Advertisement :)

ကိုယ်ပိုင်ဒိုမိန်း ၊ ဟိုစတင်ဝယ်ယူလိုလျှင်ဒီကိုလာပါ (www.Pusker.com)

ကဲ ဒိုမိန်းဝယ်ဖို့အခက်အခဲဖြစ်နေသူတွေ ၊ ဟိုစတင်ကိုဈေးကြီးပေးပြီး ၀ယ်မသုံးချင်သူတွေအတွက် မြန်မာနိုင်ငံကနေလည်း ၀ယ်ရလွယ်ကူတဲ့ ၀ဘ်ဆိုက် လေးတစ်ခုနဲ့ မိတ်ဆက်ပေးလိုပါတယ် ။ ဒါကတော့ သူငယ်ချင်းတစ်ယောက်ပြုလုပ်ထားတဲ့ Service ပေးတဲ့ ဆိုက်တစ်ခုဖြစ်ပါတယ် ။

အသေးစိတ်အကြောင်းအရာတွေကိုတော့ ၀ဘ်ဆိုက်ထဲကို ၀င်ကြည့်နိုင်ပါတယ်ခင်ဗျာ ။ ကျွန်တော်တို့ အပြင်မှာ ၁၅ ကျပ်လောက်ပေးဝယ်ရတဲ့ ဒိုမိန်းကို ဒီဆိုက်လေးမှာ ၁၀ ကျပ်နဲ့ ၀ယ်ယူနိုင်ပါတယ် ။ နောက်တစ်ခုက ဒိုမိန်းဝယ်ယုံနဲ့ Free hosting တစ်ခုကိုပေးဦးမှာတဲ့ ။ အရမ်းကို ကောင်းမွန်တဲ့ ၀န်ဆောင်မှုများပဲ ဖြစ်ပါတယ် ။ Hosting Plan တွေကလည်း ဈေးအသက်သာဆုံးပါပဲ ။ Golden Plan ဆိုတာကိုလည်း အသစ်ပြုလုပ်ထားပါသေးတယ် ။

Unlimited plan တွေလည်းဈေးသက်သာလှပါတယ် ။

ကိုယ်ပိုင်ဒိုမိန်း ဟိုစတင် ၀ယ်ယူလိုသူတွေ အမြန်ဆုံး သွားရောက်လေ့လာကြဖို့ တိုက်တွန်းလိုက်ပါတယ် ။

Link : http://www.pusker.com

The Value of a “Thumb”

“လက်မ တစ်ချောင်းရဲ့ တန်ဘိုး”

 

 

 

 

 

“ငါသာ အင်္ဂါမစုံတဲ့ လူတစ်ယောက်ဖြစ်ခဲ့ရင် ဘယ်လိုနေမလဲ” ဆိုတဲ့အတွေးကို သင်တို့ တွေးဖူးကြပါသလား။ ခြေ ၊ လက် ၊ ခန္ဓာကိုယ်က တစ်ခြားကိုယ်အင်္ဂါတစ်ခုခု မပြည့်မစုံဖြစ်နေတဲ့လူတစ်ယောက်ဟာ ဘဝမှာရှင်သန်ဖို့ အတော်လေးကို ခက်ခဲပင်ပန်းစွာကြိုးစားအားထုတ်ရမှာ အမှန်ပါပဲ။ ကျွန်မ စာအုပ်တွေထဲမှာ ခြေနှစ်ဘက်လုံးပါမလာပဲ ဘ၀ကိုရပ်တည်နေတဲ့သူတွေအကြောင်း၊ လက်နှစ်ဘက်လုံး ပါမလာပဲ ဘယ်သူ့အထောက်အပံ့ကိုမှမယူ ကိုယ့်ဝမ်းစာကို ရှာဖွေစားသောက်နေတဲ့ သူတွေအကြောင်း၊ မျက်စိနှစ်လုံး ကွယ်နေရက်နဲ့ အသက်မွေးဝမ်းကျောင်းအတွက် အားတက်သရော အလုပ်လုပ်နေတဲ့ သူတွေအကြောင်းကို အများကြီးဖတ်ဖူးပါတယ်။ မြန်မာပြည်မှာလည်း ဗိုလ်ချုပ်ခင်ညွှန့်မြှောက်စားခဲ့ဖူးတဲ့ ကလေးလေးတစ်ယောက်ရှိပါသေးတယ်.. လက်ချောင်းလေးတွေ ပါမလာပေမယ့် ခြေထောက်တွေကို အသုံးပြုပြီး ကွန်ပျူတာ အရမ်းကျွမ်းကျင်တဲ့ ကလေးငယ်လေးရဲ့ နာမည်ကို ကျွန်မသတိတော့ မရမိတော့ဘူးရှင့်။ သူတို့တွေအကြောင်းကို ဖတ်ရတော့ ရင်ထဲမှာမကောင်းဖြစ်မိတာမှန်သလို၊ သူတို့လေးတွေရဲ့ ဘဝကို ကရုဏာလည်း သက်မိတာမှန်ပေမယ့် မရှိရင်တော့ ရှိတာလေးနဲ့ပဲ ကြိုးစားရပ်တည်ကြရမှာ သဘာဝပါပဲလေ ဆိုတဲ့အတွေးမျိုးသာ ရှိခဲ့ဖူးပါတယ်။ ကိုယ့်မှာသာ အင်္ဂါမစုံ ဖြစ်ခဲ့ရင်ဆိုတာကို ကျွန်မလက်မကိုက်ခဲနာကျင်တဲ့ နေ့ကျမှ ပြန်တွေးမိပြီး ထိတ်လန့်ခဲ့မိတာတော့ အမှန်ပါပဲ။

လွန်ခဲ့တဲ့ နှစ်ရက်လောက်က ကျွန်မလက်ချောင်းလေးတွေ အဆစ်တွေကိုက်ခဲပြီး ရောင်ကိုင်းနေခဲ့တယ်။ တစ်ခြားလက်ချောင်းလေးတွေက သိပ်မသိသာပေမယ့် ညာဘက်လက်မ တစ်ချောင်းကတော့ အတော်လေးကို အခြေအနေဆိုးတယ်ရှင့်။ ကိုက်ခဲလိုက်တာများ တစ်စစ်စစ်နဲ့ ညဘက်တွေတောင် အိပ်လို့မရတဲ့ အထိကို ဖြစ်ခဲ့တာပါ။ ဖြစ်တာကလည်း ညာဘက်ဆိုတော့ အတော်လေးကို ကသီလင်တနိုင်ပါတယ်။ ကျွန်မ ထမင်းစားရတာ အရမ်းအခက်အခဲတွေ့တယ် ၊ ပစ္စည်းတွေကိုင်ရတာလည်း အဆင်မပြေဘူး၊ ရေချိုးရတာလည်း အဆင်မပြေဘူး၊ အဝတ် ဝတ်ရတာ ၊ တစ်ခြားအလုပ်တွေ လုပ်ရတာ ဘာမှကို မလုပ်နိုင်အောင်ပါပဲ။ ဘယ်လက်ကလည်း လုပ်နေကျ အကျင့်မရှိတော့ အလုပ်ဖြစ်ဖို့ အတော်လေးကို အချိန်ယူရ ၊ အားတွေယူရပါတယ်။ အဲ့ဒီတော့မှ ခန္ဓာကိုယ်ရဲ့ အင်္ဂါတစ်ခုခု မကောင်းတာဟာ နေ့စဉ်နေထိုင်မှု ဘဝမှာ အတော်လေးကို အခက်အခဲ ကြုံစေပါလားဆိုတာကို ကျွန်မ လေးလေးနက်နက်ကြီးကို စဉ်းစားမိပါတော့တယ်။ ခြေ ၊ လက် တစ်ခုလုံး ကျိုးပဲ့သွားတာတောင် မဟုတ်ပဲ လက်မလေး တစ်ချောင်း ကိုက်ခဲ ရောင်ရမ်းနေရုံလေးကတောင် ဒီလိုအခက်အခဲတွေကို ကြုံစေရင် ဒီထက်ဆိုးတဲ့အခြေအနေတစ်ခုကို ကျွန်မမတွေးရဲအောင်ပါပဲ။

ခုတော့ ကျွန်မ ကိုယ်အင်္ဂါတွေကို အရင်ကထက်ပိုပြီး သိပ်ချစ်တတ်သွားခဲ့ပါပြီ။ သူတို့ကို အရှိအကို အရှိအတိုင်းပဲ ထားတာမျိုးမဟုတ်ပဲ အထိခိုက်အောင် ဂရုစိုက်နေထိုင်ရမယ်ဆိုတာလည်း သဘောပေါက်သွားပါပြီ။ ကိုယ်အင်္ဂါမပြည့်စုံတဲ့ သူတွေကိုလည်း ရင်ထဲ အသဲထဲကထက်ပိုတဲ့ စာနာမှုမျိုးထက် စာနာတတ်သွားပါပြီ။ ကိုယ်လက်အင်္ဂါပြည့်ပြည့်စုံစုံနဲ့ ရှင်သန်နေထိုင်ခွင့်ရနေတဲ့အတွက် ရှေးဘ၀က ကုသိုလ်အကျိုးပေးတွေကို နားလည်သဘောပေါက်ပြီး ဒီဘဝမှာလည်း ကောင်းကျိုးများကိုသာ များများဆောင်ရွက်သွားရမယ်ဆိုတာကိုလည်း ဆင်ခြင်မိသွားပါပြီ။ ကျွန်မရဲ့ သူငယ်ချင်းတွေ ၊ ကျွန်မဘလောဂ့်ကို လာဖတ်ကြတဲ့သူတွေကိုလည်း မိမိမှာ အကောင်းအတိုင်းရှိနေတဲ့ ခန္ဓာကိုယ်အစိတ်အပိုင်းတွေကို ပိုမိုတန်ဘိုးထား ဂရုစိုက်ကြပါလို့ ပြောချင်ပါတယ်ရှင်။

Some Quiz from facebook!

ဒီနေ့ စိတ်နည်းနည်လေနေတာနဲ့ facebook မှာလျှောက်သွားပြီး အဲဒီက Quiz လေးတွေ ဖြေနေလိုက်တယ်။ အပျင်းပြေပေါ့။ သူ့မှာ ရှိတဲ့ Quiz တွေ အများကြီးပဲရှင့်။ ဒီက ကော်နက်ရှင်ကလည်း မကောင်းသေးတာကြောင့် ဦးစားပေးဖြေချင်တာတွေကိုပဲ ဖြေခဲ့လိုက်တော့တယ်။ ကော်နက်ရှင် ကောင်းမှာ အကုန်ထပ်သွားဖြေအုံးမယ်။

လောလောဆယ် ကျွန်မက ဘယ်လို ဘယ်လိုဖြစ်တယ်ဆိုတာ ရလာတဲ့ အဖြေလေးတွေပါ။

“what does your name mean?” quiz and the result is beautiful. you are sensitive sweet and caring you always help your friends out you never let them fall!! (ကဲ ပင့်ဂိုလ်းဆိုတာ ပေါင်းဖို့ သင်းဖို့ သင့်ပါတယ်နော် :P)

“What type of person are you?” quiz and the result is You are a Lover. You are the people-pleaser. The affectionate and compassionate person. The person who loves to be around others, who is kind, soothing, and caring. You bring emotion to the world, and you are needed in everyone’s life. You have a contagious flair that people pick up on. (Type ကတောင် Lover ဆိုတော့ ကျန်တာကို ပြောစရာ မလိုတော့ဘူးပေါ့)

“What do ur Hands tell about YOU???” quiz and the result is Water Hand. Many people with this hand make good poets and musicians. They also go well in the fashion and beauty industry. For people with this hand emotions are more important than reason. (စာရေးဆရာဖြစ်အောင် ကြိုးစားရတော့မယ် ထင်တယ်)။

“How open minded are you?” quiz and the result is Free soul. You Love to live an absolutly fre life. That does not mean that you are not responsipel person, but you do not belife that any one should prevent you from somthing that you really enjoy and does not hurt anyone else! (:P)

“Are you beautiful, hot or pretty?” quiz and the result is Hot. Even if you don’t have a pretty face, you have a hot body. Don’t get any surgery because you are already hot as it is. Oh ya… you wanna try make up? (Hot ဖြစ်တယ်ဆိုပဲရှင့်)။

နောက်ဆုံးမှာ တော့ ဒီလို ဒီလို ပြောပါတယ်။

“What do people love about you?” quiz and the result is Personality.. You’re a great person and always make people laugh. They admire your courage and views on life as well as your smile. You’re a great joy to be around, and people can never get board of you. (ဟော တွေ့လား Pinkgold က The Great Person တဲ့.. ငါကွ.. ဟ ဟ) 😛

Endless Error

ဘလောဂ့်လည်း မရေးဘူး.. အသစ်လည်း မတင်ဘူးတဲ့.. ကျွန်မကို ပြောနေကြလေရဲ့။ တစ်ကယ်က ပိုစ့်တွေတင်ချင်ပါတယ်။ ရေးဖို့စဉ်းစားထားတဲ့ အကြောင်းအရာတွေလည်း ရှိပါတယ်။ ဒါပေမယ့် ဘယ်လိုလုပ်မလဲ.. ကော်နက်ရှင်က ပိုးစိုး ပက်စက်ကိုနှေးနေတာ… ဘာဆို ဘာမှကို လုပ်လို့မရဘူးလေ။ Google ပဲတက်ပြီး ကျန်တာ ဘာမှကို မတက်တာ။ Gmail ၀င်ဖို့အရေး F5 ကို အခါ 100 လောက်နှိပ်ပေးရလွန်းလို့ သူ့ခမျာလည်း တော်တော်နဲ့နေပြီ။ WordPress ကလည်း homepage ပဲတက်ပြီး Log in လည်းဝင်လိုက်ရော အယ်ရာတက်သွားရော။ ကျန်တဲ့ ကိုယ်ကြည့်နေကျ website တွေလည်း အကုန် Access Denied ဖြစ်ကုန်တော့တာပါပဲ။ ပုဂံနက်ကလူတွေလည်း ပြင်ရင်းများ ပိုပျက်သွားသလား မပြောတတ်ပါဘူးရှင်.. အစက ငါးရက်နဲ့ ပြင်ပြီးမယ်ပြောတာ သိတော်မူကြတဲ့အတိုင်း ဆယ်ရက်ဖြစ်သွားတယ်။ ဧပရယ် (၁) ရက်နေ့ ပြန်ကောင်းမယ် ပြောတာတောင် ဧပရယ်ဖူးလ် လုပ်တာ ဖြစ်ချင် ဖြစ်နေနိုင်တယ်။ မြန်မာပြည်မှာ နေရာက ဒါလည်း စိတ်ညစ်စရာ တစ်ခုကောင်းတယ်။

WordPress ကို ၀င်လိုက်တာနဲ့ အပေါ်မှာ မြင်ရသလိုမျိုး ဖြစ်သွားပါလေရဲ့။ ဒါတောင် Proxy ကျော်ပြီး ၀င်လာတာ။ ဘာပရောက်ဆီလဲဆိုတော့ အင်း မပြောတော့ပါဘူး။

Recent Feeling

လူတစ်ယောက်ရဲ့ ခံစားချက်တွေ၊ ခံယူချက်တွေဆိုတာ အချိန်နဲ့အမျှ ပြောင်းလဲနေတတ်တာပါပဲ။ မပြောင်းလဲလို့လည်း မရဘူးလေ.. ဒီနေရာမှာ ဒီလိုတွေးပေမယ့် ဟိုနေရာ ရောက်ရင်တော့ ဟိုလိုတွေ ပြောင်းတွေးမှ ဖြစ်မယ့်အရာတွေကလည်း ရှိတာကို။ ဒါကြောင့်လည်း ကမ္ဘာကြီးမှာ လူတွေက အားနေရင် Change Change Change ဆိုပြီး အော်နေကြတာပေါ့။ ကျွန်မလည်း သိပ်တော့စိတ်မှန်တာ မဟုတ်ပါဘူး။ ခုတော့ လတ်တလောမှာ ခံစား ဖြစ်ပျက် တွေးမိနေတာလေးကို ဘာရယ်မဟုတ် ချရေးချင်စိတ်ပေါ်လာလို့ပါ။

လတ်တလောမှာ……

ဖတ်နေတဲ့စာအုပ်……………………………ဗြုတ်စဗျင်းတောင်း ရီဗြူးနှင့် စကားပြောသော အက်ဆေးများ (သစ္စာနီ)

အပြောများနေတဲ့ စကားလုံးက…………….. ကိုယ့်ထမင်းကိုယ်စား၊ ကိုယ့်အလုပ်ကိုယ်လုပ်ပြီး ကိုယ့်ဟာကိုယ် ရှုပ်နေရတဲ့ အထဲ.. ကြားထဲက ထပ်ရှုပ်နေတဲ့သူမျိုးက ရှိသေးတယ်

တွေးမိနေတဲ့အတွေးက…………………………အလုပ်ဟုတ်တဲ့ နေရာမှာ စွာရင်တော့ ထက်မြက်တာလို့ နာမည်ထွက်ပြီး၊ အလုပ် မဟုတ် တဲ့နေရာမှာ စွာရင်တော့ ကက်ကက်လန်လို့ နာမည်ထွက်လိမ့်မယ်

ရွတ်ဖြစ်နေတဲ့ သီချင်းစာသား……………. မမြင်တာ မဆုံတာကြပေမယ့် ရင်မှာအမြဲတမ်း မင်း ရှိတယ်

အလုပ်များနေတာက………………………. သင်္ကြန် Greeting Card တွေကြောင့်

စားဖြစ်နေတာက…………………………….ရုံးပတီသီးကြော် (ခုတလော တော်တော် အာတွေ့ လျှာတွေ့ ဖြစ်နေတယ်)

လုပ်ချင်နေတာက………………………… အိမ်တွင်းပုန်း (လူတွေနဲ့ ဆက်ဆံရတာ ခုတလော နည်းနည်း စိတ်ကုန်နေတယ်..)

သွားချင်နေတာခရီးက………………………ကမ်းခြေတစ်နေရာ (စိတ်ကိုထွက်ပေါက်ပေးဖို့ ပင်လယ်ကြီးကို ကြည့်ပြီး အော် ချင်စိတ်တွေ ဖြစ်နေလို့)

ရေးချင်နေတဲ့အကြောင်းက …………………လူတွေကြားက နားလည်မှုတွေအကြောင်း (မရေးတတ်တော့လည်း ခက်တယ်)

မပေးမဖြစ် ပေးနေရတာက ………………… မင်္ဂလာဆောင် လက်ဖွဲ့တွေ (ကိုယ်သာ မင်္ဂလာဆောင်ရင် အဲ့လူတွေကို ဘယ်မှာရှာရမယ်မှန်းတောင် သိမှာမဟုတ်ဘူး)

အတွေ့ချင်ဆုံးသူက ………………………… သူငယ်ချင်းတစ်ယောက်ကို (ပြောချင်တာ ပြောပြီး အားရ ပါးရကို ဖက်ငိုချင်တာ)

လိုချင်နေတာက …………………………… အမွေးပွပွ ၀က်ဝံရုပ် (နောက်နေ့သွားဝယ်မယ်.. မရတော့ဘူး)

ဖြစ်ချင်နေတာက ……………………………အချစ်ဦးရဲ့ နောက်ဆုံးချစ်သူ

သတိအရဆုံးလူ………………………………အဝေးရောက် လူတစ်ယောက်ပေါ့

ချစ်မိနေတာက ………………………………သဘာဝ ပတ်ဝန်းကျင်ကို

မုန်းနေတာက …………………………………နိုး နိုး ဒီ စိတ်တော့ မ၀င်အောင်နေတယ်

နားမလည်တာက …………………………… တစ်ချို့မိန်းမတွေကို

ဝယ်ဖြစ်တာက ……………………………… ဂျင်းပန် အနက်တစ်ထည်

မလုပ်မဖြစ် လုပ်နေရတာက ……………… စာကျက်နေရတယ် (အသဲ အသန်ကိုပဲ)

တော့င့်တမိတာက …………………………… အားပေးနှစ်သိမ့် ဖေးမပေးမယ့် ပခုံးတစ်စုံ

ခေါင်းထဲမှာ ခဏ ခဏ ၀င်လာတတ်တာက …………… တော်အောင် ထက်အောင် ငါ ဘာလုပ်ရမလဲ

ပြောချင်နေတဲ့ စကား………………………………ဒီပိုစ့်ကို ဒီမှာပဲ အဆုံးသတ်လိုက်တော့မယ် 😛

Longing for “Mee”

မီးရယ် မီးရယ်
မီးမလာတဲ့ နေ့တွေ ညတွေအလယ်
ရှင်သန်ရတာ ငါတစ်ကယ် မောတယ်…။

ရန်ကုန်မြို့မှာ ခုတလော မီးက အတော်လေးကို ဆိုးဆိုးဝါးဝါးပျက်နေတယ်။ နေ့လည်ဘက်လည်း မလာ၊ ညနေဘက်လည်းမလာ။ လာပြန်တော့လည်း ၁၅ မိနစ်၊ နာရီဝက်ထက် မပိုဘူး။ တစ်ခါ တစ်လေတော့လည်း သုံး လေး နာရီလောက် ကြာကြာ လာပေးတတ်ပါတယ်။ အချိန်က ည ၂ နာရီတို့၊ မနက် ၄ နာရီလောက်တို့။ ဘာလုပ်ရမှာလဲ.. တစ်နေကုန် ပင်ပန်းလာလို့ အိပ်မောကျနေတဲ့ကြတဲ့ ကျွန်မတို့လို လူမျိုးတွေအတွက် အဲဒီအချိန်မှာမှ မီးလာပေးလို့ ဘာလုပ်နိုင်မှာလဲ။

နွေရောက်ပြီ။ ရာသီဥတု ပူသည်။ မီးမလာလို့ ပိုပူသည်။ မီးမလာလို့ ရေမလာသည့် နေ့တွေလည်း ရှိသည်။ မီးမလာလို့ ညဘက်တွေ ၀ရံတာမှာ ယပ်တောင် တစ်ချောင်းနဲ့ ယပ်ခပ်ပြီး အချိန်သွားသည့် နေ့မျိုးတွေလည်း များလှပြီ။ သြော်.. ရက်စက်ပါ့ မီးရယ်။ EPC က ကိုကိုတွေများ အချောင်သဘောနဲ့ ဆီခိုးနေတာလားကွယ်။

မီးမလာတော့… စာမကျက်ချင်ဘူး။ မီးမွှေးရတာ ဒုက္ခရောက်တယ်။ မြန်မာပြည်မှာ မီးကို အားကိုးပြီး အလုပ်လုပ်လို့ မရမှန်းတော့ သိတာပေါ့ မီးရယ်။ ဒါပေမယ့် ခုဟာက လွန် လွန်း နေလို့ပါကွယ်။ အရင်တုန်းက ၁၁ နာရီလာ ၅ နာရီပြတ်ဆိုတဲ့ အချိန်မျိုးတွေ ရှိသေးတော့ မီးလာမယ့် အချိန်ကို မျှော်ရတာ အားရှိတာပေါ့။ မီးလာလို့ ကလေးတွေရဲ့ ဟေးးးးးးးးးး ခနဲ အော်သံကလည်း မင်္ဂလာရှိတဲ့ အသံပါပဲ မီးရယ်။ ခုတော့ မီးက လာချင်သလိုလာ.. ပြန်ချင်သလိုပြန်နဲ့ မီးကိုများ စောင့်နေရင် ဘ၀ပျက်သွားနိုင်တယ်။

မြန်မာပြည်မှာ နေမိမှတော့ မီးနဲ့ အချိန်တိုင်းဆုံခွင့် မရှိမှန်း နားလည်ပါတယ် မီးရယ်။ ဒါပေမယ့် ဖြစ်နိုင်မယ်ဆိုရင်၊ လာချင်သလို လာနေတာမျိုးထက် စာရင် အရင်လိုမျိုး အချိန် အကန့် အသတ်လေးနဲ့ဖြစ်ဖြစ် လာပေးပါလားကွယ်။ အချိန်နဲ့မျှော်၊ အချိန်နဲ့ လုပ်ရတာဟာ.. မရေရာတဲ့ ဗလာသက်သက်ထက်စာရင် ကောင်းကျိုးတော့ ရှိသေးတယ် မဟုတ်လား။

မီးကို အရင်လိုအမြဲ ပြန်တွေ့ရဖို့ဆိုတာ ငါ့အတွက်တော့ အိပ်မက်မက်တာလောက်တောင် မသေချာတဲ့ ကိစ္စမျိုးပါလား မီးရယ်။

Busy and Pretty Weekends!

ရုံးပိတ်ရက်တွေဆို ကျွန်မသိပ်အလုပ်များတယ်။ အရင်တုန်းကဆို ပိတ်ရက်တွေ ကျွန်မကို အိမ်မှာ ဖမ်းမိဖို့ဆိုတာ တော်တော်ခက်ခဲတာ။ သူငယ်ချင်းတွေနဲ့ ချိန်းပြီး သွားချင်ရာ လျှောက်သွားနေရော။ ခုတော့ အခြေအနေတွေက မတူတော့ဘူးလေ။ အိမ်မှာ မနေလို့ကို မဖြစ်တော့ဘူး။ အမကြီး အမိအရာဆိုသလို ညီမလေးကို စောင့်ရှောက်ရမယ့် တာဝန်တွေအပြင် ချက်ကျွေးရမယ့် တာဝန်ကလည်း ရှိလာပြီကိုးရှင့်။

ကျွန်မှာ သောကြာနေ့ညနေကတည်းက အားတယ်ဆိုတာ မရှိတော့ဘူး။ ကျွန်မ ညီမလေးက ပညာရေးတက်ကသိုလ် တက်နေတာလေ။ ကောင်းတာတစ်ခုက သူတို့ကျောင်းက အဆောင်ပေးတယ်ရှင့်။ အရင်တုန်းက ကျောင်းသူ၊ ကျောင်းသားတွေလိုပေါ့။ ပုဂံဆောင်တို့၊ တကောင်းဆောင်တို့၊ န၀ဒေးဆောင်တို့ ဆိုတာတွေမှာ B.Ed က ကျောင်းသူတွေ နေကြရတာ။ ညီမတော်က သောကြာနေ့ဆိုရင် အဆောင်က ထွက်လာပြီး ကျွန်မအိမ်မှာ လာအိပ်တာ။ တနင်္ဂနွေနေ့ ညနေဘက် ခြောက်နာရီမထိုးခင် အဆောင်ပြန်ဝင်ရတာ ဆိုတော့ အိမ်မှာ ညနေ ငါးနာရီလောက်ထိတော့ သူကရှိနေတာပေါ့။ အဲဒီတော့ ကျွန်မမှာလည်း သူမပြန်မချင်းကို သူ့အတွက် လုပ်ပေးရ ကိုင်ပေးရ၊ ချက်ပြုတ်ပေးရ၊ အဆောင်မှာ တစ်ပတ်စာစားဖို့ ဟင်းတွေ လုပ်ပေးရနဲ့ အားကို မအားနိုင်ပါဘူး။ သူငယ်ချင်းတွေ အရင်တုန်းကဆို မေးလေ့ရှိတယ်။ ပိတ်ရက် ဘယ်သွားလဲ၊ ဘယ်ရောက်နေလဲ ဆိုပြီးတော့။ ဟုတ်ကဲ့ ပိတ်ရက်ဆို ကျွန်မမှာ မီးဖိုချောင်ကကို မထွက်ရပါဘူးရှင်။

ညီမလေးကလည်း အဆောင်ကို မပြန်ခင်ကျွန်မကို ကြိုမှာထားခဲ့တာ။ မထက် သောကြာနေ့လာရင် ဘာဟင်းချက်ထားနော် ဆိုပြီးတော့။ သူစားချင်တဲ့ ဟင်းကို မနက် မီးလာလာ၊ မလာလာ ချက်ထားရတာပေါ့ရှင်။ ဒါမှ သူညနေအိမ်ပြန်ရောက်ရင် အဆင်သင့်စားရမှာကို။ ကျွန်မက သောကြာနေ့ဆို ရုံးတက်ရသေးတာနဲ့ ဘာနဲ့ ညနေကို ခုနစ်နာရီလောက်မှ အိမ်ပြန်ရောက်တာကိုး။ စနေနေ့ဆိုလည်း ဒီလိုပါပဲ ရုံးက နေ့တစ်ဝက် တက်ရသေးတော့ မနက်ရုံးမသွားခင်ကတည်းက မမလေးစားဖို့ နေ့လည်စာက အသင့်ဖြစ်အောင် ချက်ရသေးတာ။ ဒီအချိန်မှာ မီးတွေ ဘာတွေလည်း ဂရုမစိုက်အားတော့ပါဘူး။ မီးမလာလည်း မီးသွေးနဲ့မီးမွှေးချက်ရတာပေါ့။ တနင်္ဂနွေဆိုလည်း ဒီလိုပါပဲ။ မနက်ဆို ညီအစ်မ နှစ်ယောက် ဈေးကိုသွား၊ သူက စားချင်တာကို လက်ညှိုးထိုး၊ ကျွန်မက၀ယ်၊ ပြန်ရောက်တော့ ချက်စားကြနဲ့ ပျော်စရာတော့ တော်တော်ကောင်းပါတယ်။

ချက်ပြီးတော့လည်း မပြီးသေးပြန်ပါဘူး။ ကြီးတော်လေးက အ၀တ်တွေကိုလည်း သယ်လာသေးတာ။ သူကတော့စာကျက်ပေါ့လေ။ ကျွန်မကတော့ လျှော်လိုက်၊ မီးပူတိုက်လိုက်၊ အိမ်သန့်ရှင်းရေး လုပ်လိုက်နဲ့ တစ်နေကို ကုန်ရော။ အိမ်မှာ အတူနေကြတဲ့ တစ်ခြားသူငယ်ချင်းတွေလည်း တနင်္ဂနွေနေ့ဆို အကုန်ဆုံကြတာကိုး။ သူတို့တွေလည်း ထမင်းတွေ ဟင်းတွေချက်၊ ပြီးတော့ အကုန်စုစားကြနဲ့ အတော်လေးကို ပျော်စရာကောင်းပါတယ်။ ကျွန်မတို့တွေ အားလုံးက ညီအစ်မတွေလို ဖြစ်နေပါပြီ။

ကျွန်မ ရန်ကုန်မှာ တက္ကသိုလ်စတက်တုန်းက သိပ်ကိုရီရတာ။ အိမ်မှာဆို ကျွန်မတို့က ဘာမှမလုပ်ရဘူးလေ။ ထမင်းကို ခူးပြီးသား အဆင်သင့်စား၊ အ၀တ်ကို မီးပူတိုက်ပြီးသား အဆင်ဝင့်ဝတ်နဲ့ ဘာဆိုဘာမှကို မလုပ်တတ်တာ။ အိမ်မှာက ကျွန်မအမေရဲ့ညီမ အဒေါ်အပျိုကြီးကလည်းရှိတော့ သူက တူမတွေအတွက် အကုန်ကို လိုက်လုပ်ပေးတာ။ မနက်မိုးလင်းရင် မုန့်က အဆင်သင့်၊ ကျောင်းသွားခါနီး ထမင်းခူးပြီးသား၊ ပန်းကန်တွေလည်း ဆေးစရာမလို၊ အ၀တ်တွေလည်းလျှော်စရာမလိုနဲ့ ကျွန်မ 10 အောင်ပြီးတဲ့အထိ ဘာဆို ဘာမှကို မလုပ်တတ်တာပါရှင်။ ကျောင်းလည်း လာတက်ရော ဒုက္ခနဲ့ လှလှနဲ့တွေ့ရော။ ထမင်းဟင်း မချက်တတ်လို့လေ။ အတူနေတဲ့ အစ်မတွေကိုမေး။ အမေကလည်း အလွယ်ဆုံး ဟင်းချက်နည်းတွေကို သင်ပေး၊ အဲတုန်းကဆို မှတ်မိပါသေးတယ် ကြက်ဥကြော်ရယ် လက်ဘက်သုတ်ရယ်နဲ့ပဲ နေ့တိုင်း ထမင်းစားရတာများတယ်။ ဟင်းမချက်တတ်လို့။ အိမ်က ပို့လိုက်တဲ့ အခြောက် အခြမ်းတွေကို မစားချင်လည်း ဖြစ်ညှစ်စားနဲ့ တော်တော်ကို စားလို့ မ၀င်တာ။ နောက်တော့လည်း ဒီလိုပါပဲ စမ်းချက်ကြည့်ရင်း တတ်သွားတာပေါ့။ ဟိုနေ့ကလည်း အိမ်ကို ညီမတစ်ယောက်က လာလည်လို့ ထမင်းတွေ ချက်ကျွေးတာ ဘာပြောသွားတယ်မှတ်တုန်း မထက် ထမင်းချက်တတ်တာ သူ့အတွက်တော့ ကမ္ဘာ့ အံ့ဖွယ် တစ်ခုလိုပါပဲတဲ့၊ ကောင်းရော။

နောက် ကျွန်မပျော်တာ တစ်ခုရှိသေးတယ်။ ကျွန်မညီမလေး နေရတဲ့ တစ်ကောင်းဆောင်က သထုံလမ်းမှာလေ။ အဲတော့ သူ့ကိုလိုက်ပို့ရင်း သထုံလမ်းကို လျှောက်ရတာလည်း ပျော်တယ်။ အရင်တုန်းကတော့ ကျောင်းသူ ကျောင်းသားတွေနဲ့ ပျော်စရာ ကောင်းချင် ကောင်းမှာပေါ့။ ကျွန်မတို့က ရွာသာကြီးမှာ ကျောင်းတက်ရတဲ့ ခေတ်ဆိုတော့ မမီလိုက်ဘူးပေါ့ရှင်။ ခုတော့ သထုံလမ်းမှာ အားကစား သမားတွေချည်းပါပဲ။ ပညာရေးတက္ကသိုလ်က ကျောင်းသူတွေကိုတော့ တွေ့ရပါတယ်။ တင်းနစ်စ်ကွင်းမှာ တင်းနစ်စ် ရိုက်နေကြတဲ့သူတွေ၊ ဘောလုံးကွင်းမှာ ဘောလုံးကန်နေကြတဲ့သူတွေ၊ အမျိုးသား အားကစားရုံမှာ လာဆော့ကြတဲ့သူတွေနဲ့ပဲ သထုံလမ်းကလည်း စည်ကားနေပါတယ်။ ညနေဘက်ကို အေးအေးလေး လမ်းလျှောက်ရတာ တော်တော်ကြည်နူးစရာ ကောင်းပါတယ်ရှင့်။

ဒီလိုပါပဲ ကျွန်မရဲ့ အားလပ်ရက်တွေဟာ ညီမတစ်ယောက်နဲ့တင် တော်တော်ကို အလုပ်များနေတော့တာ။ ဒီညီအစ်မကလည်း သိပ်ကိုချစ်ကြတာဆိုတော့ အလုပ်များပေမယ့် ပျော်စရာ ကောင်းတာပေါ့ရှင်။ ကျွန်မစဉ်းစားမိတာ တစ်ခုရှိတယ်။ ညီမတစ်ယောက်နဲ့တောင် ဒီလိုဖြစ်နေတာ မတော်တစ်ဆများ ယောင်္ကျားလေးဘာလေးရလို့ ကလေးတွေ ဘာတွေ မွေးခဲ့ရင် အိမ်ရှင်မ လုပ်ရတာ တော်တော်ပင်ပန်းမှာပဲလို့။……..တော်ပါပြီ စိတ်ကုန်တယ်.. တောထဲကသစ်ပင်ပေါ်မှာ သွားနေမယ်….. သြော် ပိုစ့်ရေးပြီးသွားလို့ သီချင်းဆိုတာပါ.. ဘာရယ် မဟုတ်ပါဘူး။

Experience of Transferring

ဘလောဂ့်ရွှေ့လိုက်တော့ နည်းနည်းအလုပ်များသွားတယ်။ ဒီကြားထဲ DNS Change လုပ်တာကလည်း အနည်းဆုံး 72 နာရီကြာမယ်လို့ ဆိုထားတော့ ဒိုမိန်းကလည်း လောလောဆယ် မရသေးဘူး ဖြစ်နေတယ်ရှင့်။ သူများတွေ Blogspot က ပိုစ့်တွေကို Import လုပ်တုန်းကတော့ အယ်ရာတွေ ပြကြတယ်လို့ ပြောတယ်။ အောင်မျိုးဟန် ကလည်း အကုန်ရွှေ့လို့ မရသေးဘူးတဲ့.. နင့် ကျတော့ဘာလို့ ရတာလဲတဲ့။ ငါက ချောလို့ နေမှာပေါ့ဟာ လို့.. ဟား ဟား။ WordPress နဲ့က အကျွမ်းတ၀င် မရှိသေးတော့ စစချင်းမှာ နည်းနည်း ဒုက္ခရောက်တယ်။ မသိတာကလည်း များတယ်။ သူများကို မေးရမှာလည်း အရမ်းအားနာတယ်။ အားလုံးက အလုပ်များနေတဲ့ သူတွေကို။ ဒါပေမယ့်လည်း မေးရတာပါပဲရှင်။ ကိုယ်မှ မတတ်တာလေ..။ တစ်ခုရှိတာက Template အလန်းလေးတွေကို ကြိုက်တတ်တဲ့ ကျွန်မ ခုတော့လည်း ရိုးရိုးရှင်းရှင်းကြီးနဲ့ နေနေရတယ်။ စိတ်ထဲမှာတော့ ဘ၀င် သိပ်မကျလှဘူး။ စီဘောက်ဆိုတာ ကိုယ်တောင် မြင်နေရမှ အော်ချင်တာ.. သူများတွေတော့ မပြောတတ်ဘူး။ ခုလို လင့်ပေးလိုက်ရတော့ ကိုယ့်စီဘောက်တောင် ကိုယ်ပြန်မကြည့်မိတော့ဘူးပေါ့။ Comment တွေ ရေးရတာတော့ ပိုလွယ်သွားတယ်။ WordPress ကို Blogspot ထက်တော့ ပိုကြိုက်ပါတယ်။ CSS ပြင်ခွင့် မပေးတာ တစ်ခုက လွဲရင်ပေါ့။

ခုတစ်လော အပြောင်းအရွှေ့ကြောင့်ရယ်၊ ရုံးမှာ ခေါင်းစားနေတာတွေ ကြောင့်ရယ် ပိုစ့်အသစ်ရေးဖို့ စိတ်မပါသေးဘူး ဖြစ်နေတယ်။ ဒိုမိန်းကလည်း မလာသေးတော့ စာဖတ်သူတွေ အဆင်မပြေဖြစ်ကြမယ် ထင်တယ်။ အားလုံးကို တောင်းပန်ပါတယ်။ ရေးဖို့ စဉ်းစားထားတာတွေတော့ ရှိတယ်။ အလှအပ အကြောင်းတွေရော၊ ရင်ထဲက ခံစားချက်တွေကော၊ ဗဟုသုတလေးတွေကော။ နောက်ပိုင်းတော့ ဆက်တိုက် တင်ဖြစ်သွားမှာပါ။ လောလောဆယ်မှာတော့ စိတ်ကလည်း မပါတဲ့အပြင် မကောင်းပါဖြစ်နေတယ်။

ကျွန်မက ဘာလဲတော့ မပြောတတ်ဘူးရှင့်။ တစ်ခုခု မကောင်းတာ ဖြစ်ခါနီးရင် အိပ်မက်တွေ ကြိုမက်တတ်တယ်၊ ရင်ထဲမှာ လှပ်လှပ် လှပ်လှပ် ဖြစ်တတ်တယ်၊ နေရထိုင်ရတာ လေးလေးပင်ပင်တွေ ရှိနေတတ်တယ်။ အဆိုးတွေ ကြုံခါနီးတိုင်း ဖြစ်တာတော့ မဟုတ်ဘူး။ တစ်ခါ တစ်ခါ ဖြစ်တတ်တာကို ပြောတာ။ သတိမထားမိလိုက်ရင် သြော် ငါဖြစ်နေတာ အိပ်မက်ထဲက ဟာမျိုးပါလား၊ သြော် ဒါ့ကြောင့် စိတ်တွေ လေးနေတာကိုး ဆိုပြီး ဖြစ်သွားတတ်ရော။ ခုလည်း နေရတာ မကောင်းဘူးရှင့်။ ဘယ်လိုမှ မကောင်းဘူး။ တစ်ခုခု ဖြစ်မှာကို ကြောက်တယ်။

Me and My Blog!

 ချစ်လို့ တက် လိုက်တဲ့ ကိုပီကေ ကြောင့် သူ့ရဲ့ blog အသိုက်အမြုံလေးထဲက တစ်ယောက်ဖြစ်တဲ့ ကျွန်မလည်း ကျွန်မနဲ့ ကျွန်မဘလောဂ့်အကြောင်းကို ဖွင့်ချပြဖို့ အကြောင်းဖြစ်လာခဲ့ပါပြီ။ တစ်ကယ်တော့ ကျွန်မက စခဲ့တဲ့ Tag Game ကခုချိန်ထိ မရှိသေးဘူးရှင့်။ ဒီတော့ ကျွန်မလည်း သူများတွေကို အားကျပြီး Tag Game တစ်ခုတော့ လုပ်အုံးမှ လို့စဉ်းစားနေတုန်း ဟော….. ခုကိုပီကေကြီးက တက်လိုက်ပြန်ပြီတဲ့.. လုပ်ထား..။ အိုကေလေ တက်တော့လည်း ရေးရသပေါ့.. Me and My Blog!

တစ်ကယ်တော့ ကျွန်မ blog ကို စလုပ်တာ 2007 ဂျူလိုင်လ လောက်မှာပါ။ အရင်တုန်းကတော့ ဘလောဂ့်တွေ ကိုဖတ်ဖူး၊ ကြားဖူးနေပေမယ့်.. အိမ်မှာ အိမ်တွင်းနတ် (အင်တာနက်) မရှိတာက တစ်ကြောင်း၊ ရုံးမှာ မအားတာက တစ်ကြောင်းကြောင့် Planet, Padonma, Myanmar Teashop စတဲ့ ဖိုရမ်တွေမှာ ရေးနေရုံက လွဲပြီး ဘာမှ မလုပ်ဖြစ်ခဲ့ပါဘူး။ ဖိုရမ်မှာကျတော့ ကိုယ်က တော့ပစ်တစ်ခုလောက် စလိုက်ရင် ဆက်ရေးမယ့် သူတွေ၊ ဆက်ပွားမယ့် သူတွေ တစ်ပုံ တစ်ပင်ကြီးလေ။ ဒါကြောင့် Pinkgold တို့ တော့ပစ်ကို စပဲ စတယ်၊ ဘယ်တော့မှ ဟုတ်ထိ ပတ်ထိ ဆက်မရေးဘူး.. (မိုက်ပါ့).. နောက်တော့ ကျွန်မ Handle လုပ်နေတဲ့ TONI&GUY Hair Products လေးကို Web Adverting လုပ်ဖို့ စိတ်ကူးမိရာကနေ ကျွန်မ ဘလောဂ့်ကို စလုပ်ဖြစ်ခဲ့တာပါ။

စစချင်းတော့ Product ကြော်ငြာဆိုတော့ ဘိုလိုပဲ ရေးပါတယ်။ အားလုံးလည်း သိကြမှာပါ။ ကျွန်မ ဘလောဂ့်မှာ အရင်တုန်းကဆို TONI&GUY Product အကြောင်းတွေ ချည်းပဲလေ။ အလည်လာကြတဲ့ သူတွေတောင် ခေါင်းလိမ်ဆီ ပေးပါဗျို့၊ ခေါင်းလျှော်ရည် ပေးပါဗျို့နဲ့ အော်တတ်ကြပါသေးတယ်။ ဒီလိုနဲ့ ကျွန်မ ဘလောဂ့်လေးကို စတင်ခဲ့တာပါ။ ဒါပေမယ့် ကံမကောင်း အကြောင်းမလှချင်တော့ August လောက်မှာ ကျွန်မ ဘလောဂ့်ကို Template ပြင်နေရင်းကနေ မတော်တစ်ဆ ဘလောဂ့် ပျက်သွားတယ်ရှင်။ ပြန်ပြင်လို့တော့ ရပေမယ့် စိတ်မရှည်တတ်တဲ့ ကျွန်မ စိတ်တိုတိုနဲ့ပဲ ဘလောဂ့်တစ်ခုလုံးကို delete လုပ်ပလိုက်တယ်လေ။

တစ်ကယ်တော့ ကျွန်မ Blog Coding တွေ အကြောင်းကို ဘာတစ်ခုမှ မသိ၊ နားမလည်ပါဘူး။ ဖိုရမ်ထဲကနေ ခင်လာပြီး၊ blogger လည်းဖြစ်နေတဲ့ သူငယ်ချင်းတွေ၊ မောင်လေးတွေကို အကူအညီတောင်းရတာပေါ့နော်။ မိုးတိမ်တို့၊ ကိုထိုက်တို့၊ တေဇာတို့ ဆိုရင် ကျွန်မပေးတဲ့ ဒုက္ခကို ခံစားနေကျ သူတွေပါ။ အဲ ဘလောဂ့်ပျက်သွား ချိန်မှာမှ ကျွန်မ သိလိုက်ရတာက ဘလောဂ့် မရေးရရင် ကျွန်မ ဘယ်လိုမှ မနေတတ်တော့ဘူး ဆိုတာပါပဲ။ အဲတော့မှ အခု blog လေးကို ကျွန်မ စတင်ဖြစ်ခဲ့တာပါ။ Blogger တွေထဲမှာ ကျွန်မကြိုက်တဲ့ သူတွေ တော်တော် များပါတယ်။ ကိုညီလင်းဆက်၊ ကိုနေဘုန်းလတ်၊ ကိုဇင်ကိုလတ်၊ ကိုညီညီ၊ မနိုင်းနိုင်း၊ မအိမ်ချမ်းမြေ့…. အို အများကြီးပါပဲ။ ခက်တာက ကျွန်မ သူတို့လို စာတွေ၊ ကဗျာတွေ ကောင်းကောင်း မရေး တတ်ဘူးရှင့်။ ဘလောဂ့်ကလည်း ရေးချင်သေးတယ်၊ ဟုတ်ထိ ပတ်ထိလည်း မရေးတတ်၊ ကိုယ့်ဘလောဂ့်ကို လူများများ လာဖတ်တာလည်း ခံချင် သေးတယ်ဆိုတော့ ကျွန်မ ဘာအကြောင်းတွေကိုများ ဘလောဂ့် ရမှာပါလိမ့်နော်….။

နောက်တော့မှ ကျွန်မ သတိထားမိ သွားတာက မြန်မာ ဘလောဂ့်တွေ ထဲမှာ အလှအပနဲ့ ပတ်သက်တဲ့ အကြောင်းတွေကိုပဲ သီးသန့်ရေးထားတဲ့ ဘလောဂ့် တော်တော် ရှားသေးတယ် ဆိုတာပါပဲ။ ဒီတော့ ကျွန်မ အလှပြင်တာ ၀ါသနာ မပါပေမယ့်၊ The World Of Physical and Mental Beauty ဆိုတဲ့ ဘလောဂ့်လေးကို ဖန်တီးဖြစ်ရတာပါ။ နောက်တော့ ကျွန်မ အားတိုင်း ဘလောဂ့်တွေပေါ် ရောက်တော့တာပဲ။ ဘလောဂ့်မှာ တင်ဖို့ Articles တွေကို ဖွေရှာမွှေ နှောက်တော့တာပဲ။ သူများတွေဆီသွားလည်းရင်း ပျော်နေသလို၊ ကိုယ့်ဘလောဂ့်ကို လူလာဖတ်ဖို့ကိုလည်း မျှော်တတ်လာမိတော့တယ်လေ။ Blog Seminar ကြီးမှာလည်း အခမ်းအနားမှူး တစ်ယောက် အနေနဲ့ Supporting Asset အဖြစ် ပါဝင်ခဲ့ပါသေးတယ်။ Blogger သူငယ်ချင်းတွေလည်း တိုးသထက် တိုးလာလို့ Blog Community ကြီးကိုသာ ငါစွန့်ခွာ ခဲ့ရရင် ဆိုတဲ့ အတွေးကို မတွေးရဲလောက် အောင်ပဲ ဖြစ်လာခဲ့မိပါတော့မယ်။ ဒီကြားထဲမှာ Blogger ကို ပုဂံကနေ ဘန်းလိုက်တော့ တော်တော်လေးကို စိတ်ထိခိုက်ပြီး မစားနိုင်၊ မသောက်နိုင် ဖြစ်ခဲ့ပါသေးတယ်။ နောက်တော့မှ www.all-channel.com ကိုလုပ်တဲ့ ကိုသီဟက ကျွန်မအတွက် domain လေးတစ်ခုဝယ်ပြီး လက်ဆောင်ပေးတော့ ဖတ်ရတဲ့ သူတွေအတွက် တော်တော် အဆင်ပြေသွားတာပေါ့နော်။

ခုတော့ ဘလောဂ့်ရေးရတာကို မွေ့လျော်ရင်း၊ ဘလောဂ့်တွေ ဖတ်ရတာကို နှစ်သက်ရင်း ခပ်ရင့်ရင့် အတွေးသံစဉ်များ ဆိုတဲ့ ဘလောဂ့်အသစ် တစ်ခုကိုလည်း မကြာသေးမီကမှ ကျွန်မတို့ သူငယ်ချင်းတွေ ပေါင်းပြီး ဖန်တီးဖြစ်ခဲ့ကြပါတယ်။ ဒီ ဘလောဂ့်ကို ဖန်တီးရတာက ဘာကြောင့်လည်း ဆိုရင် ကျွန်မ လက်ဆော့ ချင်လို့ပါ။ ကျွန်မက ဒီဘက်မှာ အလှအပတွေအကြောင်း ရေးနေတော့ တစ်ခါတစ်လေ ကျွန်မစိတ်ထဲ တွေးမိတာလေးတွေ၊ ကျွန်မပတ်ဝန်းကျင်မှာ ဖြစ်ပျက်နေတဲ့ အကြောင်းတွေကို ဒီမှာ ချရေးဖို့ကျတော့ သိပ်မလိုက်သလိုပဲလေ။ ဒါကြောင့် စာရေးကောင်းတဲ့ သူငယ်ချင်းတွေကို နှိပ်စက်ပြီး ကျွန်မအဲဒီ blog လေးကို လုပ်ရတာပေါ့ရှင်။ ကဲ ခုတော့ ကျွန်မရေးချင်တဲ့ အကြောင်းတွေကို ချပြဖို့ နေရာလည်းရှိ၊ အလှအပ ဘလောဂ့်လေး ကလည်း အဆင့်သင့် ဆိုတော့ တစ်နေ့ တစ်နေ့ ကျွန်မ အချိန်တွေဟာ အလုပ်ရယ်၊ ဘလောဂ့်ရယ်နဲ့ ဘယ်လို ဘယ်လို ကုန်သွားမှန်းတောင် မသိတော့ဘူးလေ။ ဘာပဲပြောပြော Blogger တစ်ယောက်ဖြစ်ရတာ၊ Blog Community ထဲမှာ ကျင်လည်ရတာ ကျွန်မအတွက်တော့ ပျော်ရွှင်ဖွယ်ရာ ဘ၀ရဲ့ အစိတ်အပိုင်း တစ်ခုဖြစ်ပါတော့တယ်ရှင်။

ဒီအကြောင်းလေးကို ရေးဖို့ ဘယ်သူ့ကို မှတော့ မတက်တော့ပါဘူးရှင်။ သူများက စတဲ့ တက်ဂိမ်းကို ကိုယ်ကလိုက် မဆက်ချင်ပေါင် (အဟိ…) ကိုယ့်ဘာသာကို တက်ဂိမ်း အသစ်လုပ်တော့မှ မရေးပဲ နေဖို့ မစဉ်းစားနဲ့ကွ ကိုပီကေရ.. အဟားးးးးးးးးးး

 

ကျွန်မရဲ့ Blog Post တွေကို အချိန်ပေးပြီး ဖတ်တဲ့အတွက် ကျေးဇူး အများကြီးတင်ပါတယ်ရှင်။

My Fault

ကျွန်မ Blog ပျက်သွားတယ်ရှင်
ဒါကတော့ အသစ်ပြန်လုပ်ထားတာလေ
ပို့စ်အဟောင်းတွေ တင်နိုင်သလောက် ပြန်တင်ထားတယ်
Template လည်းပြောင်းထားတယ်
ဖတ်ရှုဝေဖန်ပေးကြပါအုံးနော်.
Text Color ပြောင်းတာ မရဘူးဖြစ်နေတယ်.Font and Color မှာရော Edit Html ထဲမှာရော ပြင်တာပဲ အရောင်က ပြောင်းမလာဘူး.. ကူညီကြပါအုံးနော်

Pinkgold

ကျွန်မရဲ့ Blog Post တွေကို အချိန်ပေးပြီး ဖတ်တဲ့အတွက် ကျေးဇူး အများကြီးတင်ပါတယ်ရှင်။