပစ္စည်းတွေကို ပေးဝေပါတယ်။ အ၀တ်အထည်၊ အစားအသောက်၊ ရေသန့် စတာတွေပေါ့။ ကျွန်မတို့ အဖွဲ့ကတော့ ဒေးဒရဲထိ ခရီဆက်ခဲ့ကြပါတယ်။

လမ်းတစ်လျှောက် စီတန်းနေကြသော များပြားလှတဲ့ ဒုက္ခ သည်များ

ဒေးဒရဲကို ရောက်တော့ အသင့်ငှားထားတဲ့ ပဲ့ထောင်ကို မတွေ့ရပါဘူး။ ကျွန်မတို့ ရောက်တာ နည်းနည်းနောက်ကျတဲ့ အတွက် တစ်ခြားအဖွဲ့တစ်ခုနဲ့ လိုက်သွားပြီတဲ့။ ဒါနဲ့ပဲ ဒေးဒရဲက အသိတွေ နောက်ပဲ့ထောင်ကို လိုက်ရှာတုန်းမှာပဲ အချိန်ရသလောက်လေး ဒေးဒရဲမြို့ရဲ့ ပျက်စီး ဒုက္ခရောက်ရမှု အခြေအနေလေးတွေကို မေးမြန်းစပ်စုခဲ့ပါတယ်။ ကျွန်မမေးသမျှကို အဲဒီက အမကြီးက စိတ်ရှည်ရှည်နဲ့ ဖြေပေးခဲ့ပါတယ်။

“အမတို့ ဒေးဒရဲမှာတော့ မြို့မှာထက် ရွာဘက်တွေမှာ ပိုပျက်စီးတယ်။ မုန်တိုင်းတိုက်တဲ့ ညကဆို ရေတွေလည်း ခါးလောက်ထိ တက်လာတယ်။ အိမ်ခေါင်မိုးတွေ လန်နေတာကတော့ မြင်တဲ့အတိုင်းပဲ။ ပင်လယ်ဝက ရွာကလေးတွေမှာ ပိုပျက်စီးတယ်။ အကင်းတို့၊ ထင်းပုံတို့၊ သန္ဒိတ်တို့၊ ချောင်းကြီးတို့ ဘက်မှာဆို ရွာတွေပါ အကုန်ပျောက်ထွက်ကုန်တာ။ လူတွေလည်း ဘေးလွတ်ရာကို ပြေးကြရတော့တာပေါ့။ တော်တော် များများလည်း သေကြတယ်။ တစ်ချို့မိသားစုတွေဆို လင်ယောင်္ကျားတစ်ယောက်ပဲ ကျန်ခဲ့တာတွေ၊ လူမမယ်ကလေး တစ်ယောက်ပဲ ကျန်ခဲ့တာတွေ၊ ဘာမှ မလုပ်တတ်တော့တဲ့ အဖွားကြီးကပဲ အသက်ရှင်ကျန်ခဲ့တာတွေ ရှိတယ်။ ကျွဲ၊ နွားတွေ မသေပဲ ကျန်ခဲ့တာတွေလည်း ရှိတယ်။ ဒါပေမယ့် ကျွဲတွေ နွားတွေ ကျန်ခဲ့ပြန်ရင်လည်း လုပ်ကိုင်ပေးမယ့် ယောင်္ကျားသားက မရှိ၊ ယောင်္ကျားသား ရှိတဲ့ အိမ်ထောင်စုတွေ ကျပြန်တော့လည်း ကျွဲ နွားက မရှိနဲ့ ဘာမှ လုပ်လို့မရတော့ဘူး။ အဓိက ကတော့ မျိုးစပါးတွေ ရေစိုကုန်တာပဲပေါ့။ နေစရာကမရှိ၊ စားစရာက မရှိနဲ့ တော်တော် ဒုက္ခရောက်နေကြတယ် ညီမလေးရယ်”

“ခုရော သူတို့တွေ ဘယ်လို နေထိုင် စားသောက်ကြလဲ အမ”

“ဒီလိုပဲ လာတဲ့ အလှူရှင်ကို မျှော်ရတာပေါ့။ တော်တော် များများကတော့ ဘုန်းကြီးကျောင်းမှာ ခိုနေကြရတယ်လေ။ ဘုန်းကြီးက အလှူခံ ကျွေးတာပေါ့။ မနက်ကပေါ့ အကင်းဆိုတဲ့ ရွာက ဘုန်းကြီးက မြို့ကိုတက်လာပြီး ဥက္ကဌဆီမှာ လာအလှူခံတာ ဥက္ကဌက ပေးစရာ ဘာမှ မရှိဘူးဆိုပြီး မောင်းထုတ်လိုက်တယ်။ သူ့အိမ်ပေါ်မှာ နိုင်ငံခြားက ရောက်နေတဲ့ ထောက်ပံ့ရေး ပစ္စည်းတွေရော၊ စစ်တပ်က ပေးတဲ့ ထောက်ပံ့ရေး ပစ္စည်းတွေရော ပုံလို့။ မေးလိုက်ရင်တော့ အထက်ကညွှန်ကြားတာကို စောင့်နေတာလေး ဘာလေးနဲ့၊ အဲဒါနဲ့ပဲ ဒုက္ခရောက်နေတဲ့သူတွေ ငတ်သေတော့မှာ။ အမလည်း မကြည့်ရက်တာနဲ့ မနက်က တတ်နိုင်သလောက်လေး ဆန်နှစ်အိတ် သွားလှူနေတာ ညီမလေးတို့နဲ့ လွဲသွားတာပေါ့။ ဆိုးတာက ကြံ့ခိုင်ရေးက အတွင်းရေးမှူးတွေ ဥက္ကဌတွေပဲ။ ရသမျှကို အကုန် အမျိုးတွေနဲ့ မျှဝေ စားသောက်နေတာလေ။ စွမ်းအားရှင်တို့ ဘာတို့ဆိုတာ အရင်တုန်းက တစ်နေ့လုပ်မှ တစ်နေ့စားရတာတွေ၊ ခုတော့ ဆန်တွေကို အိတ်လိုက်ထောင်စား နိုင်တဲ့အခြေအနေရောက်နေပြီ။ သူတို့က ခုမှ သူဌေးတွေ ဖြစ်နေကြတာလေ။ ရပ်ကွက်လူကြီးဆိုတာကလည်း သူ့အိမ်တောင် လေတိုက်လို့ ပျက်သွားတာ သူများအိမ်တွေ ပျက်စီးတာ သူလည်း ဘယ်လိုက်ကြည့် အားမတုန်း”

“အိမ်ပျက်တွေကို မိုးဖို့ ဟိုကထောက်ပံ့တဲ့ သွပ်တွေရော အမ၊ သူတို့ မပေးဘူးလား”

“အဲဒါပေါ့ ဟိုနေ့က စွမ်းအင်ဝန်ကြီး လာမယ်ဆိုတော့မှ ၀န်ကြီးဖြတ်သွားမယ့် လမ်းက အိမ်တွေကို ဝေပေးလိုက်တာ။ ၀န်ကြီးဖြတ်သွားတဲ့ လမ်းကလည်း အမတို့ဆီမှာ သူဌေးတွေနေတဲ့ လမ်းမကြီးပါ။ ဗိုလ်ချုပ်လမ်းလေ။ အဲဒီတော့ သူဌေးတွေပဲ ရပြီး တစ်ကယ်လိုအပ်နေတဲ့ ဆင်းရဲသားတွေက မရဖြစ်နေတာပေါ့။ သူ့အိမ်မှာပဲ သွပ်တွေ အများကြီး ကျန်သေးတယ်။ ဘာလုပ်ဖို့ ထားတာလဲ မသိဘူး ညီမလေးရဲ့၊ နေစရာ နေရာ မရှိတဲ့ သူတွေကတော့ သာသနာ့ဗိမ္မာန် ဓမ္မာရုံမှာ စုနေကြတယ်လေ။ စစ်တပ်က ပေးတော့ပေးပါတယ်။ ဒါပေမယ့် မလောက်တော့ လူကုန်မရဘူး။ ရပ်ကွက် လူကြီးက အိမ်ထောင်စု တွေကို မဲဖောက်ပေးရတာပေါ့။ ကိုယ်မဲပေါက်တာကိုပဲ ယူရတာ။ ကိုယ်တစ်ကယ် လိုအပ်နေတာကို ရချင်မှ ရတာ။”

ကျွန်မတို့ စကားပြောနေတုန်းမှာပဲ ပဲ့ထောင်ရပြီဆိုလို့ မြစ်ဆိပ်ကို ပဲ့ထောင်စီးဖို့ သွားကြပါတယ်။ ကျွန်မတို့နဲ့ အသိအိမ်က ပဲ့ထောင်ခခံပေးလို့ ကျွန်မတို့ ၀မ်းသာရပါသေးတယ်။

ဆန်အိတ်တွေ တင်တယ်

ရေသန့်ဘူးတွေရော၊ အင်္ကျီတွေရော

ဒေးဒရဲက ပျက်စီးမှုတွေ

မြစ်ကမ်းဘေး တစ်လျှောက်က နွားသေ ကျွဲသေတွေ

ကျွန်မတို့ သွားခဲ့တဲ့ ရွာကလေးကတော့ ချောင်းကြီးလို့ ခေါ်ပါတယ်။ ဒေးဒရဲကနေ တစ်နာရီ ကျော်ကျော်လောက် ပဲ့ထောင် စီးသွားရပါတယ်။ လမ်းခရီမှာ ပဲ့ထောင်မောင်တဲ့ ဦးလေးက အခုလို ပြောပြပြန်ပါတယ်ရှင်။

“ခုချိန်မှာ ရွာတွေကို ပြန်လည်ထူထောင်နိုင်တာ ဆိုလို့ ဘုန်းကြီးပဲ ရှိတော့တယ်။ ဟိုကောင်တွေက လာကြည့်တာ မဟုတ်ဘူး။ ဘုန်းကြီးကျောင်း ပျက်နေတာကိုတောင် လာမပြင်ပေးဘူး။ ရွာသားတွေလည်း ဒီလိုပဲ မိုးလုံတဲ့ နေရာလေးမှာ စုနေကြရတော့တာပေါ့။ ဟိုနေ့ကလည်း စစ်တပ်က ငါးသေတ္တာတွေ၊ ခရမ်းချဉ်သီးတွေ ဝေပေးပါဆိုပြီး ကြံ့ခိုင်ရေးက အတွင်းရေးမှူးတွေကို ပေးလိုက်တာ ခရမ်းချဉ်သီးတွေပဲ ရောက်လာတယ်၊ ငါးသေတ္တာတွေပါမလာဘူး။ သူတို့ စားလိုက်ကြတာလေ။ ရောင်းလည်း စားကြတယ်။

“သမီးတို့ ဖြတ်လာတော့ ကွမ်းခြံကုန်းဘက်မှာ ပြန်လည်ထူထောင်ရေးကို Asia World Company ကနေ တာဝန်ယူနေတာ တွေ့တယ် ဒီဘက်တွေရော မရောက်ဘူးလား”

“ဟုတ်တယ် အဲဒီ Asia World က စာသင်ကျောင်းတွေ ဆောက်ပေးဖို့ တာဝန်ယူထားတာ။ ကွမ်းခြံကုန်းမှာတော့ စဆောက်နေပြီပေါ့။ လျှပ်စစ်မီးတွေ ပြန်ရဖို့ကိုတော့ နောက်တစ်ခုကနေ လုပ်မယ်ပြောတယ်။ ကျောင်းတွေ ပြန်ဆောက်ဖို့ သစ်တွေကို ကြံ့ခိုင်ရေး ရုံးထဲမှာ ပုံထားတာ၊ ဟိုကောင်တွေက သစ်အကောင်းတွေနဲ့ အဆိုးတွေကို လဲလိုက်ကြတယ်။ ဆောက်ပေးတဲ့ ကုမ္ပဏီကလည်း သူတို့ပေးတာနဲ့ပဲ ဆောက်ရတော့တာပေါ့”

အဲဒီအချိန်မှာပဲ ဘေးနားက ဖြတ်သွားတဲ့ ပဲ့ထောင်သေးသေးလေး တစ်ခုက သူတို့ဆီမှာ ကုန်တွေများနေလို့ ကျွန်မတို့ ပဲ့ထောင်မှာ တစ်ခုလောက် ပေးလိုက်ပါရစေတဲ့။ ပဲ့ထောင်ချင်း ကပ်ပြီး အထုပ်ကို လှမ်းပစ်တော့ ကျလာတာက ဒီအထုပ်ပါရှင်။ စောင်တွေ အထည် ၅၀၀ ပါတဲ့။ တန် တန့် တန်……!!

ချောင်းကြီးကိုရောက်တော့ ရွာသားတွေကို ဘုန်းကြီးကျောင်းမှာ စုဝေးစေပြီး ပါလာတဲ့ ဆန်တွေ၊ ရေသန့်ဘူးတွေ ကို အိမ်ထောင်စု အလိုက်ဝေပါတယ်။ အင်္ကျီတွေကိုတော့ ဒီအတိုင်းပဲ ပေးလိုက်ပါတယ်။

ဆန်တွေကို ခွဲထည့်ကြတယ်….

အင်္ကျီတွေ လှူတယ်

အလှူရှင်မျှော်နေတဲ့ ဒုက္ခသည်တွေ

ဒါကတော့ ဘကြီး ဘုန်းကြီး

ကျွန်မတို့လိုပဲ လာလှူတဲ့ နောက်အဖွဲ့

ဒေးဒရဲကနေ ညနေ ၅ နာရီ ခွဲလောက်မှာ ပြန်လာခဲ့ကြပါတယ်။ ရန်ကုန်ရောက်တော့ ည ကိုးနာရီ ထိုးပါပြီး။ ကျွန်မမှာတော့ ပင်ပန်းလိုက်တာ။ မန္တလေးကနေ ရန်ကုန်၊ ရန်ကုန်ကနေ ဒေးဒရဲ၊ ဒေးဒရဲကနေ ရွာကို ခရီးဆက်။ စိတ်ကလေး ဆောင်နေလို့သာ ခရီးစဉ် တစ်လျှောက် ဘာမှ မဖြစ်တာ။ ပြန်လည်းရောက်ရော ဖျားလိုက်တာရှင်……။ နောက်လည်း သွားအုံးမှာရှင့်။ ဆိပ်ကြီးခနောက်တို ဘက်ကို သွားရင် ကောင်းမလား မသိဘူး။

လှူခဲ့သော ပစ္စည်းစာရင်

ဆန်အိတ် ၃၀ (၁၅၅၀၀ x ၃၀ = ၄၆၅၀၀၀)
ရေသန့် ဗူးကြီး ၁၅၀ (၇၅၀ x ၁၅၀ = ၁၁၂၅၀၀)
ရေသန့် ဗူးသေး ၂၀၀ (၃၀၀ x ၂၀၀ = ၆၀၀၀၀)
အင်္ကျီ အထည် ၅၀၀ (၅၀၀ x ၅၀၀ = ၂၅၀ ၀၀၀)
စုစုပေါင်း = ၈၈၇ ၅၀၀ ကျပ်

အလှူငွေများ ပါဝင်ကူညီသော ရန်ကုန်မှ ရွှေနဂါး မိသားစုနဲ့ ဒေါ်လာ ၅၀၀ ပို့ပေးသော စင်ကာပူမှာ မအေးချမ်းစိုး၊ Los Angles, America မှ မအိန္ဒြာစိုး တို့ကို ကျေးဇူး အထူးတင်ရှိပါတယ်ရှင်။

Donation to the Victims at Kuwn Chan Kone

Standard

မေလ ၁၁ ရက်နေ့၊ တနင်္ဂနွေနေ့က ကျွန်မတို့တွေ ရန်ကုန်တိုင်းအတွင်းက လေဘေးကျရောက်မှု အဆိုးဝါးဆုံး ဒေသဖြစ်တဲ့ ကွမ်းခြံကုန်းမြို့မှာ ရှိကြတဲ့ ဒုက္ခသည်တွေကို သွားရောက် လှူဒန်း ခဲ့ကြပါတယ်။ အဲဒီနေ့က တစ်ကယ်တမ်း သွားမယ်လို့ ရည်ရွယ်ခဲ့တာက လှိုင်သာယာ မြို့နယ်ကိုပါ။ ဒါပေမယ့် ကွမ်းခြံကုန်းမှာ တော်တော် အခြေအနေဆိုးတယ်လို့ ကြားတာနဲ့ အဲဒီကိုပဲ ခရီးဆက်လိုက်ကြပါတယ်။ သွားခါစကတော့ အဲဒီဘက်မှာ လုယက်မှုတွေ ရှိတယ်ဆိုတဲ့ သတင်းကြောင့် နည်းနည်းတော့ လန့်မိပါတယ်။ ဒိုင်နာတစ်စီး၊ Publica တစ်စီး စုစုပေါင်း နှစ်စီးနဲ့အတူ ဆန်အိတ် 30 အိတ်၊ T-Shirt အထည် 200 နဲ့ ကိုယ့်မှာ ရှိတဲ့အ၀တ်အစား အဟောင်းတွေယူပြီး ထွက်လာခဲ့ကြတာပါ။ သူငယ်ချင်းတွေနဲ့ သွားရတဲ့ ခရီးလည်းဖြစ်တယ်၊ လှူရမယ်ဆိုတဲ့ စိတ်ကလေးကလည်း ရှိနေတဲ့အတွက် ဟိုကိုမရောက်ခင်ထိတော့ စိတ်ကလေးက ကြည်နူးလို့ပေါ့။

ရန်ကုန်ကို လွန်လာလို့ ပန်းလှိုင်တံတားကို ဖြတ်ကျော်ပြီးချိန်မှာတော့ မြင်ကွင်းတွေ တော်တော်ပြောင်းလဲ သွားပါတယ်။ လမ်းတစ်လျှောက်က ရွာကလေးတွေ လေမုန်တိုင်းကြောင့် အကုန်ပြိုလဲ ကြေကွဲ ဖြစ်နေကြပါတယ်။ ယိုင်နဲ့နဲ့လေးတွေ၊ ခေါင်မိုးမရှိတော့တဲ့ အိမ်တွေ၊ လုံးဝကို ပြိုလျက်သား ပုံလဲကျနေတဲ့ အိမ်တွေ.. အို….. အိမ်ကောင်းကောင်းဆိုတာ မရှိသလောက် ရှားပါးလှပါတယ်။ နေစရာ နေရာမရှိတဲ့ ရွာသူ ရွာသားတွေကတော့ ဘုန်းကြီးကျောင်းမှာ၊ နည်းနည်း ခပ်ကောင်းကောင်းလေး ကျန်ခဲ့တဲ့ အိမ်တွေမှာ၊ ဓမ္မာရုံတွေမှာ၊ လမ်းဘေး ဇရပ်တွေမှာ ဖြစ်သလို စုဝေးနေထိုင်ကြတာ တွေ့ရပါတယ်။ နေစရာကလည်းမရှိ၊ လုပ်ကိုင်စားစရာ အလုပ်ကလည်း ပျောက်နေတယ်ဆိုတော့ သူတို့ခမျာ အလှူရှင်တွေကို မျှော်လင့်နေကြရပါတယ်။ အစိုးရကတော့ ကယ်ဆယ်ရေး စခန်းတစ်ခုကို တစ်နေ့မှာ ဆန် နှစ်အိတ်နှုန်း ချပေးတယ်လို့ သိရပါတယ်။ သူတို့အဓိက အားထားရတာကတော့ ပုဂ္ဂလိက အလှူရှင်တွေဆီက လာလှူတဲ့ ဆန်၊ ကြက်သွန်၊ အာလူး၊ ခေါက်ဆွဲခြောက်၊ ဘီစကစ် စတဲ့အရာတွေ ဖြစ်ပါတယ်။

ကွမ်းခြံကုန်းမြို့ဟာလည်း တော်တော်လေးကို အခြေအနေ မလှပါဘူး။ စောစောက ပြောခဲ့သလိုပဲ အိမ်ကောင်းကောင်းဆိုတာ လုံးဝကို မရှိတော့ပါဘူး။ အဲဒီမှာတော့ ရွာဘက်တွေကနေ တက်လာတဲ့ ဒုက္ခသည်တွေကို တပ်မ ၇၇ က ဗျူဟာမှူးနဲ့ တစ်ခြား စစ်ဗိုလ်တွေက ဦးဆောင်ပြီး အလှူရှင်တွေရဲ့ ပစ္စည်းတွေကို ပေးဝေနေတာတွေ့ရပါတယ်။ ကျွန်မတွေ့ခဲ့ရသလောက်နဲ့ မေးမြန်းသိရှိခဲ့ရသလောက် အခြေအနေတွေကို ပြောပြရရင်တော့ အဲဒီဘက်မှာ စစ်တပ်က လာလှူတဲ့ ပစ္စည်းတွေကို ဒုက္ခသည်တွေဆီသို့ မှန်မှန်ကန်ကန် ပေးဝေနေပါတယ်။ အလှူရှင်တွေရဲ့ ပစ္စည်းတွေကို သူတို့ဆီမှာ အပ်ခဲ့ချင်ရင်လည်း ရသလို၊ ဒုက္ခသည်တွေကို ကိုယ်တိုင် ပစ္စည်းတွေ ပေးဝေချင်တယ်ဆိုရင်လည်း ခွင့်ပြုပါတယ်။ ကျွန်မတို့ကတော့ ပါလာတဲ့ ပစ္စည်းတွေကို ကိုယ်တိုင်ပဲ လှူခဲ့ပါတယ်။ Hall ခန်းကြီးတစ်ခု (ကွမ်းခြံကုန်း City Hall လို့ထင်တယ်) ထဲမှာ ဒုက္ခသည်တွေကို တန်းစီ စုဝေးစေပြီး တစ်ယောက်ချင်းစီ အလှည့်ကျ ပေးဝေခိုင်းပါတယ်။ သူတို့တွေခမျာ အလှူရှင်တွေကို ကျေးဇူးလည်းတင်၊ မျက်ရည်လည်းကျနဲ့ မြင်ကွင်းလေးကတော့ ၀မ်းနည်းစရာ ကောင်းလှပါတယ်။

မြို့ပေါ်မှာ လှူပြီးတော့ ကျွန်မတို့ တောဘက်ကို ဆက်သွားမယ်လို့ ရည်ရွယ်ခဲ့ပါသေးတယ်။ ဒါပေမယ့် အဲဒီဘက်က ချောင်းတွေ၊ လက်ကွင်းတွေ၊ လမ်းတွေမှာ အလောင်းတွေ ဒီအတိုင်းပဲ ရှိနေသေးတယ်၊ မရှင်းလင်းရသေးဘူး ဆိုတာနဲ့ ကျန်တဲ့သူတွေကလည်း ကြောက်နေကြတာလည်း ပါတာကြောင့် ဆက်မသွားခဲ့ပါဘူး။ ပါလာတဲ့ ဆန်အိတ်တွေကိုတော့ ဘုန်းကြီးကျောင်းမှာ ခိုလှုံနေကြတဲ့ ဒုက္ခသည်တွေအတွက်ရော၊ ဘုန်ကြီးတွေအတွက်ပါ စားသုံးနိုင်ဖို့အတွက် ဘုန်းကြီးကျောင်းတွေမှာ လှူဒန်းခဲ့ကြပါတယ်။ လမ်းမှာ ရှိတဲ့ ဒုက္ခသည် စခန်းတွေမှာလည်း တစ်ခုကို နှစ်အိတ်လောက်စီ ပေးခဲ့ပါတယ်။ ဘုန်းကြီးကျောင်းတစ်ကျောင်းမှာ အနည်းဆုံးတော့ လူ ၁၀၀ ကနေ ၃၀၀ လောက်ထိ ခိုလှုံနေထိုင်ကြပါတယ်ရှင်။

ဒီနေရာမှ ကျွန်မတစ်ခုပြောချင်တာက ကျွန်မတို့ ပေးတဲ့၊ လှူတဲ့ ပစ္စည်းတွေဟာ ဒုက္ခသည်တွေ လက်ထဲကို တစ်ကယ်ရောက်မယ်ဆိုရင် စစ်တပ်ကိုပဲ ဖြစ်ဖြစ်၊ ဘုန်းကြီးကိုပဲ ဖြစ်ဖြစ် ပေးခဲ့သင့်ပါတယ်။ အဲဒီဘက်ကို သွားလို့ ကြုံခဲ့ရတဲ့ အတွေ့အကြုံအရဆိုရင်တော့ ဒုက္ခရောက်နေတဲ့ သူတွေကိုပဲ တိုက်ရိုက်ပေးတာ သိပ်မကောင်းလှပါဘူး။ ဘာကြောင့်လဲဆိုတော့ ဒီအချိန်မှာ လူတိုင်းဟာ ငတ်ပြတ်နေတာ ဖြစ်တဲ့အတွက် လမ်းမှာ ပေးမယ်လို့ ကားရပ်လိုက်တာနဲ့ ကားနားကို အကုန်ဝိုင်းလာကြပြီး ပစ္စည်းတွေကို အတင်းဆွဲတော့တာပါပဲ။ ကားလမ်းတစ်လျှောက်မှာလည်း သူတို့ကို ဘာတွေများ ပေးမလဲဆိုတဲ့ မျှော်လင့်ချက်နဲ့ တစ်ရွာလုံးမှာ ရှိသူတိုင်း ထွက်ပြီး ရပ်စောင့်နေကြပါတယ်။ တစ်ချို့ကားတွေကတော့ ရပ်မပေးပဲ coffee mix, cereal, ဘီစကစ်၊ ခေါက်ဆွဲခြောက် စတဲ့အထုပ်တွေကို ဒီအတိုင်းကြီးကို ပစ်ချပေးခဲ့ပါတယ်။ အဲဒီတော့ ကျလာတဲ့ အထုပ်ကို ၀ိုင်းဆွဲကြ၊ လုယက်ကြနဲ့ မြင်ရတာ စိတ်ချမ်းသာစရာ မကောင်းလှပါဘူး။ အဲဒီအချိန်မှာ အဲလိုပစ်ချပေးခဲ့တဲ့ ကားတွေကိုလည်း ကျွန်မတော်တော် ဒေါသထွက်ပါတယ်။ ပေးတာတော့ ပေးတာ ဖြစ်ပေမယ့် အဲလိုပေးတာတော့ မကောင်းဘူးပေါ့ရှင်။ ဒါပေမယ့်လည်း သူတို့ဘက်က ပြန်တွက်ရင်တော့ ကားရပ်ရင်လည်း လူတွေဝိုင်းလာပြီး စားစရာတွေ အကုန်ဆွဲချတော့မှာကိုး။ အဲဒီတော့ ကယ်ဆယ်ရေးစခန်းတွေ၊ ဘုန်းကြီးကျောင်းတွေနဲ့ အားလုံးမပေးချင် မအပ်ချင်ခဲ့ကြတဲ့ စစ်တပ်ကို ကိုယ်ပေးချင်တဲ့ ပစ္စည်းလေးတွေ ပေးခဲ့၊ အပ်ခဲ့ပြီး စနစ်တစ်ကျ ပေးဝေစေတာဟာ အကောင်းဆုံး ဖြစ်မယ်လို့ ထင်မိပါတယ်။

အခုလို သွားရောက် လှူဒန်းကြတဲ့ အထဲမှာ သီးသန့်အဖွဲ့အစည်းဆိုတာတော့ မရှိပါဘူး။ အစိုးရက ပေးတာတွေရယ်၊ private companies တွေရယ်၊ ကျွန်မတို့လို့ လူငယ် volunteer တွေရယ်၊ ကျော်သူတို့လို့ NGO အဖွဲ့အစည်းတွေရယ်က တတ်နိုင်သလောက် သွားရောက် ပေးလှူနေကြတာ တွေ့ရပါတယ်။ ကျွန်မတို့ သွားတဲ့ အချိန်တုန်းကတော့ Unicef က ကားတွေနဲ့၊ သံရုံးတစ်ချို့က ကားတွေကိုလည်း တွေ့ခဲ့ရပါတယ်။ Company ကြီးတွေကလည်း ကားကြီးတွေနဲ့ လာရောက် လှူဒန်းကြပါတယ်။ ဒုက္ခသည်တွေအတွက် အဓိက လိုအပ်တဲ့အရာတွေကတော့ ဆန်၊ အခင်းအကာ၊ ဆေး၊ ပန်းကန်ခွက်ယောက်တွေ၊ တစ်ခြား အသင့်စားလို့ ရတဲ့ အစားအစာတွေ၊ သောက်ရေ၊ ကြက်သွန်၊ အာလူး၊ ဆီ တို့လို့ ပစ္စည်းတွေ ဖြစ်ပါတယ်ရှင်။

နောက် တစ်ပတ်မှာလည်း ကျွန်မ သွားပါအုံးမယ်။ ကွမ်းခြံကုန်း ရွာတွေဘက်အထိ တက်ဖို့ စိတ်ကူးထားပါတယ်။ အချိန်ရရင် ဒေးဒရဲထိ သွားပါတယ်။ အလှူငွေ ပါဝင်ချင်ကြသူများ ကျွန်မကို မေလ်းနဲ့ ဆက်သွယ်နိုင်ပါတယ်ရှင်။ ဒီကြားထဲမှာတော့ မန္တလေးကို အလုပ်ကိစ္စတစ်ခုနဲ့ သွားစရာ ရှိပါတယ်။ မေလ်းတော့ ပုံမှန်လေး သုံးဖြစ်မယ် ထင်ပါတယ်ရှင်။

What Do We Need To Kick Nargis….?????

Standard

မုန်တိုင်းမလာခင် တစ်ရက်ကတော့ အွန်လိုင်းမှာ သတင်းတွေ ပြန့်နေတယ်။ အင်အားကြီးမုန်တိုင်း တစ်ခု ရန်ကုန်ကို ၀င်လိမ့်မယ်တဲ့။ ဂျီတော့ တက်တော့လည်း နိုင်ငံခြားက သူငယ်ချင်း အသီးသီးက သတိပေးကြတယ် မုန်တိုင်းမွှေတော့မယ် သတိထားနေတဲ့။ လူက ပိန်ပိန်နဲ့ လေနဲ့ ပါသွားအုံးမယ်တဲ့။ စိတ်ထဲကတော့ ဘယ်လောက် အင်အားကြီးတဲ့ မုန်တိုင်းများ ဖြစ်မလဲ၊ မိုင် ၈၀ လောက်ကတော့ ကျွန်မတို့ ရခိုင်ကမ်းမြောင်ဒေသက လူတွေအတွက်တော့ အေးဆေးပဲ လို့ပြောလို့ရတဲ့ အခြေအနေပါ။ ရခိုင်သူ ရခိုင်သားတွေက မိုးတစ်တွင်းမှာ မုန်တိုင်းပေါင်း မြောက်မြားစွာနဲ့ ကြုံရတာ မဟုတ်လား။ အဲတော့ ခုလာမယ်ဆိုတဲ့ မုန်တိုင်းကိုလည်း ရှင်းရှင်းပြောရရင် မလာခင်ကတော့ သိပ်မကြောက်မိဘူးရှင့်။ ပိုဆိုးတာက မြန်မာ့အသံတို့၊ မြ၀တီတို့လို့ Gov Media တွေကလည်း ဘာမှ မကြေငြာထားတော့ ဘာကိုပူလို့ ပူရမယ်မှန်းလည်း မသိလိုက်ဘူးလေ။ သောကြာနေ့ထင်ပါရဲ့.. ရုံးမှာလည်း မုန်တိုင်းသတင်းတွေ ပြန့်နေတယ်။ ကိုညီလင်းဆက်ကလည်း ရန်ကုန်ကို ဦးတည်လာနေတဲ့ မုန်တိုင်းပုံဆိုပြီး ရုံးတွင်းသုံး Forum မှာတင်တယ်။ ရုံးကိုလည်း နေ့လည် ၁ နာရီလောက်မှာ ပိတ်လိုက်တယ်။ ရာသီဥတုကြီးကတော့ သူနဲ့မဆိုင်သလို သာယာနေလိုက်တာ……..။

ရုံးကဆင်းလာပြီး သူငယ်ချင်းဆိုင်ကို သွားပြီး သူတို့ကို အကြောင်းကြားရသေးတယ်။ ဆိုင်ပိတ်ပြီး ပြန်တော့လို့။ ညနေ ၁ နာရီလောက်မှာ ထင်တယ် Citi FM က စကြေငြာတယ်။ ရန်ကုန်ကို မုန်တိုင်းဝင်တိုက်မယ်တဲ့။ အဲဒီအချိန်မှာလည်း မိုးလေး ဖွဲကတာ လွဲလို့ ဘာမှ မထူးခြားသေးဘူးရှင့်။ ဘာမှမဖြစ်တာက ညဘက် ၈ နာရီလောက်ထိကို ဘာမှ မဖြစ်တာပါ။ ည ၉ နာရီလောက်ကျတော့ လေတွေတိုက်လာတယ်။ ၁၀ နာရီ ၁၁ နာရီလောက်မှာ ပြင်းထန်လာတယ်။ ၁၂ လောက်ကျတော့ ၀ုန်းဒိုင်းကျဲတော့တာပဲ။ တစ်ခါမှ အဲလို မကြုံဖူးဘူး။ သစ်ပင်တွေလဲသံ၊ ခေါင်မိုးတွေပြိုသံ၊ မိုးသီး မိုးပေါက်တွေ ကျတဲ့အသံ၊ လေတိုက်လို့ တစ်ဝုန်းဝုန်း ဖြစ်နေတဲ့ အသံတွေဟာ မနက် ၅ နာရီလောက်ထိ ငရဲပွက်သလို ပါပဲ။ ကျွန်မလည်း တစ်ချက်လောက် အိပ်ပျော်လိုက်၊ အသံတွေကြောင့် ပြန်နိုးလာလိုက်နဲ့။ မီးကတော့ ည ၁၂ လောက်မှာထင်တယ် စပြတ်သွားတယ်။ မနက်နိုးတော့ အိမ်ရှေ့ဝရံတာလေးကို ထွက်ကြည့်မိတယ်။ ဘုရားတလိုက် မိတယ်၊ လူလည်း မိုက်ခနဲ ဖြစ်သွားတယ်၊ အိမ်ရှေ့မြင်ကွင်းက မြင်ရက် စရာကို မရှိပါလား။ ရှိသမျှ သစ်ပင်တွေ အကုန်လဲနေပြီ။ ရေတွေလည်း တော်တော်ကြီးနေတယ်။ သစ်ရွက်စိမ်းတွေရဲ့ စိမ်းရွှေရွှေ အနံ့တွေကတော့ လှိုင်တော့တာပဲ။ အိမ်ရှေ့မှာ ပြုတ်ကျနေတဲ့ စလောင်းတွေ၊ သူများအိမ်တွေမှာ တစ်ချို့အိမ်တွေ ခေါင်မိုးလုံးဝ မရှိတော့ဘူး၊ တစ်ချို့တိုက်တွေမှာ အပေါ်ဆုံးထပ် ခေါင်မိုးပေါက်လို့ ရေတွေဝင်ပြီး နီးစပ်ရာမှာ ခိုနေကြရတယ်။ ဓါတ်တိုင်တွေလဲ၊ ၀ိုင်ယာကြိုးတွေ ပြတ်နဲ့၊ ဖုန်းတွေဆို ဘာတစ်ခုမှ ဆက်လို့ မရတော့ဘူး။ စနေနေ့ မနက်ဟာ ကျွန်မအတွက်တော့ ခြောက်ခြားစရာ ကောင်းလွန်းလှပါတယ်။

မနက် ၉ နာရီလောက်ထိ လေတွေမငြိမ်သေးဘူး။ ၁၀ နာရီလောက် ကျတော့ လူတွေ ဆင်းလာကြတယ်။ ကြက်ဥသည်တစ်ယောက် လာရောင်းတာ သူ့အနားမှာ အလု အယက်နဲ့ ၀င်တိုးပြီး ၀ယ်ကြတယ်။ ကျွန်မတို့လည်း အိမ်က ကောင်လေးကို လွှတ်ပြီး အလုံး ၃၀ လောက် ပြေးဝယ်ခိုင်းရသေးတယ်။ အစာရေစာက ဘယ်နှစ်ရက်လောက် ပြတ်မယ်မှန်းမှ မသိတာလေ။ လူကြီး တစ်ချို့ သစ်ကိုင်းတွေ စရှင်းကြတယ်။ တစ်ချို့အိမ်တွေ ရေတွေ ခပ်ထုတ်ကြတယ်။ မိုးကတော့ တော်တော်လေး စဲနေပြီ။ နေ့လည်လောက်ထိ စည်ပင်သာယာ ဆိုတာတွေ ပေါ်မလာဘူး။ ကိုယ့်အားကိုကိုး ပြီးလမ်းရှင်းရတယ်။ ခဏနေတော့ ရပ်ကွက်ထဲမှာ နေတဲ့ EPC က လူတစ်ယေက်ကိုတွေ့တော့ ၀ိုင်းမေးကြတာပေါ့။ “ဆရာရေ မီးဘယ်တော့ လာမလဲ”။ ပြန်ဖြေပုံကလည်း “အခြေ အနေကိုကြည့်လေ ဟင်း ဟင်း ဟင်း” တဲ့။ ကြာမယ် ဆိုလည်း ကြာမယ်ပေါ့။ ခုတော့ လူတွေ ဒုက္ခရောက်နေချိန်မှာ သူမို့လို့ ဟင်း ရက်တယ်ရှင်။ ညနေလောက်ကျတော့ မိုးလည်း စဲသွားပြီ၊ လမ်းတွေမှာလည်း ရေတွေ ကျသွားပြီ ဆိုတော့ အငြိမ် မနေတတ်တဲ့ ပင့်ဂိုလ်း တစ်ယောက် ဓါတ်ပုံရိုက်ထွက်တယ်။ လမ်းထိပ်လည်း ရောက်ရောက် မြင်ကွင်းက အိမ်ရှေ့မှာထက် ပိုဆိုးသွားတယ်ရှင်။ လဲနေလိုက်တဲ့ သစ်ပင်တွေ၊ အကြီး အငယ် အရွယ် အလတ် ဘာမှ မကျန်တော့ဘူး။ လမ်းမှာလည်း ဘာကားမှ မရှိဘူး။ မရှိဘူးဆိုတာ သွားလို့ မရလို့လေ။ သစ်ပင်တွေ အကုန်လဲနေမှတော့ ဘယ်ကားက သွားလို့ရတော့မလဲ။ ဒါနဲ့ပဲ လမ်းလျှောက်သွား ဓါတ်ပုံတွေရိုက်၊ သွားတာတောင် ကိုယ်ရင်းနှီးနေကျ ပတ်ဝန်းကျင်ကို မနည်းကို မှန်းပြီး သွားနေရတာ။ ဘာမှ မမှတ်မိတော့ဘူး။ သစ်တောကြီး တစ်ခုထဲ ရောက်နေသလိုပဲရှင်။ လမ်းမှာ ဘုန်းကြီးတွေ၊ ရပ်ကွက်ထဲက ကောင်လေးတွေ သစ်ပင်တစ်ချို့ကို ရှင်းနေကျတယ်။ သက်ဆိုင်ရာက လူတွေဆိုတာ ခုချိန်မှာ ဒီလိုဖြစ်နေမှန်းမှ သိကြရဲ့လားလို့ တစ်ချက် တွေးလိုက်မိတယ်။ စည်ပင်သာယာကို ရမ်းသန်းပြီး ရှာလိုက်သေးတယ်။ အရိပ်တောင် မတွေ့ပါရှင်။

နောက်တစ်နေ့ တနင်္ဂနွေနေ့ မနက်ကျတော့ သူငယ်ချင်းက သူ့ဆိုင်အခြေအနေလေး တစ်ချက်သွားကြည့်ရအောင် ဆိုတာနဲ့ သူ့ကားနဲ့ပဲ ထွက်လာလိုက်တာ ခါတိုင်း ၁၀ မိနစ်လောက် သွားရတဲ့ ခရီးကို ၂ နာရီလောက် သွားလိုက်ရတယ်။ လမ်းတွေမှာ သစ်ပင်တွေ လဲနေတော့ လွတ်တဲ့နေရာကနေ ရှာရင်း ဖွေရင်း သွားရတာပေါ့။ ဦးဝိစာရလမ်း၊ တက္ကသိုလ်ရိပ်သာလမ်း၊ ပြည်လမ်း၊ ကမ်းနားလမ်း၊ မြန်မာ့ဂုဏ်ရည်လမ်း၊ ပြည်လမ်း ရှိသမျှ လမ်းတွေပေါ်မှာ ရှိသမျှ အပင်တွေ အကုန်လဲတော့တာပဲ။ ဒီအချိန်မှာ သစ်ပင်လဲတာ အံ့သြစရာ မဟုတ်တော့ဘူးရှင့်။ သစ်ပင်မလဲတာသာ အံ့သြစရာ ဖြစ်နေတော့တယ်။ ပြည်သူ့ရင်ပြင်ထဲမှာ၊ ရန်ကုန်တက္ကသိုလ်ထဲမှာ ဘာအပင်မှ မရှိတော့ဘူး။ ရွှေတိဂုံ ဘုရားရဲ့ စိန်ဖူးတော် နည်းနည်း စောင်းသွားတယ်၊ ရွှေဆိုင်းတွေ ကွာကျတယ်၊ ငှက်ပျောဖူးနဲ့ ငှက်မြတ်နားတော်တွေမှာ ချိတ်ဆွဲထားတဲ့ ခေါင်းလောင်းတွေ ဘာမှ မရှိတော့ဘူး။ ဦးဝိစာရ လမ်းပေါ်မှာ စစ်သား တစ်ယောက်စ နှစ်ယောက်စ လမ်းတွေ စရှင်းကြတယ်။ နှစ်ပွင့်နဲ့ ကိုကိုတွေ၊ သုံးပွင့်နဲ့ ကိုကိုတွေ၊ သပြေခက်ကို ပခုံးပေါ်တင်ထားတဲ့ ကိုကိုကြီးတွေပေါ့။

တနင်္လာနေ့ကျတော့ ရုံးကိုလာကြည့်တယ်။ ဘာ ဘတ်စ်ကားမှ မရှိဘူး။ ဓါတ်ဆီ တစ်ဂါလံကို ၁၂၀၀၀ ဖြစ်သွားလို့ မထွက်ကြတော့ဘူး၊ CNG တွေကလည်း မရတော့ ဘတ်စ်တွေလည်း ပြေးဖို့ အဆင်မပြေဘူးပေါ့။ အဲတော့ Hilux, Dyna စတဲ့ ကားတွေ ဟိုနား ဒီနား ၅၀၀၊ နည်းနည်း ဝေးရင် ၁၀၀၀ နဲ့ပြေးဆွဲကြတယ်။ ဒါတောင် ကိုယ်သွားချင်တဲ့ ဆီကို မရောက်ဘူးနော်။ အဓိက ကတော့ မြေနီကုန်း-ဆူးလေ၊ လှည်းတန်း-ဆူးလေ ကိုဆွဲကြတယ်။ ကျွန်မလည်း ဘတ်စ်ကားခ ချည်းပဲ ၃၀၀၀ လောက်အကုန်ခံပြီး ကားစီးတစ်ခါ လမ်းလျှောက်တစ်လှည့်နဲ့ ရုံးကို ရောက်လာတယ်။ မီးမလာတော့ ဓါတ်လှေကားကလည်း မရဘူး။ ၁၀ ထပ်ကို လှေကားနဲ့ တက်၊ အပေါ်ရောက်တော့ အမောဆို့သွားတယ်။ ရုံးလည်း တစ်စစီ ပဲ့ကြွေလို့ပါလားရှင်။

ဘတစ်ကား ပေါ်မှာ၊ လမ်းပေါ်မှာ လူတွေ အသံမျိုးစုံ ထွက်ကြတယ်။ သူတို့ ပြောတဲ့အတိုင်း ပြန်ပြောရရင်တော့…

“အလကား အသုံးကို မကျဘူး၊ အရေး အခင်းတုန်းကတော့ ညတွင်းချင်း စစ်ကားတွေ အစီး ၃၀၊ ၄၀၊ ၅၀ ရောက်လာတာ၊ ခုကျတော့ နှစ်စီး သုံးစီးလောက်နဲ့ မစို့မပို့ လမ်းရှင်းနေကြတယ် ”

“နိုင်ငံ တကာက အကူအညီကိုလည်း လက်မခံဘူးလေ။ ဧရာဝတီတိုင်း တစ်ခုလုံး ကုန်ပြီ။ ဒင်းက ဘာတွေများ လုပ်ပေးနိုင်လို့ ဒီလိုဖြစ်နေရတာလဲ.. ဒီအချိန်မှာ လူတွေသာ မပြောင်းလဲရင် ဗိုလ်ချုပ်ကြီးများရဲ့ အမိန့်ကို တစ်သက်လုံး နာခံရတော့မှာပဲ”

“City Mart ဆိုင် ဖွင့်ပေးတယ်။ ဈေးလည်းမတက်ဘူး၊ ၀ယ်တဲ့သူတွေလည်း ကျိတ်ကျိတ်တိုးလို့ ကျေးဇူးတင်ဖို့ ကောင်းလိုက်တာ”

“သိမ်ကြီး ဈေးမှာ အလုခံရလို့တဲ့။ လမ်းသွားရင် သတိထားရတော့မယ်။ မီးလည်းမလာဘူး၊ ဟို EPC က လဒတွေ ဘာလုပ်နေကြလဲ မသိဘူး။ မီးမလာတောင် ရေလာအောင် လုပ်ပေးရင် တော်ပါပြီ”

“မီးက တစ်လ ကြာမယ်တဲ့ လမ်းရှင်းတာကို ဦးစားပေးမယ် တဲ့”

ပြောကြတာတွေကတော့ အများကြီးပေါ့ရှင်။ ကျွန်မလည်း ဘာပြောလို့ ပြောရမှန်းကို မသိတော့ဘူး။ တော်တော်လေးကို စိတ်ကုန်တယ်။ စိတ်လည်းပျက်တယ်။ တစ်သက်မှာ ဒီလို တစ်ခါပဲ ကြုံဖူးတယ်။ အဲဒီနေ့ကတော့ ကျွန်မ လမ်းတစ်လျှောက်လုံးမှာ အဲဒီ မအေဆိုတာ ပါတဲ့စကားကို တော်တော်ကြားလိုက်ရတယ်။

ရေရရှိရေးအတွက် တန်းစီပြီး ရေပေးဝေတာကို စောင့်ရပါတယ်။ တစ်ချို့တတ်နိုင်တဲ့ စီးပွားရေး လုပ်ငန်းရှင်တွေ ရေတွေ၊ အစားအသောက်တွေ ပေးလှူကြပါတယ်။ Htoo Trading ကလည်း တော်တော်လှူတယ်လို့ ကြားပါတယ်။ မျက်နှာလုပ်တာ နေမှာပေါ့ရှင်။ သာဓု သာဓု သာဓု။

လက်ရှိမှာတော့ ရန်ကုန်မှာ ရေပြန်လာနေပါပြီ။ ရေတင်ဖို့အတွက်ကတော့ မီးစက်စုငှားပြီး အချိန်ပိုင်းနဲ့ ရေတင်ရပါတယ်။ တစ်ချို့တိုက်တွေ ကျတော့လည်း မီးစက်ဝယ်ကြပါတယ်။ မီးစက်ငှားခက တစ်လကို ၈၀၀၀၀ ကျပ်ရှိပါတယ်။ ၀ယ်မယ်ဆိုရင်တော့ ခုနစ်သိန်းလောက် ပေးရပါတယ်။ မီးတွေကတော့ တစ်ဖြည်းဖြည်း ပြုပြင်နေကြပါတယ်။ တစ်ချို့မြို့နယ်တွေမှာ မီးပြန်လာနေပါပြီ။ ဘတ်စ်ကားတွေ ပုံမှန် ပြေးနေပါပြီ။ ဓါတ်ဆီ တစ်ဂါလံကို ၆၅၀၀ သို့ကျသွားပါပြီ။ လမ်းတွေလည်း အကုန်လုံးနီးပါး ရှင်းပြီးသွားပါပြီ။ ဧရာဝတီတိုင်း အတွက်တော့ ရင်ထဲ မကောင်းဘူးရှင်။ ကျွန်မတို့လည်း တတ်နိုင်သလောက်လေး လှူလိုက်တယ်။ ကိုညီလင်းဆက်ကတော့ မနက်ဖြန်မှာ အဲဒီကို သွားပြီး မြောင်းမြမှာ အခြေစိုက်လို့ ထောက်ပံ့ရေးတွေ လုပ်ပါလိမ့်မယ်။ ကျွန်မတို့လည်း ဒီအပတ် တနင်္ဂနွေနေ့မှာ လှိုင်သာယာကို သွားဖို့ စီစဉ်နေပါတယ်။ လှိုင်သာယာက လူတွေလည်း သနားပါတယ်။ မီးလောင်တုန်းကလည်း ရတာနာပုံဈေးနဲ့အပြိုင်ဖြစ်သွားတော့ မျက်နှာ မရရှာဘူး။ ခုလည်း ဧရာဝတီတိုင်းနဲ့ အပြိုင်ဖြစ်နေတော့ နည်းနည်း အလှူအားနည်းနေတယ်။

ကျွန်မကြားရတာ တစ်ချို့တော့ ရှိတယ်။ ကောလ ဟာလလား ဘာလားတော့ မသိဘူးရှင်။ နေပြည်တော်ကတော့ ယကြာ တော်တော်ကောင်းဆိုပဲ။ ဘာလဲဆိုတာတော့ မပြောတော့ဘူးနော်။ မုန်တိုင်းအကြောင်းကို ကြိုလည်း သိနေပါတယ်တဲ့။ (ကျွန်မ မပြောဘူးနော်.. ကြားလာတာ ကြားလာတာ)

နာဂစ်ကို ပြန်ကစ်ဖို့ ဘယ်သူမှ မတတ်နိုင်လိုက်ကြပါလားနော်။ ဘာတွေများ လိုလဲရှင်။ နောက်တစ်ကြိမ် အတွက်ပေါ့။