Monthly Archives: November 2009

Digging Oldies

Standard

ဒီရက်တွေမှာ အလုပ်ကလေး နည်းနည်းရှုပ်နေတာကြောင့် ဘာပိုစ့်မှတော့ အသစ်မရေးဖြစ်ဘူး။ ဘာမှ Update မလုပ်ပဲ ကြာကြာထားရင်လည်း မကောင်းလို့ အရင်ရေးပြီးသား အဟောင်းလေးတစ်ချို့ကို ပြန်လည်တူးဆွ ဆားချက်မိပါတယ်။

အခု ဆောင်းရာသီရောက်လာပြီ။ မြောက်ပြန်လေကလည်း ဆော်ကာသွေးလာပြီ။ လေနုအေးတွေနဲ့အတူ အသားအရေတွေကလည်း အေးစက်ခြောက်သွေ့လာပြီး။ ဒါကြောင့် အသားအရေ ထိမ်းသိမ်းနည်းပို့စ်လေးတစ်ချို့ကို ပြန်ဖတ်မိပြီး စာဖတ်သူတွေကိုလည်း သတိထားမိစေချင်တာကြောင့် ကောင်းနိုးရာရာလေးတွေကို ပြန်လည်ဖော်ပြလိုက်ပါတယ်ရှင်။

10 Tips for Radiant Skin

How To Get Gorgeous Skin

4 masks to make yourself

Foundation

အလုပ်တွေ နည်းနည်းပါးသွားရင် အသစ် အသစ်သော အရာများနဲ့အတူ ပြန်လာခဲ့ပါမယ်။ လာဖတ်ကြတာ ကျေးဇူးပါ။

Advertisements

The Value of a “Thumb”

Standard

Thumbup

“လက်မ တစ်ချောင်းရဲ့ တန်ဘိုး”

 

 

 

 

 

“ငါသာ အင်္ဂါမစုံတဲ့ လူတစ်ယောက်ဖြစ်ခဲ့ရင် ဘယ်လိုနေမလဲ” ဆိုတဲ့အတွေးကို သင်တို့ တွေးဖူးကြပါသလား။ ခြေ ၊ လက် ၊ ခန္ဓာကိုယ်က တစ်ခြားကိုယ်အင်္ဂါတစ်ခုခု မပြည့်မစုံဖြစ်နေတဲ့လူတစ်ယောက်ဟာ ဘဝမှာရှင်သန်ဖို့ အတော်လေးကို ခက်ခဲပင်ပန်းစွာကြိုးစားအားထုတ်ရမှာ အမှန်ပါပဲ။ ကျွန်မ စာအုပ်တွေထဲမှာ ခြေနှစ်ဘက်လုံးပါမလာပဲ ဘ၀ကိုရပ်တည်နေတဲ့သူတွေအကြောင်း၊ လက်နှစ်ဘက်လုံး ပါမလာပဲ ဘယ်သူ့အထောက်အပံ့ကိုမှမယူ ကိုယ့်ဝမ်းစာကို ရှာဖွေစားသောက်နေတဲ့ သူတွေအကြောင်း၊ မျက်စိနှစ်လုံး ကွယ်နေရက်နဲ့ အသက်မွေးဝမ်းကျောင်းအတွက် အားတက်သရော အလုပ်လုပ်နေတဲ့ သူတွေအကြောင်းကို အများကြီးဖတ်ဖူးပါတယ်။ မြန်မာပြည်မှာလည်း ဗိုလ်ချုပ်ခင်ညွှန့်မြှောက်စားခဲ့ဖူးတဲ့ ကလေးလေးတစ်ယောက်ရှိပါသေးတယ်.. လက်ချောင်းလေးတွေ ပါမလာပေမယ့် ခြေထောက်တွေကို အသုံးပြုပြီး ကွန်ပျူတာ အရမ်းကျွမ်းကျင်တဲ့ ကလေးငယ်လေးရဲ့ နာမည်ကို ကျွန်မသတိတော့ မရမိတော့ဘူးရှင့်။ သူတို့တွေအကြောင်းကို ဖတ်ရတော့ ရင်ထဲမှာမကောင်းဖြစ်မိတာမှန်သလို၊ သူတို့လေးတွေရဲ့ ဘဝကို ကရုဏာလည်း သက်မိတာမှန်ပေမယ့် မရှိရင်တော့ ရှိတာလေးနဲ့ပဲ ကြိုးစားရပ်တည်ကြရမှာ သဘာဝပါပဲလေ ဆိုတဲ့အတွေးမျိုးသာ ရှိခဲ့ဖူးပါတယ်။ ကိုယ့်မှာသာ အင်္ဂါမစုံ ဖြစ်ခဲ့ရင်ဆိုတာကို ကျွန်မလက်မကိုက်ခဲနာကျင်တဲ့ နေ့ကျမှ ပြန်တွေးမိပြီး ထိတ်လန့်ခဲ့မိတာတော့ အမှန်ပါပဲ။

လွန်ခဲ့တဲ့ နှစ်ရက်လောက်က ကျွန်မလက်ချောင်းလေးတွေ အဆစ်တွေကိုက်ခဲပြီး ရောင်ကိုင်းနေခဲ့တယ်။ တစ်ခြားလက်ချောင်းလေးတွေက သိပ်မသိသာပေမယ့် ညာဘက်လက်မ တစ်ချောင်းကတော့ အတော်လေးကို အခြေအနေဆိုးတယ်ရှင့်။ ကိုက်ခဲလိုက်တာများ တစ်စစ်စစ်နဲ့ ညဘက်တွေတောင် အိပ်လို့မရတဲ့ အထိကို ဖြစ်ခဲ့တာပါ။ ဖြစ်တာကလည်း ညာဘက်ဆိုတော့ အတော်လေးကို ကသီလင်တနိုင်ပါတယ်။ ကျွန်မ ထမင်းစားရတာ အရမ်းအခက်အခဲတွေ့တယ် ၊ ပစ္စည်းတွေကိုင်ရတာလည်း အဆင်မပြေဘူး၊ ရေချိုးရတာလည်း အဆင်မပြေဘူး၊ အဝတ် ဝတ်ရတာ ၊ တစ်ခြားအလုပ်တွေ လုပ်ရတာ ဘာမှကို မလုပ်နိုင်အောင်ပါပဲ။ ဘယ်လက်ကလည်း လုပ်နေကျ အကျင့်မရှိတော့ အလုပ်ဖြစ်ဖို့ အတော်လေးကို အချိန်ယူရ ၊ အားတွေယူရပါတယ်။ အဲ့ဒီတော့မှ ခန္ဓာကိုယ်ရဲ့ အင်္ဂါတစ်ခုခု မကောင်းတာဟာ နေ့စဉ်နေထိုင်မှု ဘဝမှာ အတော်လေးကို အခက်အခဲ ကြုံစေပါလားဆိုတာကို ကျွန်မ လေးလေးနက်နက်ကြီးကို စဉ်းစားမိပါတော့တယ်။ ခြေ ၊ လက် တစ်ခုလုံး ကျိုးပဲ့သွားတာတောင် မဟုတ်ပဲ လက်မလေး တစ်ချောင်း ကိုက်ခဲ ရောင်ရမ်းနေရုံလေးကတောင် ဒီလိုအခက်အခဲတွေကို ကြုံစေရင် ဒီထက်ဆိုးတဲ့အခြေအနေတစ်ခုကို ကျွန်မမတွေးရဲအောင်ပါပဲ။

ခုတော့ ကျွန်မ ကိုယ်အင်္ဂါတွေကို အရင်ကထက်ပိုပြီး သိပ်ချစ်တတ်သွားခဲ့ပါပြီ။ သူတို့ကို အရှိအကို အရှိအတိုင်းပဲ ထားတာမျိုးမဟုတ်ပဲ အထိခိုက်အောင် ဂရုစိုက်နေထိုင်ရမယ်ဆိုတာလည်း သဘောပေါက်သွားပါပြီ။ ကိုယ်အင်္ဂါမပြည့်စုံတဲ့ သူတွေကိုလည်း ရင်ထဲ အသဲထဲကထက်ပိုတဲ့ စာနာမှုမျိုးထက် စာနာတတ်သွားပါပြီ။ ကိုယ်လက်အင်္ဂါပြည့်ပြည့်စုံစုံနဲ့ ရှင်သန်နေထိုင်ခွင့်ရနေတဲ့အတွက် ရှေးဘ၀က ကုသိုလ်အကျိုးပေးတွေကို နားလည်သဘောပေါက်ပြီး ဒီဘဝမှာလည်း ကောင်းကျိုးများကိုသာ များများဆောင်ရွက်သွားရမယ်ဆိုတာကိုလည်း ဆင်ခြင်မိသွားပါပြီ။ ကျွန်မရဲ့ သူငယ်ချင်းတွေ ၊ ကျွန်မဘလောဂ့်ကို လာဖတ်ကြတဲ့သူတွေကိုလည်း မိမိမှာ အကောင်းအတိုင်းရှိနေတဲ့ ခန္ဓာကိုယ်အစိတ်အပိုင်းတွေကို ပိုမိုတန်ဘိုးထား ဂရုစိုက်ကြပါလို့ ပြောချင်ပါတယ်ရှင်။

Recipe.all-channel.com

Standard

2009-11-06_090125

မြန်မာတွေအားလုံးအတွက် ကဏ္ဍအားလုံးကို စုံအောင်တင်ဆက်ပေးနေကျဖြစ်တဲ့ All Channel မှ မြန်မာတွေကိုသာမက ၊ တစ်ခြားနိုင်ငံသားတွေအတွက်ပါ ခံတွင်းမြိန်မြိန်စားသောက်စေနိုင်ဖို့ အရသာရှိတဲ့ ဟင်းလျာတွေကို ဘယ်လိုချက်ရမယ်ဆိုတဲ့ Recipe ကဏ္ဍကို ဖွင့်လှစ်လိုက်ပြန်ပါပြီး။

အစရှိတဲ့ ဟင်းလျာမျိုးစုံရဲ့ ချက်နည်းပြုတ်နည်းတွေကို စုံလင်စွာဖော်ပြပေးထားပါတယ်။ အချက်အပြုတ်ကို စိတ်ဝင်စားသူတွေလည်း သွားရောက်လေ့လာ သင်ယူနိုင်တဲ့ ဆိုဒ်လေးတစ်ခု ဖြစ်ပါတယ်။ ကဲ All Channel Recipe ကဏ္ဍလေးမှာ ဘယ်လိုဟင်းချက်နည်းတွေကို တွေ့နိုင်တယ်၊ ဘာတွေကို ဖော်ပြထားတယ်ဆိုတာကို ကိုယ်တိုင်ပဲ သွားရောက်လေ့လာကြည့်လိုက်ပါတော့ရှင်။

Good News for Every Bloggers and Online Writers

Standard

People_Nov09_Cover_REV2တစ်ခါတုန်းက ကျွန်မရေးခဲ့ဖူးတဲ့ လက်ကိုင်နည်းဆယ်ချက် ဆိုတဲ့ဆောင်းပါးလေးကို နိုဝင်ဘာလထုတ် People Magazine မှာ မြင်တွေ့ခွင့် ရလာပါပြီ။ ကျွန်မရဲ့ ဆောင်းပါးကို ဖော်ပြပေးကြသော People Magazine မှ အယ်ဒီတာများကို ကျေးဇူးအထူးတင်ရှိပါတယ်လို့ ပြောပါရစေရှင်။

မြန်မာ People Magazine ကနေ What’s hot online? ဆိုတဲ့ ကဏ္ဍလေးကို ဖွင့်လှစ်ပေးခဲ့တာ အတော်လေးတော့ ကြာခဲ့ပါပြီရှင်။ ကျွန်မသတိထားမိသလောက် အွန်လိုင်းမှာ နာမည်ကြီးနေတဲ့ ဆောင်းပါးလေးတွေ၊ မှတ်သားစရာလေးတွေကို Print Media ကို ဖတ်တဲ့ပရိတ်သတ်တွေကို ပြန်လည်ဝေငှပေးတဲ့ သဘောပါ။ အရင်တုန်းကတော့ အီမေလ်းတွေကနေ အဆင့်ဆင့် Forward လုပ်တဲ့ ဆောင်းပါးတွေဟာ People ရဲ့ စာမျက်နှာထက်ကို ရောက်ရောက်လာတတ်ကြပါတယ်။ သက်ဆိုင်ရာ အယ်ဒီတာတွေကလည်း သင့်တော်ကောင်းမွန်တဲ့ စာလေးတွေကို ရွေးချယ်ဖော်ပြပြီး စာရေးသူကိုသိရင် အမည်ဖော်ပြပေးကြသလို ၊ source လိုက်လို့ မရခဲ့ဘူးဆိုရင်လည်း အင်တာနက်မှ အမည်မသိကလောင်ရှင်များကို ဂုဏ်ပြုတင်ဆက်ပါသည် ဆိုပြီးဖော်ပြခဲ့ပါတယ်။ မနိုင်းနိုင်းစနေမရွှေပြည်သူ ၊ မအိမ့်ချမ်းမြေ့ကိုပီကေ အစရှိတဲ့ ဘလောဂ့်ဂါတွေရဲ့ စာတော်တော်များများကိုလည်း တင်ဆက်ဖော်ပြခဲ့ပါတယ်။ Print Media တစ်စောင် အနေနဲ့ အွန်လိုင်းပေါ်ကစာတွေကို ကူးယူဖော်ပြတဲ့အတွက် ဝေဖန်မှုဒဏ်တော်တော်များများကိုလည်း People Magazine အနေနဲ့ ခံခဲ့ရဖူးပါတယ်။ ဒါကြောင့်လည်း အယ်ဒီတာတွေအနေနဲ့ စာတစ်ပုဒ်ကိုကြိုက်ရင် အင်တာနက်ထဲမှာ စာရေးသူကို မရ ရအောင်ရှာပြီး credit ပေးသလို ၊ လုံးဝ ရှာလို့ မရခဲ့ရင်လည်း အင်တာနက်မှ ကူးယူဖော်ပြသည်ဆိုတာလေးကို အမြဲထည့်ပေးပါတယ်။ People ရဲ့ ကိုယ်ပိုင်စာအဖြစ်နဲ့တော့ ဘယ်တုန်းကမှ မဖော်ပြခဲ့ဖူးတာကိုတော့ ကျွန်မကိုယ်တိုင် သတိထားမိနေပါတယ်။

အွန်လိုင်းမှာ စာရေးနေကြတဲ့ ၀ါသနာရှင်တွေကလည်း မိမိတို့ရဲ့ စာမူတွေကို ဒီကဏ္ဍလေးသို့ ပေးပို့နိုင်ကြပါတယ်။ people.online@inforithm-maze.com ကို အီးမေလ်းပို့ပြီး မိမိတို့ရေးသားထားတဲ့ စာတွေကို ပို့နိုင်ကြပါတယ်ဆိုတဲ့အကြောင်း ဘလောဂ့်ဂါအပေါင်းနဲ့ တစ်ခြား အွန်လိုင်းပေါ်မှ စာရေးသူများကို သတင်းကောင်းလေး ပါးလိုက်ရပါတယ်ရှင်။ ကိုယ့်ရဲ့ စာမူတွေကို စာမျက်နှာထက်မှာ မြင်တွေ့ခွင့်ရမယ့် အခွင့်အရေးဖြစ်လို့ မသိလိုက်ရ မဖြစ်လေအောင် ပိုစ့်ရေးပြီး တင်လိုက်ရကြောင်းပါရှင်။

Miss People 2009 Yangon is successfully finished!

Standard

Myanmar People Magazine ကနေကြီးမှူးကျင်းပဲတဲ့ Miss People 2009 Style Competition and People Charity Bazzar ကို 2009 ခုနှစ် ၊ နိုဝင်ဘာလ (၁) ရက်နေ့ ၊ တန်ဆောင်မုန်း လပြည့်နေ့မှာ အင်းလျားလိတ်ဟိုတယ် မြက်ခင်းပြင်မှာ ကျင်းပပြုလုပ် ပြီးစီးခဲ့ပါတယ်။ ညနေ (5) နာရီမှာ The Trees Band နဲ့အတူ နာမည်ကြီးအဆိုတော်များက မေတ္တာဖြင့် သီဆိုဖျော်ဖြေပေးကြတဲ့ စိတိတ်ရှိုးကို စတင်ခဲ့ပါတယ်။ ညနေ (7) နာရီမှာတော့ စတိုင်မိုက်သူတွေ စိန်ခေါ်ကြတဲ့ Miss People ပြိုင်ပွဲကြီးကို ထူးခြားဆန်းပြားတဲ့ အခမ်းအနား အစီအစဉ်များနဲ့ စတင်ခဲ့ပါတယ်။ Miss People 2009 စတိုင်ပြိုင်ပွဲကြီး အကြောင်းကိုတော့ Miss People Official Blog မှာ ဖတ်နိုင်ပါတယ်ရှင်။